Арилжаа хийж буй санхүүгийн хэрэгсэл алдагдалтай чиглэлд хөдөлсөн үед алдагдлыг бууруулахад Stop Loss түвшинг ашигладаг. Нээлттэй позиц ашигтай болоход Stop Loss түвшинг шилжүүлэн алдагдалгүй түвшинд шилжүүлж болдогийг өмнөх хичээлүүдээс бид мэднэ. Энэ ажиллагааг автоматжуулахад Trailing stop -ийг ашигладаг. Зах зээлийн өөрчлөлтийг тогтмол ажиглах боломжгүй эсвэл ханшийн нэг чиглэл бүхий хүчтэй хөдөлгөөний үед энэ хэрэгсэл онцгой ашигтай.

Сайтын хэрэглэгчээс хэджинг стратегийн талаар материал оруулан өгөхийг хүссэний дагуу энэхүү постыг оруулж байна. Хэджинг бол стратеги гэхээсээ форексийн арга хэрэгсэл юм. Энэхүү арга дээр үндэслэсэн олон төрлийн стратегууд байдаг.
Эрсдэлийг бууруулах хамгийн өргөн тархсан хувилбаруудын нэг бол форекс хэджинг. Би Hedging гэсэн нэрийг шууд л монгол дуудлагаар нь хэрэглэсэн. Тохирох монгол үг олсонгүй. Хэджинг нь хамгийн өргөн тархсан ч бас хамгийн санал зөрөлдөөнтэй хувилбар.

Боллинжерын зурвас буюу (Bollinger Bands) -ыг тухайн үеийн үнийн өөрчлөлт (Volatility) дээр суурилсан шилжсэн дундажийн дугтуйтай төстэй индикатор гэж тодорхойлж болно. Шилжсэн дундажийн дугтуйгаас ялгаатай нь Боллинжерын бүс нь үнийн хөдөлгөөний чиглэлээс хамаарахаас гадна энэхүү хөдөлгөөний шинж (үнийн хөдөлгөөний хурд) чанараас хамааран өөрчлөгдөж байдаг.
Боллинжерын бүс үнийн хөдөлгөөн өөрийн үндсэн хандлагад эргэн орох хүртлээ богино хугацаанд хир зэрэг хол савлаж болохыг заасан статик үнэлгээг өгдөг. Боллинжерын бүсийн үнийн өөрчлөлтийн хэмжигдхүүн бол дундаж квадрат хазайлт (Standard Deviation) юм.    

Зах зээлийн үнэ , хэмжээ , нээлттэй байгаа позицуудын мэдээлэлийг үндэслэн үнийн төлөвийг тодорхойлох аргыг техникийн анализ гэдэг. Дээрх гурван хүчин зүйлсээс хамгийн гол нь үнэ юм. Үнийн талаарх мэдээллүүд нь нээлттэй болоод урт хугацааны байдгаас үүдэн үнийг техникийн анализаар судлах нь хамгийн тохиромжтой байдаг.

Тайлбар:

Forex- ын захын бодит эргэлтийн (хэмжээ) тухай мэдээлэл хаалттай байдаг харин нээлттэй позицуудын мэдээллийг авч үздэггүй болохоор техникийн судалгаанд зөвхөн үнэ болон тикийн хэмжээний (tick volume) мэдээллийг ашигладаг.
Техникийн судалгаа нь эдийн засгийн тооцоон дээр биш математик, статистиктикийн тооцоон дээр үндэслэдэгээрээ бусад төрлийн судалгаанаас ялгаатай. Техникийн анализийн бүхий л аргууд нь тус тусдаа боловсруулагдсан байдаг учраас ямар нэгэн хатуу систем гэж байдаггүй бөгөөд зөвхөн хамгийн энгийнээс (графикийн анализ) эхлээд асар нарийн (жишээ нь неороны алгоритм) хүртэлх арга болон аргачлалын багц бий. Түүгээр ч зогсохгүй техникийн анализын зарим нэгэн аргууд нь нэг нэгтэйгээ зөрчилдөх тохиолдол ч байдаг. Эдгээр бие даасан аргачлалуудыг уялдуулж байдаг ганц зүйл нь ерөнхий зарчимууд юм.
Техникийн судалгаа нь заримдаа аксиом ч гэж хэлдэг гурван зарчим дээр үндэслэдэг.