Reflection гэдэг үгийг монголчилбол тусгал эсвэл ойлт гэж хэлж болно. Технологийн талаар мэдээлэл хайн судлахын тулд орчуулгаар тогтоох гэснээс шууд Reflection гэж хэрэглэвэл илүү. Reflection гэж юу болох талаар ярилцая. .NET Framework орчинд компиляц хийгдсэн ердийн dll эсхүл exe файлыг авч үзье. Энд бид дурын dll эсхүл exe файл биш яг .NET Framework -ийн бүрэлдхүүнд багтсан аль нэгэн хэл дээр бичин компиляц хийн гаргасан dll эсхүл exe файл гэдгийг онцлоё. dll эсхүл exe файлаа Ассемблай /Assembly/ гэж нэрлэе.

Хааяа өөр өөр параметрүүдийн багцтай нэг аргыг үүсгэх шаардлага гардаг. Ирсэн параметрүүдээс хамааран аргын тодорхой хэрэгжүүлэлтийг хэрэглэнэ. Ийм боломжийг аргын хэт ачаалал (method overloading) нэрлэдэг. overloading нэрийн хэт ачаалал орчуулга сайнгүй болсон байх талтай. Иймээс нэрийг overloading гээд тогтоогоод явах нь илүү ч байж болно.  
C# хэлэнд класст өөр өөр сигнатуртай /тодорхойлогч/ нэг ижил нэртэй олон аргыг үүсгэх боломжтой. Сигнатур гэж юу вэ? Сигнатур дараах зүйлүүдээс бүрдэнэ.

• Аргын нэр
• Параметрүүдийн тоо
• Параметрүүдийн төрлүүд
• Параметрүүдийн дараалал
• Параметрүүдийн модификаторууд

Гэхдээ параметрүүдийн нэрүүд сигнатурт орохгүй.

Хувьсагч бүр тодорхой контекст эсхүл харагдах бүсдээ хүчинтэй. Энэ контекстийн гадна хувьсагч байхгүй болно.

Төрөл бүрийн контекстүүд байдаг.

• Классийн контекст. Классийн түвшинд тодорхойлогдсон хувьсагчид энэ классийн дурын аргад хүчинтэй. Эдгээрийг глобал хувьсагид эсхүл талбарууд гэж бас нэрлэдэг.
• Аргын контекст. Аргын түвшинд тодорхойлогдсон хувьсагчдийг локал гэх бөгөөд зөвхөн тухайн арга дотроо хүчинтэй. Өөр аргад хувьсагчид хүчингүй. Байхгүй гэсэн үг.
• Кодийн блокийн контескт. Блокийн кодийн түвшинд тодорхойлогдсон хувьсагчид бас локал бөгөөд зөвхөн тухайн блокдоо хүчинтэй (харагдана). Өөрийн блокийн гадна тэд хүчингүй.

Өөр функцийн дотор тодорхойлогдсон функцийг локал функц гэдэг. Локал функц тухайн аргын хүрээнд хийгдэх үйлдлүүдийг агуулдаг. Локал функцийг ойлгохын тулд хоёр тоон массивийн нийлбэрийг харьцуулах Compare аргыг

void Compare(int[] numbers1, int[] numbers2)
{
    int numbers1Sum = 0;
    int numbers2Sum = 0;

    foreach (int number in numbers1)
        numbers1Sum += number;

    foreach (int number in numbers2)
        numbers2Sum += number;

    if (numbers1Sum > numbers2Sum)
        Console.WriteLine("numbers1 массивийн тоонуудын нийлбэр их");
    else
        Console.WriteLine("numbers2 массивийн тоонуудын нийлбэр их");
}

int[] numbers1 = { 1, 2, 3 };
int[] numbers2 = { 3, 4, 5, 6, 7 };

Compare(numbers1, numbers2);

гэж тодорхойльё.