Өмнөх хичээлүүдэд сурсан логик шалгалт, циклийн мэдлэгээ ашиглан програмчлалын стандарт жишээ "Тоог таа" энгийн тоглоомын програмыг бичье. Тоглоомын логик нь компьютер 1 -50 -ын хооронд санамсаргүй байдлаар сонгосон тоог хэрэглэгч 6 удаагийн оролдлогоор олох юм. Та програмийн кодийг өмнөх хичээлүүдээр сурсан бүтцүүдийг ашиглан бичих гээд үзээрэй.
Санамж: Тавигдсан асуудлын шийдлийг өөрөө олон кодлож сурахыг байнга эрмэлзэх хэрэгтэй. Ер нь програм бүтээх бол олон чиглэлийн мэрэгжилтнүүдийн хамтын ажил байдаг. Бид програмчлалийн python хэлийг судалж байгаа тул кодлогчдод тавигдах асуудлыг хэрхэн шийдэхэд л анхааран бэлэн алгоритм бүхий энгийн "Тоог таа" тоглоомыг сонгосон хэрэг.
"Тоог таа" програмийн нэгэн хэрэгжүүлэлтийг кодийг
import random
tries = 0
number = random.randint(1,50)
print('1 -ээс 50 -ын хооронд санасан тоог таагаарай...')
while tries < 6:
guess = int(input('Тоогоо оруулна уу:'))
tries += 1
if guess < number:
print('Таны тоо бага байна.')
if guess > number:
print('Таны тоо их байна.')
if guess == number:
print(f'Баяр хүргэе! Та тоог {tries} оролдлогоор оллоо.')
break
if guess != number and tries == 6:
print(f'Уучлаарай, та тоог тааж чадсангүй. Санасан тоо {number} байлаа.')
breakавч үзье. Дээрх код бол програмийн логикийн хэрэгжүүлэлтийн нэг л хувилбар тул таны кодоос өөр байж болно. Тоглоомыг та өөрөөр кодлон зөв ажиллаж байвал их сайн буюу өмнөх хичээлүүдийг сайн ойлгосон гэсэн үг. Компьютер тоог санах учраас санамсаргүй тооны random модулийн импортыг хийгээд хэрэглэгчийн таах оролдлогын tries хувьсагчид 0 анхны утгыг олгоно. Дараа нь random.randint(1,50) командаар 1-50 хооронд санамсаргүй тоог өгүүлээд түүнийг number хувьсагчид аваад компьютер "1 -ээс 50 -ын хооронд санасан тоог таагаарай..." мэдээллийг дэлгэцэнд харуулаад тоглоом эхлэнэ. random модулийн randint арга параметрээр өгөгдсөн тоонууд хооронд санамсаргүй бүхэл тоог буцаадаг. Хэрэглэгч нийт 6 оролдлогоор санасан тоог олох тул tries хувьсагч зургаа хүртэл while циклийг эхлүүлье. Циклийн алхам эхлэх бүрд guess = int(input('Тоогоо оруулна уу:')) командаар хэрэглэгчийн оруулсан тоог int функцээр бүхэл тоо болгон guess хувьсагчид авна. Үүний дараа оролдлогын tries хувьсагчийг нэгээр нэмээд хэрэглэгчээс оруулсан тоог шалгах логикийг хийнэ.
Логикийн операторууд энгийн тул тайлбар хийгээд байх шаардлагагүй болов уу. Хэрэглэгчийн тоо санасан тооноос бага эсхүл их бол тохирох мэдээллийг өгнө. Хэрэглэгчийн тоо санасан тоотой тэнцвэл хэрэглэгчид баяр хүргээд тоог хэдэн оролдлогоор олсонг мэдэгдэнэ. Харин хэрэглэгчийн тоо санасан тоотой тэнцүү биш бөгөөд оролдлогын тоо 6 болсон бол даалгаварыг биелүүлж чадаагүй тухай мэдээллийг санасан тооны хамтаар үзүүлнэ.
Програмийг ажлуулбал
Эхний оролдлогын тоо авах цонх нээгдэнэ. 1-50 -ын хооронд тоо санасанг мэдэж байгаа тул хоёртын модны зарчмаар 25 -ыг өгье.
Таны оруулсан тоо их байна гэсэн тул 13 -ыг өгвөл
тоог таасан тухай мэдээллийг өглөө. Та програмийн ажиллагааг туршин үзэж бүх логик зөв ажиллаж байгааг шалгаарай.
Санамж: Хэрвээ хэрэглэгч тооны оронд тэмдэгт оруулбал програм алдаа өгнө. Үүнийг боловсруулах, хаах аргыг одоохондоо үзээгүй тул алдааг анзаарахгүй байж болно.
