Цаг хугацааны функцууд нь томьёонд он сар өдөр, цаг хугацааны утгыг оруулан тооцоо, шинжилгээ хийх боломжийг олгодог.
Windows үйлдлийн системд Excel програмын текст хэлбэрийн огноо нь 1900 оны 1-р сарын 1 нээс 2078 оны 12-р сарын 31 ний хооронд байдаг бол Macintosh үйлдлийн системд 1904 оны 1-р сарын 1 нээс 2078 оны 12-р сарын 31 ний хооронд байна.
Excel програмд ашигладаг он сарын систем нь тоон дараалал болно. Жишээ нь Windows үйлдлийн системд Excel програмын таних хамгийн бага хугацаа нь 1900 оны 1-р сарын 1 ба дугаар нь 1 (нэг) харин 1900 оны 1-р сарын 2 -ны  дугаар 2 гэх мэтээр 2007 оны 1-р сарын 1 -ний дугаар 39083 байна.
Цагийг өдрийн хэсэг байдлаар илэрхийлж өгдөг. Жишээлбэл 2007 оны 1-р сарын 1 -ний 12 цаг нь 39083.50 гэсэн тоотой дүйцнэ. Ийм систем нь он сар, цаг хугацааг томьёонд ашиглах ажиллагааг маш их хөнгөвчилж өгдөг.

1-р арга. INDIRECT функцыг ашиглах

Toyota, Ford, Nissan маркийн автомашинуудын жагсаалтаас хамааралтай сонголт үүсгэе. Өөрөөр хэлбэл эхний сонголтоос машины үйлдвэрлэгчийг сонгоход дараагийн сонголтод тухайн үйлдвэрлэгчийн загварууд гарч ирж байна гэсэн үг. Үүнийг INDIRECT функцыг ашиглан хэрхэн шийдэхийг авч үзье. Функц нь аргументаар өгсөн утгаас хүснэгтийн нүдэнд холбогдох холбоосыг үүсгэдэг. Жишээ нь нүдэнд A1 гэсэн утга байвал функц нь A1 нүдний холбоосыг, харин Cars гэсэн үг байвал Cars гэсэн нэрлэсэн хэсгийн холбоосыг буцаана.

Excel програмаар хийгддэг олонхи хүснэгтүүд нь хэвэлмэл тайланд зориулагдсан байдаг. Электрон хүснэгтийг хэвлэх ажиллагаа нь их хүндрэлгүй тул дурын хэрэглэгч мэрэгжлийн түвшинд тайланг хэвлэн гаргах боломжтой.

Хэвлэх өгөгдлүүдийг төвд байрлах ба хязгааруудын тохиргоо

Хязгаар гэдэг нь хэвлэж байгаа хуудасны 4 талд (дээрээс, доороос, баруунаас, зүүнээс) гаргах сул зайг хэлнэ. Хязгаар их байх тусам өгөгдөл хэвлэгдэх зай бага болно. Excel програмаас 4 хязгаарыг удирдах боломжтой. Хязгааруудын тохиргоог хийхийн тулд

1. Төлөвийн мөрөнд байрлах Page Layout товчийг дарах буюу эсвэл View -> Workbook Views -> Page Layout гэж (ногоон хүрээ) орно. Хязгааруудын тохиргоог ердийн харагдах горимд хийж болох боловч Page Layout горимд хязгааруудын тохиргоо нь хэвлэх хэсэгт яаж харагдаж байгааг үзүүлдэг.
2. Page Layout -> Page Setup -> Margins гэж ороход гарч ирэх Normal, Wide, Narrow аль нэгийг сонгоход хязгааруудын шинэ тохиргоо хуудас дээр хийгдэнэ.
3. Хязгааруудын тохиргоог нарийн хийх эсвэл хэвлэгдэх өгөгдлийг төвд байрлуулах хэрэгтэй бол
• 2-р алхамд гарч ирэх цэсний доод хэсэгт байгаа Custom Margins сонголтыг хийнэ. Одоо Excel програм нь Margins үеийг идэвхижүүлсэн Page Setup цонхыг нээнэ.
• Хязгааруудын хэмжээг тохирох тоолуурын товчийг даран өөрчилнө. Бас шууд гараас оруулан өгч болно.
• Хэвлэгдэн гарах өгөгдлүүдийг төвлүүлэх хэрэгтэй бол Center on page хэсэгт байгаа Horizontally , Vertically сонголтуудыг (аль нэгийг эсвэл хоёуланг) зөвлөнө.
4. Ok товчийг даран Page Setup цонхыг хаана

Excel програмд нэр үүсгэх хэдэн янзын арга байдаг. Аль аргыг ашиглах нь хэрэглэгчийн дадлага болон хүслээс хамаарна.

Диалогын цонхоор нэр үүсгэх

Энэ аргаар нүд болон хэсэгт нэр өгөхдөө

• Нэр өгөх гэж буй нүд болон хэсгийг сонгоно
• Formulas -> Defined Name -> Define Name товчийг дарах эсвэл баруун даралт хийгээд гарч ирэх цэсээс Name a Range цэсийг сонгоно. Ингэхэд Excel програм New Name диалогын цонхыг нээнэ.
• Name талбарт нэрийг өгнө. Excel програмаас санал болгож байгаа нэрийг авсан ч болно.
• Шаардлагатай гэж үзвэл Comment талбарт хэсэг болон нүдтэй холбоотой тайлбарыг оруулж өгнө
• Refers to талбарт нэр өгөх нүд болон хэсгийн хаяг зөв байгаа эсэхийг шалгана. Шаардлагатай бол тэнцүүгийн тэмдгийн араас байгаа хаягыг гар болон хулганаа ашиглан өөрчлөн өгнө
• Ok товчийг дарна

Зөвөлгөө: Хэрвээ нэг зэрэг шууд олон нэр үүсгэхийг хүсвэл Formulas -> Defined Name -> Name Manager товчийг ашиглаарай. Товчийг дарахад Name Manager цонх нээгдэх бөгөөд шинэ нэр үүсгэхийн тулд New товчийг даран нэрийг үүсгэнэ.