Өгөгдлийн төрлүүд хичээлд True эсхүл False утгуудыг авдаг логик /boolean/ төрлийн тухай дурдсан. True эсхүл False утгуудыг хааяа 1 ба 0 -ээр төлөөлүүлдэг. Энд 1 - True харин 0 - False -ийг заана. Хувьсагчид логик утгыг олгохыг
жишээгээр харцгаая.
Утга олгох = оператороор a=True эсхүл b=False гэж a, b хувьсагчид логик утгуудыг олгоно. Үүнийг хувьсагчдын төрлийг type функцээр шалгахад батлана. Логик утгуудыг олгохдоо True эсхүл False утгуудыг том үсгээр эхлэн бичиж байгааг анхаарна уу. Хэрвээ true эсхүл false гэж жижиг үсгээр бичвэл алдаа өгнө.
Логик утгуудыг програмын кодын ажиллагаанд салбарлалтыг үүсгэхэд голлон ашиглана.
Java, C++, C#, JavaScript зэрэг програмчлалын олон хэлүүдэд хувьсагчид хоосон утгыг олгохдоо null түлхүүр үгийг ашигладаг бол Python -д энэ зорилгод None түлхүүр үгийг ашигладаг. Өөрөөр хэлбэл хувьсагч хоосон буюу юуг ч агуулаагүй гэдгийг None утга заана.
Хувьсагчид None утгыг олгохдоо a=None гэхэд л хангалттай. Эхний нүдний жишээг ажиллуулахад a хувьсагчийн утгыг үзүүлэх ёстой ч a хувьсагчид ямарч утга байхгүй тул утга үзүүлэхгүй. Гэхдээ 11 дэх нүдний кодыг ажиллуулбал NoneType гэж төрлийг үзүүлнэ. Харин 10 дахь нүдний код дээр алдаа заана. Учир нь c хувьсагчийг зарлан утга олгоогүй тул тодорхойлогдоогүй хувьсагч гэсэн алдааг өгнө. Эндээс л хувьсагчид None утгыг олгох шаардлага гарч ирж байгаа юм. Жишээ нь програмын кодод өгөгдлийн сантай холбогдсон холболтын обьектыг авах эсхүл ямар нэгэн аргаас буцаах утгыг хүлээн авч боловсруулалтад ашиглах гэх мэт тохиолдолд None утга ирсэн эсэхийг шалган гарч болох алдааны боловсруулалтыг хийх гэх мэтээр олон төрлөөр ашигладаг.
Хувьсагч None утга агуулж байгааг is түлхүүр үг эсхүл харьцуулалтын == оператороор шалгах боломжтой ч is түлхүүр үгийг голлон ашигладаг.
тэнцэл бишийг бод.
функцийн хязгаарыг ол.