Форекс дээр худалдааг дэлхийн хэмжээний том банкууд ба тэлдгээрийн салбарууд - маркетмейкерүүд үндсэн нь явуулдаг. Маркетмейкерүүдын хоорондын нэгж худалдааны хэмжээ нь ихэнхдээ хэдэн араваас хэдэн зуун сая доллар байдаг бол маркетмейкерүүд өөрийн харилцагчидтайгаа нийлээд тэдний худалдааны хэмжээ хэдэн мянгаас хэдэн арван мянган сая долларт хүрдэг. Ийм хэмжээний мөнгө хувь хүмүүст байх нь ховор шүү дээ.
80-аад оны сүүлээс маржийн худалдаа гэж нэрлэгдэх нөхцлөөр дунд болон жижиг хөрөнгө оруулагчид зах зээлд оролцож эхлэх болсон. Сүүлийн жилүүдэд интернет технологийн хөгжлийн үр дүнд хүн бүр Форекст оролцох боломжийг бий болгосон. Маржийн худалдааны нөхцөлөөр форекст оролцох боломжийг зах зээлийн маркетмейкерүүд (банкууд) болон дилингийн тусгай компаниуд олгох болсон.
Маржийн худалдааны утга нь харилцагчид зээлийн хөшүүрэгийг (leverage) олгодогт оршино. Компани харилцагчид зээл олгон зах зээлд худалдаа хийх боломж олгох ба харин харилцагч энэхүү зээлийг хангах марж гэж нэрлэдэг барьцааг байршуулах ёстой. Барьцаа ба зээлийн хэмжээний харьцааг хөшүүрэг (leverage) гэх ба бутархай эсвэл хувь байдлаар илэрхийлэгдэнэ.

Техникийн анализд өргөнөөр ашигладаг дүрсүүдийн нэг бол гурвалжин юм. Гурван төрлийн гурвалжин байдаг.

Өсөх гурвалжин

Өсөх гурвалжины (ascending triangle) дээд хил хөндлөн эсвэл бараг хөндлөн эсэргүүцлийн шугам үүсгэх ба гурвалжны доод хил нь өсөх налуу хэлбэртэй байдаг. Гурвалжин доторх хэлбэлзэлийн амплитуд буурна.
Өсөх гурвалжин үүссэний дараа ихэнх тохиолдолд валютын ханш түүний дээд хилийг цөмөрдөг гэж үздэгээс гурвалжны дээд хилийн цаана худалдан авах хойшлогдсон захиалгыг голдуу тавьсан байдаг.

Валютын зах зээл 5 хоногийн турш тасралтгүй ажиллаж байдаг хэдий ч валютын хосууд янз бүрийн цаг хугацаанд янз бүрээр хэлбэлзэж байдаг. Иймээс худалдаачид Форекст ажиллах цаг хугацаагаа байнга тооцон арилжаанд оролцдог. Өөрөөр хэлбэл Форексын үеүүдийг тооцно гэсэн үг. Энэ нь арилжааны хэмжээ, чухал мэдээнүүд гарах хугацаанууд, томоохон тоглогчид оролцож эхлэх үе гэх мэтүүдээс хамаардаг. Иймээс туршлагатай трейдерүүд өдрийн турш дэлгэц хараад суулгүй Форексын арилжааны үеүүдийн цагийн хуваарийг тооцон зах зээлд дээр ажиллах цагаа зорилготойгоор сонгон авдаг.

Валютын ханшийн хэлбэлзэл тодорхой сувгаар явагдах нь элбэг тохиолдоно. Энэ тохиолдолд сувгийн доод хил нь дэмжих түвшинг (support line) харин дээд хил нь эсэргүүцэх түвшинг  (resistance line) үүсгэнэ.  Эдгээр түвшингүүдийн хоорондох зайг ихэнхдээ худалдааны диапазон эсвэл сувгийн өргөн (trading range) гэдэг.
Сувгийг маш ерөнхий байдлаар өсөх (uptrend channel), буурах (downtrend channel), хажуугийн (range) гэж хувааж болно.