Програмын ажиллагаанд өгөгдөлтэй ажиллах асуудал том байр суурийг эзэлдэг. Тэр дундаа өгөгдлийн сантай харилцан ажиллах нь ихээр тохиолдоно. Иймээс хичээлээр бид өгөгдлийн сантай ажиллах Entity Framework технологийн талаар авч үзэх юм. Сэдэв их өргөн агуулгатай тул хэдэн хичээлээр дамжин авч үзэх болно. Хичээлийн материалыг амархан ойлгохын тулд та

• Холбоот өгөгдлийн сангийн суурь ойлголттой байх. Сайтын Sql хэл хэсгийн хичээлүүдээс энэ талаар судлан ойлгоорой.
• .NET фреймворкийн олонлог буюу IEnumerable интерфейсийг ойлгон мэдсэн байх. Энэ талаар Олонлог /Sets/ хичээлээс үзэээрэй. Сэдвийг олон хичээлд хөндөж байсан болохоор та олонлогийг ойлгосон байх гэж бодож байгаа.  
• Лямбда илэрхийлэл. Энд сэдвээр Лямбда илэрхийлэл гэсэн тусдаа хичээл байгаа.   
• Илэрхийллийн мод ухагдхууны суурь ойлголтыг Илэрхийллийн мод хичээлээс ойлгосон байх.
• Өгөгдлийн эх үүсвэр олонлог, массив, өгөгдлийн сан гэдгээс үл хамааран өгөгдөлтэй ажилладаг LINQ технологийн суурийг заавал мэдэж байх.

шаардлагатай. Дээрх ухагдхуунуудыг мэдэж ойлгосон байхад Entity Framework технологийг ойлгоход асуудал үүсэхгүй.

Давталт (Iterator) паттерн нийлмэл обьектын бүх элементүүдэд тэдгээрийн дотоод бүтцийг задлахгүйгээр хандах абстракт интерфейсийг тодорхойлдог. C# хэл дээр програм зохиогчид массив эсхүл коллекцийн обьектуудыг татан авдаг foreach циклтэй ажиллаж үзсэн байх. Энэ үед коллекцийн нийлмэл классуудад өөрийн бүтэц ба төлвөөрөө ялгаатай олонлог оршиж байдаг. Коллекцийг foreach -р гүйлгэн обьектуудыг авах боломжийг олгож байгаа түлхүүр хэрэгсэл бол давталт хэв буюу энгийнээр хэлбэл IEnumerable , IEnumerator хоёр интерфейс юм.

Програм зохиох бол нарийн төвөгтэй ажил. Ямар ч програмын хувьд өөрийн хийх ажлаа гүйцэтгэхийн чацуу цаашдаа хөгжих, ажлын хүрээнд шинээр гарч ирэх илүү нарийн асуудлыг шийдвэрлэх боломжтой илүү уян хатан байдлаар зохиогдсон байх хэрэгтэй. Хэрвээ та програмын төслийн ахлагч, зохион бүтээгчээр ажиллаж байсан бол програмын ажиллагааг цаашдаа дэмжих, үйлчилгээ үзүүлэх, өргөжүүлэн хөгжүүлэхэд цаг хугацаа хожихын тулд кодыг нэг удаа хэрхэн яаж бичихийг тодорхойлох хамгийн төвөгтэй асуудал гэдгийг мэдэрсэн байх.

Entity Framework технологийн тухай ээлжит хичээлийг нийтэллээ. Хичээлээр чиглүүлэгч шинжүүд гэж юу болох тэдгээртэй хэрхэн ажиллахыг авч үзье. Entity Framework манай өгөгдлийн сангийн хэрэглэгчдийн Customer хүснэгтэд

namespace DbDemo
{
    using System;
    using System.Collections.Generic;
    
    public partial class Customer
    {
        public Customer()
        {
            this.Orders = new HashSet<Order>();
        }
    
        public int CustomerId { get; set; }
        public string CustomerName { get; set; }
    
        public virtual ICollection<Order> Orders { get; set; }
    }
}

кодыг үүсгэсэн байгаа.