Хүмүүс математикийг зөвхөн тоотой холбон ойлгодогоос тоо бодлого, тооны хичээл гэж ч ярьж байдаг. Гэтэл тоо бодох нь зөвхөн математикт ч биш бүхий л хичээлд байдаг шүү дээ. Жишээ нь хими, фикик, түүх, газарзүй гэх мэтээр. Тэгэхээр бусад хичээлийн бодлого, тооцоонууд математикийн тооцоо биш болж таарах уу. Мэдээж үгүй бүхий л тооцоо, бодлогод математикийн ухаанд мөрддөг дүрмийг л ашиглана. Математик хүмүүст тоо бодох гэхээсээ илүү хийсвэрлэн сэтгэх, тунгаан бодох, ухан ойлгох чадварыг өгдөг. Иймээс л математикийн ухааныг бүх ухааны хаан гээд байгаа юм. Математикийн бүх зүйлүүд бие биетэйгээ нягт холбоотой, нэг нь нөгөөгөөс урган гардаг учраас буруу, худлаа зүйл байж болдоггүй нь түүнийг нэг талаас амархан нөгөө талаас хүнд хичээл болгодог.

Алгебр (арифметикийн адилаар) тоотой холбоотой төрөл бүрийн асуудлын шийдийг олох шинжлэх ухаан. Арифметик, алгебрын хоорондоо нилээд ялгаатай. Алгебр тоотой биш тоог төлөөлөх үсгүүдтэй голлон ажилладаг бол арифметикт тодорхой тоонууд дээр тухайн асуудлын шийдлийг олоход чиглэдэг. Эндээс эдгээр хоёр салбар ухааны гол ялгаа гэвэл алгебр асуудлын ерөнхий шийдлийг харин арифметик асуудлын тухайн тохиолдлын шийдлийг судалдагт оршино.

Олон өнцөгт хавтгайн хэсгүүдээс бүрдсэн биетийг олон талт гэнэ. Эдгээр олон өнцөгтийг талууд, тэдгээрийн талуудыг ирмэгүүд, оройнуудыг нь олон талтын оройнууд гэнэ. Хоёр оройг холбосон нэг тал дээр оршдоггүй хэрчмийг олон талтын диагнал гэдэг. Бүх диагнал нь олон талт дотроо байдаг биетийг гүдгэр олон талт гэнэ.

Призм

Призм гэдэг нь /Зур. 79/ хоёр тал  нь ( призмийн суурь) ABCDEF ба abcdef гэсэн паралел ижил олон өнцөгт , бусад талууд нь шулуунуудтай паралел паралелграм хавтгайнуудаас бүрдсэн олон талт юм. паралелграмуудыг хажуу талууд,  шулуунуудыг хажуу ирмэгүүд гэдэг. Нэг сууриас нөгөө суурьт буулгасан дурын перпендикуляр нь призмийн өндөр болно.

Элсэлтийн ерөнхий шалгалт дээр тодорхой бус интегралыг олох бодлогууд ирсэн байдаг. Гэхдээ ийм төрлийн бодлого цөөн тооны байдаг ч ЕБС-ийн математикийн хичээлийн программд багтдаг сэдэв учраас тодорхой бус интегралыг бодож чаддаг байх хэрэгтэй. Их дээд сургуулийн эхний курст яг энэ сэдвээр дээд математикийн хичээлүүдтэй тулах учраас хичээлд үзэх аргуудыг мэдэж байх нь шалгалт гэлтгүй цаашдаа хэрэг болно.
Ерөнхий шалгалтын бодлогуудад байгаа тодорхойгүй интеграл олох бодлогууд маш энгийн амархан бараг л хүснэгтийн интеграл байсан гэхэд хилсдэхгүй. Ийм хөнгөн даалгавар дээр сэдвийн аймшигтай нэрнээс сүрдээд оноо алдана гэдэг байж болохгүй.