Форекс дээр худалдааг дэлхийн хэмжээний том банкууд ба тэлдгээрийн салбарууд - маркетмейкерүүд үндсэн нь явуулдаг. Маркетмейкерүүдын хоорондын нэгж худалдааны хэмжээ нь ихэнхдээ хэдэн араваас хэдэн зуун сая доллар байдаг бол маркетмейкерүүд өөрийн харилцагчидтайгаа нийлээд тэдний худалдааны хэмжээ хэдэн мянгаас хэдэн арван мянган сая долларт хүрдэг. Ийм хэмжээний мөнгө хувь хүмүүст байх нь ховор шүү дээ.
80-аад оны сүүлээс маржийн худалдаа гэж нэрлэгдэх нөхцлөөр дунд болон жижиг хөрөнгө оруулагчид зах зээлд оролцож эхлэх болсон. Сүүлийн жилүүдэд интернет технологийн хөгжлийн үр дүнд хүн бүр Форекст оролцох боломжийг бий болгосон. Маржийн худалдааны нөхцөлөөр форекст оролцох боломжийг зах зээлийн маркетмейкерүүд (банкууд) болон дилингийн тусгай компаниуд олгох болсон.
Маржийн худалдааны утга нь харилцагчид зээлийн хөшүүрэгийг (leverage) олгодогт оршино. Компани харилцагчид зээл олгон зах зээлд худалдаа хийх боломж олгох ба харин харилцагч энэхүү зээлийг хангах марж гэж нэрлэдэг барьцааг байршуулах ёстой. Барьцаа ба зээлийн хэмжээний харьцааг хөшүүрэг (leverage) гэх ба бутархай эсвэл хувь байдлаар илэрхийлэгдэнэ.

Forex нь юуны өмнө сэтгэл зүйн тогтвортой, боловсролтой хүмүүсийн ажил. Энэхүү ажил нь эрсдэлтэй хэдий ч таны санхүүгийн амжилтыг хязгаарладаггүй. Хэрвээ та интернет ажлын тусламжаар санхүүгийн эрх чөлөөг олъё гэж хүсэж байгаа бол Forex-ын зах нь яг тохирно. Гэхдээ энэ бүхэн сайхан хэдий ч энэ ажил танд тохирох эсэхээ сайн ойлгох хэрэгтэй.

Forex -ын бүх үнэн юунд оршдог вэ?

Форексын бодит үнэн гэвэл дандаа стратеги биш. Таны стратеги ашигтай хэдий байсан ч гэсэн таныг хожигдолд хүргэж болно. Өөрөөр хэлбэл та зах зээлийн прогноз хийж чадаж байгаа нь таныг форекст хэрхэн ажиллахыг мэднэ гэдгийг илэрхийлэхгүй. Форекс ажилд сэтгэл зүй чухал үүрэгтэй. Форекс ажил нь интернет ажил учраас та гэртээ зөөлөн буйдан дээр суугаад, гэрийн хувцастайгаа, аяга кофе тавьсан шигээ мөнгө хийх нь хүнийг хүчтэй сулруулдаг. Биеийн тамирын зааланд дасгал сургууль хийх нь гэртээ хийснээс хамаагүй илүү үр дүнтэй байдгийг та мэдэх байх. Учир нь өөртөө тавих хяналтанд байгаа юм. Интернет арилжаа мэтийн ганцаарчилсан бизнест та өөрөө өөрийгөө удирдах хэрэгтэй болдог нь их аятайхан хэдий ч бусдын удирдлагад ажиллахаас нилээд нарийн асуудал. Форекст ажиллах ажлын горим, сэтгэл хөдлөл, ажлын ачааллыг тодорхойлох гээд бүгдийг өөрөө удирдан зохицуулах нь ихээхэн төвөгтэй нарийн гэдгийг ойлгоорой.

Хэрвээ валютын эрэлт нийлүүлэлтээс давбал форекст валютын ханш өсдөг. Өөрөөр хэлбэл зах зээлийн агент тодорхой ханшаар авах гэсэн валютын хэмжээ нь бусад агентуудын тухайн ханшаар зарах гэсэн валютын хэмжээнээс давсан гэсэн үг юм. Эсрэгээсээ зах зээлд оролцогчид тодорхой үнээр зарах гэсэн валютын хэмжээ нь бусад оролцогчдын авах гэсэн хэмжээг давж байвал ханш буурна. Зарагдсан болон худалдан авсан валютын хэмжээ дандаа тэнцүү байдаг учраас зах зээлийн агентуудын тухайн үнээр зарах ба авахыг хүссэн валютын хэмжээг харьцуулахаас биш тухайн үнээр зарагдсан ба худалдан авсан хэмжээг харьцуулдаггүй.
Хэрвээ эрэлт удаан хугацаагаар нийлүүлэлтийг давсаар байвал ханшийн өсөлтийг (өсөх чиглэл эсвэл өсөх тренд) бий болгон энэ нь эрт орой хэзээ нэгэн үед өсөлт нь ханан тодорхой үеэс нийлүүлэлт нь эрэлтээ давснаар валютыг худалдахад хүргэснээр ханшийн бууралтыг бий болгоно. Үүнийг трендийн коррекц (trend correction) гэдэг.

Та арилжаагаа техникийн анализ дээр үндэслэн хийдэг бол дивергенц /зөрүү/ гэх ойлголтыг сайтар ойлгох шаардлагатай. Ойлгоод ч зогсохгүй нилээд үндэслэлтэй үзэх хэрэгтэй. Учир нь энэхүү ойлголт бол Форексын графикийн анализид эсэргүүцэх, дэмжих шугам, дээд, доод түвшингүүд зэргээс дутхааргүй чухал үүрэгтэй салшгүй хэсэг байдаг.