Өгөдлийн сангийн хүснэгтээс мэдээлэл татан авах операторыг SELECT гэдэг. SELECT оператороор хүснэгтээс мэдээлэл татахдаа дор хаяж юу татан авах гэж байгаа, хаанаас татах гэсэн хоёр зүйлийг зааж өгнө.
Нэг баганыг татан авах
SELECT prod_name FROM Products;Командын үр дүн
 |
Энэ жишээ нь Products хүснэгтээс prod_name гэсэн баганыг татан авахад SELECT операторыг хэрхэн ашиглахыг үзүүлж байна. Татан авах баганы нэрийг SELECT операторын араас шууд өгөөд түлхүүр үг FROM –ын араас өгөгдөл татан авах хүснэгтийн нэрийг өгнө. |
Хэд хэдэн баганыг татан авах
Хүснэгтээс хэд хэдэн баганыг татан авахдаа SELECT операторын араас татан авах багануудын нэрийг таслалаар тусгаарлан бичиж өгнө. Гэхдээ сүүлийн баганы нэрийн ард таслал тавьж болохгүй. Энэ нь алдаа болно.
SELECT prod_id, prod_name, prod_price FROM Products;Командын үр дүн
 |
Энэ жишээ нь Products хүснэгтээс prod_id, prod_name, prod_price гэсэн багануудыг татан авахад SELECT операторыг хэрхэн ашиглахыг үзүүлж байна. |
Бүх баганыг татан авах
SELECT операторыг ашиглан нэг болон хэд хэдэн баганы татан авч болохоос гадна группын тэмдэгт (*) ашиглан багана бүрийг бичихгүйгээр хүснэгтийн бүх баганы өгөгдлийг татан авч болдог.
SELECT * FROM Products;Санамж
- SQL-операторт байгаа илүү хоосон зайг /space/ боловсруулах явцдаа хасдаг. Иймээс SQL-операторыг нэг мөрөнд болон олон мөрөнд хуваан бичиж болдог. Урт хэмжээтэй SQL-операторыг олон мөрөнд хуваан бичих нь түүнийг унших , алдааг хянахад тохиромжтой байдаг.
- Хэд хэдэн SQL-операторууд нь (;) тэмдэгтээр таслагдсан байх ёстой. Ихэнх ӨСУС-д нэг SQL-операторын ард (;) тэмдэгт тавихыг шаарддаггүй. Гэхдээ таны ажиллаж байгаа ӨСУС нь SQL-операторыг биелүүлэхдээ ардаа заавал (;) тэмдэгтийг тавихыг шаардаж болно.
- SQL-операторууд нь жижиг том тэмдэгтүүдийг мэдэрдэггүй. Иймд SELECT, select, Select гэж бичсэн операторуудад ялгаа байхгүй. Ихэнх програм зохиогчид SQL-операторын түлхүүр үгнүүдийг томоор харин хүснэгтийн болон баганы нэрүүдийг жижгээр бичдэг
- SQL-операторууд форматлагдаагүй үр дүнг буцаадаг. Форматлах нь үзүүлэх асуудалтай холбоотой болохоос өгөгдөл татан авахтай холбогдолгүй. Тэгэхлээр үзүүлэх арга нь тухайн татан авсан өгөгдлүүдийг үзүүлж байгаа програмын ажиллагаанаас шалтгаална.
- Группын тэмдэгтийг (*) гарцаагүй шаардлагатай тохиолдолд ашиглаж байгаарай. Тэмдэгтийг ашиглах нь SQL-операторыг бичихэд хялбар болгодог хэдий ч шаардлагын бүтээмжийг бууруулдаг муу талтай.
тэнцэтгэл биш хэдэн бүхэл тоон шийдтэй вэ?
тэгшитгэлийг бод.