[-252; 299) завсарт орших 18 -д үлдэгдэлгүй хуваагдах тоонуудын нийлбэрийг ол.
Бодолт
Шийдлийг хөнгөн олохын тулд өгөгдсөн завсарыг [-252; 252] ба (252; 299) хоёр интервалд хуваая.
- [-252; 252] завсар дахь 18 -д үлдэгдэлгүй хуваагдах тоонуудын нийлбэр тэг байна. Учир нь -18+18=0; -36+36=0 гэх мэтээр явна.
- (252; 299) интервалыг авч үзье. 252 нь 2 ба 9 -д хуваагдах учраас 18 -д хуваагдах ч авч үзэж буй интервалд ороогүй. Иймээс 299 -ээс ихгүй 18 -д хуваагдах тоонуудыг олбол 252+18=270; 270+18=288 гэсэн хоёр тоо олдох бөгөөд эдгээрийн нийлбэр 270+288=558 гэж гарна.
Жич: Бодлого энгийн ч интервалыг өгч буй хаалтуудын учрыг зөв ойлгоорой. [ ... ) хаалт бол эхний тоо интервал ороод сүүлийн тоо орохгүйг харин [ ... ] эхний болоод сүүлийн тоонууд интервалд орохыг харин ( ... ) нь эхний ба эцсийн тоонууд интервалд багтахгүйг заахыг сайн тогтоон аваарай.
Санамж: Олон бодлогын бодолтыг харах, хүний бодолтыг хуулснаар бодлого бодож хэзээ ч сурахгүй ба цаг хугацаа, хөрөнгө мөнгө дэмий үрсэн ажил гэдгийг санаарай. Иймээс сайтын бодлогуудын бодолтыг харахаас өмнө заавал өөрөө бодох гэж оролдоод чадахгүй бол бодолтыг хар. Түүнээс шууд бодолтыг хараад явбал үр өгөөж туйлын муу гарна шүү. Бодлогын бодолт хэзээ ч байж байх тул түүнийг харах гэж яарах хэрэггүй. Өөрөө бодсон нэг бодлого хүний бодсон 10, 20 бодлогоос илүүг танд өгөх болно.
Хариу
558
илэрхийллийн утгыг ол.
утгыг ол.
тэнцэтгэл биш хэдэн бүхэл тоон шийдтэй вэ?
тэгшитгэлийг бод.