Бидний энд хүртэл үзсэн SQL үйлдлүүд нь нэг оператораар нэг буюу хэсэг хүснэгтэд хандаж байснаараа энгийн байсан. Гэхдээ SQL үйлдлүүд нь бүгд тийм ч хялбархан биш. Нарийн үйлдлүүдийг гүйцэтгэхэд хэд хэдэн операторыг ашиглах явдал гардаг. Дараах тохиолдолыг авч үзье.

• Захиалгыг боловсруулах явцад тухайн бүтээгдхүүн агуулахад байгаа эсэхийг шалгах
• Хэрвээ бүтээгдхүүн агуулахад байгаа бол тухайн бүтээгдхүүнийг захиалсан тухай тэмдэглэл хийж агуулахад байгаа барааны үлдэгдлийг өөрчлөх
• Бүтээгдхүүн агуулахад байхгүй бол захиалгыг аваад нийлүүлэгчтэй холбогдох
• Харилцагчид захиалгын талаар мэдээллэх

гэх мэтээр маш олон янзын тохиолдол байж болно.

Та энэ хичээлийг уншиж байна гэдэг нь танд ямар нэгэн байдлаар өгөгдлийн сантай ажиллах шаардлага байгаа гэдгийг баталж байна. SQL хэл нь яг үүнд зориулагдсан ойлгохын тулд юуны өмнө өгөгдлийн сангийн технологийн үндсэн ойлголтуудтай танилцах нь маш чухал.
Бид өгөгдлийн санг бараг өдөр бүр ашиглаж байдаг. Жишээ нь өөрийн майлыг шалгахдаа нэр, нууц үгээ оруулах, интернетээс ямар нэгэн мэдээллийг хайх, ажил дээрээ байгууллагынхаа дотоод сүлжээнд нэвтрэх, банкны картын үлдэгдлээ шалгах г.м маш олон жишээг дурьдаж болно.  Гэсэн хэдий ч бараг ихэнх хүмүүст өгөгдлийн сан гэж юу болох нь ойлгомжгүй хэвээрээ үлддэг. Иймээс бид хичээлээ өгөгдлийн сантай хамааралтай хамгийн чухал тодорхойлолтуудаас эхэлье.

SQL хэлний SELECT операторыг ашиглан хийж болох хамгийн хүчтэй үйлдэл нь хүснэгтүүдийг нэгтгэх болно. Иймээс нэгтгэл түүний бичлэгийн дүрмийг нарийн судлах нь SQL хэлийг эзэмших үйл явцын хамгийн чухал хэсэг байдаг.
Юуны өмнө нэгтгэлийг үр дүнтэй эзэмшихийн тулд холбоост /relation/ өгөгдлийн санг байгуулах үндэс, холбоост хүснэгтүүд гэдэг ойлголтын талаар тайлбарлах хэрэгтэй. Хичээлээр энэ ойлголтын тухай бүрэн хэмжээнд авч үзэхгүй хэдий ч хичээлийн материал танд хангалттай ойлголтыг өгч чадна.

SQL хэл нь өгөгдлийн сангийн мэдээллүүдийг удирдаад зогсохгүй өгөгдлийн сан болон хүснэгтүүдтэй хамааралтай үйлдлүүдийг гүйцэтгэх боломжтой байдаг. Хүснэгтийг үүсгэх хоёр янзын арга байдаг.

1. Ихэнх ӨСУС нь өгөгдлийн санд хүснэгт үүсгэх, тэдгээрийг удирдах интерактив администраторын хэрэгсэлтэй байдаг.
2. Хүснэгтүүдийг SQL хэлний операторуудын тусламжтайгаар удирдаж болно

Хүснэгтийг програмын аргаар үүсгэхдээ SQL хэлний CREATE TABLE операторыг ашиглана. Та интерактив хэрэгсэл ашиглан хүснэгтийг удирдах бүх ажиллагаа нь танд мэдэгдэхгүй боловч үнэндээ SQL хэлний операторуудыг ашиглан хийгддэг гэдгийг хэлэх нь зүйтэй.
Хүснэгтийг үүсгэх операторын бүхий л боломжийг үзэх нь манай хичээлийн зорилго биш. Бид зөвхөн үндсэн ойлголтыг үзэх болно. Таны ӨСУС-ийн онцлогоос хамаарсан нэмэлт боломжуудын тухай мэдэхийг хүсвэл ӨСУС-ийн бичиг баримтыг сайтар үзээрэй.