Стратег (Strategy) нь тус тусдаа хайрцаглагдан тэдгээрийн бие биеэ орлолтыг хангасан алгоритмын багцыг тодорхойлох загварчлалын хэвийг илэрхийлнэ. Нөхцөл байдлаас шалтгаалан ашиглагдаж буй алгоритмыг тухайн алгоритмыг хэрэглэж байгаа обьектоос хамааралгүйгээр өөрөөр амархан сольж болдог.

Хэвийг хаана ашиглах  

• Төлөв байдлаараа ялгаатай нэг төрлийн хэдэн классууд байх үед нэг үндсэн классыг өгөөд төлөв байдлын өөр хувилбаруудыг тусдаа классуудад гаргаад шаардлагатай үед тэдгээрийг хэрэглэх.
• Нөхцлөөс хамааран алгоритмын хувилбаруудаас амархан сонголт хийх боломжийг хангах хэрэгтэй үед.
• Програм ажиллах явцдаа обьектуудын төлөв байдлыг өөрчлөх шаардлагатай үед
• Тодорхой ажиллагааг ашиглаж буй класс түүний хэрэгжүүлэлтийн талаар юуг ч мэдэх ёсгүй үед

Програмчлалын C# хэл хатуу төрөлжилттэй тул өгөгдөлтэй ажиллах үед null утга асуудал үүсгэх тохиолдол их. Үүнийг тооцолгүй бичигдсэн код бүр ажлын /production/ хувилбараар ажиллаж байхдаа алдаа өгөх тал бий. Кодийн тестийг хийхдээ тухайн хувьсагчид null утга олгогдох тохиолдолыг тооцохгүй байх нь ийм асуудал гарах үндсэн шалтгаан хэдий ч кодлогч энэ талаар өөрөө бодон кодлох хэрэгтэй.   

null -ийн шалгалт. Null guard /хамгаалагч/

Коддоо null утга авдаг өөрөөр хэлбэл nullable төрлийн хувьсагч болон параметрүүд ашиглах болбол NullReferenceException алдаа гарахаас сэргийлэн null -ийг шалгах хэрэгтэй. Жишээ нь

void PrintUpper(string? text)
{
    if (text!=null)
    {
        Console.WriteLine(text.ToUpper());
    }    
}

Дээрх кодод text параметр null -тэй тэнцүү биш бол мөрийн тэмдэгтүүдийг том үсэг болгох ToUpper() аргыг дуудна.

Entity Framework -ийн талаарх өмнөх хоёр хичээлд бид технологийн талаарх ойлголт, өгөгдлийн санд уламжлалт аргачлалаар хандах програмын кодыг хийсэн. Энэ хичээлд өмнөх хичээлийн жишээг Entity Framework -ийг ашиглан хэрхэн хийхийг авч үзэцгээе. Таны ашиглаж байгаа .NET фреймворкийн хувилбарт Entity Framework -ийн арай өмнөх хувилбар байж болох талтай. Иймээс Entity Framework -ийн сүүлийн хувилбарыг Nuget механизмаар татан суулгаарай. Nuget бол төрөл бүрийн шинэчлэлүүдийн классын санг автоматаар татан суулгах систем юм.

Програмчлалын хэлийг судлаад код бичих нэг их хүнд биш. Харин сайн код бичнэ гэдэг нь хүндхэн асуудал. Хэлийг эхлэн суралцагсад код бичих дээр түлхүү анхаарсанаас болоод цэгцтэй, зохион байгуулалт сайтай, өргөжүүлэх болон дэмжлэг үзүүлэхэд хөнгөн буюу өөрөөр хэлбэл сайн код бичих тал дээр нэг их анхаардаггүй. Энэ нь программийн бүтээгдхүүний загварчлалтай илүү холбоотой зүйл юм. Манайхан програмийн загварчлал хийхгүйгээр асуудлыг кодлогчид шууд өгөөд хурдан хийлгэх гэдэг. Энэ нь эцэстээ зөвхөн ажилладаг л кодийг бичүүлэхэд хүргэдэг. Ийм кодийг цаашид хөгжүүлэх болон дэмжихэд нэн хүндрэлтэй буюу бараг боломжгүй болгодог. Иймээс програмчлалын хэлний боломжуудыг маш өргөн судлан мэдэхийг зөвлөе. Програмыг загварын дагуу кодлоход таниас тухайн хэлний боломжуудыг зөв оновчтой ашиглахыг шууд шаардах болно.