while цикл for циклтэй их төстэй тул түүнийг for циклээр орлуулж болох ч зарим тохиолдолд while цикл энгийн болоод хураангуй кодийг өгдөг. while циклийн ажиллагааг

жишээнүүдээр тайлбарлая.

while -ийг "байвал" гэж орчуулж болно. Өөр хэлбэл while түлхүүр үгийн ард бичигдсэн нөхцөлд биелэгдэж байвал цикл доторх код биелэгдсээр байх болно. 1-р нүдний жишээнд x гурваас бага байвал хувьсагчийн утгыг хэвлээд дараа нь утгыг нэгээр нэмээд дараагийн алхамд шилжинэ. Эхний алхамд x = 0 учраас x = 0 -ийг хэвлээд x дээр нэгийг нэмээд циклийн дараагийн алхамыг эхлүүлнэ. Циклийн алхам бүрд x < 3 нөхцлийг шалгана. x == 3 болоход while түлхүүр үгийн ард бичигдсэн нөхцөл биелэгдэхгүй тул циклийн ажиллагааг дуусгана. 2-р нүдэнд while циклд else -ийг ашиглах жишээг харуулсан. Циклийн нөхцөл биелэгдэхгүй болоход else салаагаар орох юм. Жишээ өмнөхтэй ижил ч x == 3 болоход циклээс шууд гарахгүй else салаагаар орон "нөхцөл биелэгдэхгүй болсон" мөрийг үзүүлээд циклийг дуусгана.
while , for циклүүдэд break, continue, pass түлхүүр үгнүүдийг ашиглан циклийн ажиллагааг илүү нарийн удирдах боломжтой. break - циклийг шууд дуусгахад continue - циклийн бие хэсгийн кодийг биелүүлж дуусгалгүй дараагийн алхамыг эхлүүлэхэд pass - циклийн алхамд юу ч хийхгүйгээр өнгөрөөхөд зориулагдсан. Эдгээр түлхүүр үгнүүдийн ажиллагааны   

жишээнүүдийг харцгаая. 1-р нүдэнд vals жагсаалтыг үүсгээд түүнийг while циклээр оруулахаас өмнө print командаар үзүүлсэн. Энд бид жагсаалтыг list comprehension -ээр үүсгэсэн тул ямар жагсаалт үүссэнг харуулсан болохоос циклтэй холбоогүй. Жагсаалтыг list comprehension -ээр тодорхойлохыг санахгүй бол list comprehension хичээлийг үзээрэй. Кодийн ажиллагааны логик нь циклийн алхамд жагсаалтаас орж байгаа элементийн утга тэгш буюу 2 -т үлдэгдэлгүй хуваагдаж байвал циклийн дараагийн алхамыг эхлүүлэх бөгөөд эсрэг тохиолдолд тухайн элементийн утгыг sum хувьсагчид нэмнэ. Үүний дараа sum хувьсагчийн утга 10 -аас их болбол циклээс гарна. Нүдний кодийг Shift & Enter хослолыг даран ажлуулбал 16 гэсэн үр дүнг өгнө. Учир нь циклд сондгой тоонуудыг sum хувьсагчид нэмээд дараа нь түүнийг 10 -аас их болоход циклээс гарах логиктой. Иймээс 1, 3, 5, 7 тоонуудын нийлбэр 16 болоход break ажиллан циклийг дуусгасан хэрэг. Жагсаалтын элементийн утга тэгш байвал continue ажиллан хэдийгээр циклийн бие хэсэгт байгаа ч continue -с хойшхи бүх кодийг биелүүлэхгүйгээр циклийн дараагийн алхамыг эхлүүлэн жагсаалтын дараагийн элеметийн утгыг авахыг анхаарна уу. 2-р нүдэнд pass -ийг ашиглах жишээг харуулсан. vals жагсаалтаар гүйлгэж буй цикл жагсаалтын утга 2 -оос их болбол юу ч хийхгүй. pass нь break, continue шиг циклээс гарах, дараагийн алхамыг шууд эхлүүлэхгүйгээр циклийн ажиллагааг хэвийн үргэлжлүүлдэг. pass түлхүүр үгийг цикл ажиллах ёстой ч циклд хийгдэх логик тодорхойгүй үед кодод түүнийг тэмдэглэх зэрэгт ашиглаж болох юм. Бие хэсэггүй хоосон цикл тодорхойлбол Python -ий интерпретатор алдаа заадаг.