Хугархай эсхүл тахир шугам гэдэг нь нэг хэрчмийн төгсгөл нь дараагийн хэрчмийн эхлэл болсон дараалуулан холбосон геометрийн дүрс. Ийм холболтод зэрэгцээ орших буюу ерөнхий цэгтэй хэрчмүүд нэг шулуун дээр байрлах ёсгүй. Хэрвээ зэрэгцээ хэрчмүүд нэг шулуун дээр байвал эдгээр нь нэг хэрчим эсхүл хэрчмүүдийн нийлбэр болно гэдгийг Хэрчим хичээлд үзсэн.

Стереометр нь огторгуйн дүрс ба биетийн шинж чанаруудыг судалдаг. Хавтгайн геометрт цэг, шулуун гэсэн үндсэн ойлголтууд байдаг шиг огторгуйн геометрийн үндсэн ойлголт нь шулуун ба хавтгай болно.

Огторгуйн геометрийн үндсэн аксиом - Нэг шулуун дээр үл орших огторгуйд байрлах гурван цэгийг дайруулан зөвхөн нэг л хавтгай байгуулж болно.

Нэг шулуун дээр орших гурван цэгийг дайруулан төгсгөлгүй олон / хавтгайн цацраг / хавтгайг байгуулж болно. Цацрагийн бүх хавтгайнууд дайрч өнгөрч байгаа шулууныг хавтгайн тэнхлэг гэдэг. Энэ шулуун ба түүн дээр байрлаагүй дурын цэг буюу шулууныг дайруулан зөвхөн нэг хавтгайг татаж болно. Хоёр шулууныг дайруулан хавтгайг дандаа татаж болдоггүй. Ийм шулуунуудыг зөрсөн шулуун гэнэ. Жишээ нь: Өрөөний нэг хананд татсан босоо шугам ба эсрэг хананд татсан хөндлөн шугамууд нь зөрсөн шугамууд болно.

ЕБС-ын ахлах ангид математик анализын эхлэл болох хязгаар, уламжлал, интеграл зэрэг сэдвүүдийг эхлэл байдлаар үздэг. Эдгээр сэдвүүдийг сайн ойлгох нь цаашид их сургуульд дээд математикийн хичээлүүдэд амжилттай суралцах үндсэн суурь болдог. Хэдийгээр сэдвүүдийг эхлэлийн хэмжээнд үздэг ч ерөнхий шалгалт дээр дээрх сэдвийг хамарсан бодлогууд тогтмол орж ирсэн байдаг. Сурагчид сэдвүүдийн талаар баттай суурь мэдлэг олж аваагүйн улмаас бодлогыг бодохдоо алдаа гарган оноо алдах үзэгдэл их түгээмэл харагддаг. Сэдвүүд ЕБС-ын математикийн хичээлийн агуулга дотроо арай хүндхэн хэсэгт орох ч утгыг нь зөв ойлгосон тохиолдолд тийм ч аймшигтай зүйлүүд биш. Энэ хичээлээр бид хязгаар гэж юу болох түүнийг хэрхэн ойлгохыг авч үзнэ. Хязгаарыг сайн ойлгосон байхад уламжлал, интегралыг ойлгоход амархан.

Илтгэгч тэгшитгэл элсэлтийн ерөнхий шалгалтын материалд багтах нь бараг л гарцаагүй. Иймд төгсөгчид энэ төрлийн тэгшитгэлүүдийг бодох аргуудыг эзэмшсэн байх шаардлагатай. Тогтмол суурьтай зэргийн илтгэгчээр хувьсагч буюу үл мэдэгдэгч агуулагдсан тэгшитгэлийг илтгэгч тэгшитгэл гэдэг. Илтгэгч тэгшитгэлийг бодохдоо сурагчид ихэвчлэн дараах хүндрэлүүдтэй тулгардаг.

• Илтгэгч тэгшитгэл, тэнцэтгэл биш, тэдгээрийн системийг бодох аргачлалыг нарийн сайн мэдэхгүй
• Зэргийн чанар, илэрхийлэл хувиргах техникийг сайн эзэмшээгүйн улмаас илтгэгч тэгшитгэл, тэнцэтгэл бишд анхдагч тэгшитгэл болон тэнцэтгэл биштэй эн чацуу биш хувиргалтыг хийх
• Шинэ хувьсагч /орлуулга/ оруулан бодолтыг хийсний дараа буцаан орлуулга хийхээ мартах