Эсрэг тоонууд гэдэг нь бие биеэсээ зөвхөн тэмдэгээрээ ялгаатай тоонууд.
Жишээ нь
+1 ба -1; +12,5 ба -12,5; +100 ба -100 бол эсрэг тоонууд
Тоо бүрд түүний эсрэг тоо зөвхөн нэг л байдаг.
Тухайн тооны эсрэг тоог олохдоо түүний өмнө хасах (-) тэмдгийг тавих хэрэгтэй. Өөрөөр хэлбэл тухайн тоог -1 ээр үржүүлнэ гэсэн үг. Жишээ нь -(+3) = -3; -(-3) = +3 гэх мэтээр.
Иймээс n тооны эсрэг тоог -n гэж тэмдэглэнэ. -n тоо нь эерэг, сөрөг эсхүл тэг байж болно. Жишээ нь
n = +5 бол -(+5) = -5 учраас -n = -5 байна.
n = -1 бол -(-1) = +1 учраас -n = +1 байна.
n = 0 бол -0 = 0 тул -n = 0 байна.
Өмнө нь - (хасах) тэмдэг тавихад өөрчлөгдөхгүй ганц тоо бол тэг. Өөрөөр хэлбэл 0 = -0 = +0 гэсэн үг. Иймээс тэгийг (0) өөрөө өөртөө эсрэг гэж үздэг.
Эсрэг тоонуудын хос бүрийн нэг тоо нь эерэг нөгөө нь сөрөг тоо байдаг. Жишээ нь +8 ба -8 эсрэг тоонуудын хосд +8 эерэг харин -8 сөрөг тоо байна гэх мэтээр.
Эсрэг тоонуудын нийлбэр
Эсрэг тоонуудын нийлбэр тэгтэй тэнцүү.
n + (-n) = n - n = 0.
Жишээ нь
10 + (-10) = 10 - 10 = 0, -5 + (+5) = -5 + 5 = 0. гэх мэтээр
, кубуудын ялгавар 
томьёонуудыг ихээр ашигладаг. Тэгвэл дөрөв, тав гэх мэтээр n зэргийн ялгаваруудад тохирох
