React компонентод параметр дамжуулах бас нэгэн аргыг авч үзье. Компонентийн хэвд jsx гэж нэрлэгддэг html маягийн бичлэгийг ашиглаж байгаа. App компонентод Car компонентийг оруулан ирэхдээ

<Car name={'Toyata Prius'} year={'2018'} />

гэж компонентийн нэрийг өөрөө хаагдсан (/> -ийг ашиглана) html тег хэлбэрээр бичин өгч байгаа.

Интернетэд сууриласан програмчлал хөгжихийн хирээр хэрэглэгчдийн шаардлага улам өндөр болсон. Хөтөч сервер хооронд хуудсыг дамжуулан дахин зурах, формын шалгалт, хуудас шилжилт зэрэг серверт олон удаа хандах ажиллагаануудад хэрэглэгчид нилээд дургүй байдаг. Эдгээр асуудлыг шийдэхийн тулд SPA буюу нэг хуудаст програмын технологийг Angular, React, Vue зэрэг фреймворкууд хэрэгжүүлдэг. Фреймворкуудийн ажиллагааны зарчим ойролцоо тул аль нэгийг нь судалсан байхад бусад нь ойлгомжтой. Иймээс сайтад Vue фреймворкийн хичээлүүдийг оруулж байгаа билээ.

Энэ удаад Html хуудас дээрх сонголтуудаас тохирохыг нь зөвлөх тэмдэглэгээ хийдэг CheckBox гэж нэрлэдэг элементийн тухай авч үзье. Жишээ нь бүртгэлийн хуудаст хэрэглэгчийн сонирхдог зүйлсийг тодорхой төрлүүдээс сонгох байдлаар ихээр авдаг. Үүнийг VueJs -дээр хэрхэн хэрэгжүүлэхийг

<template>
  <div>
    <h2>Form inputs</h2> 
    <label>
      <input type="checkbox"> instagram
    </label>
    <label>
      <input type="checkbox"> twitter
    </label>    
    <label>
      <input type="checkbox"> facebook
    </label>    
  </div>
</template>

<script>
export default {
  data () {
    return {
    }
  }
}
</script>

жишээгээр харцгаая.

Формд төрөл бүрийн элементүүдийг оруулахыг өмнөх хичээлүүдэд үзсэн. Формтой ажиллах ажиллагааны бас нэгэн чухал хэсэг бол түүний validation буюу шалгалтын хэсэг байдаг. Vuejs фреймворк бүгдийг хэрэгцээтэй үед нь хэрэглэх гэсэн зарчмыг баримталдаг. Өөрөөр хэлбэл фреймворкийн үндсэн пакет хамгийн хэрэгтэй суурь зүйлүүдийг агуулаад бусад шаардлагатай хэсгийг нэмэлтээр суулган ашиглах гэсэн үг юм. Формын шалгалт хийх ажиллагаа Vuejs фреймворкийн үндсэн пакетад байдаггүй бөгөөд формд шалгалт хийх хэрэгтэй бол шаардлагатай пакетыг суулгах шаардлага гарна. Энэхүү зарчим нь програмын хэмжээ, ажиллагааны хурдад сайн нөлөө үзүүлдэг сайн аргачлал юм. Хичээлээр формын шалгалтын бэлтгэл болгоод цэвэр төслийг үүсгэе.

Энэ хичээлээс эхлэн react ашигладаг jsx бичлэгийн дүрмийн талаар дэлгэрүүлэн авч үзнэ. Өмнөх хичээлүүдэд хуудасны хэвийн тэмдэглэгээний jsx бичлэгийн дүрмийн үндсэн ойлголтуудыг үзсэн. Энэ удаад jsx гэж юу болох, хэрхэн ажилладагийг react програм үүсгэх хичээлд үүсгэсэн төслийн кодоор авч үзье. Бидний үүсгэсэн төслийн оролтын index.js

import React from 'react';
import ReactDOM from 'react-dom';
import './index.css';
import App from './App';

ReactDOM.render(
  <React.StrictMode>
    <App />
  </React.StrictMode>,
  document.getElementById('root')
);

файлд ReactDOM обьектын render аргад App нэрээр импортлон авсан App компонентийг эхний параметрээр дамжуулж байгаа.