Сүүлийн жилүүдэд Angular, React, Vue гэх мэт Javascript сангуудын хөгжлөөр интернет програмчлалд динамик ажиллагаагтай сайт боловсруулах шинэ давалгаа үүссэн. Энэ нийтлэлээр Angular гэж юу вэ, юунд хэрэгтэй, ямар асуудлыг шийдэхэд бидэнд туслахыг тодруулъя. Angular бол Google компани боловсруулсан нээлттэй эх код бүхий JavaScript сан буюу фреймворк. Angular фреймворкийг ашиглан Single page application / нэг хуудас програм/ гэж нэрлэдэг динамик програмыг бүтээдэг. Энгийнээр хэлбэл Single page application гэдэг нь интернет дэх ердийн сайт боловч сайт ердөө нэг л хуудсаас бүрдэнэ. Энэ бол техникийн талаасаа ойлголт. Single page application хэрхэн ажилладаг, ердийн сайтуудаас ямар давуу талтайг Angular -ын албан ёсны веб сайтаас https://angular.io харж болно.

Интернетэд суурилсан технологи програм бүтээх ажилд зонхилох байр суурийг эзлэх болоод байгааг хүн бүр мэднэ. Учир нь интернет өнөөдөр асар хурдацтай хөгжин компьютер, гар утас, пад зэрэг электрон төхөөрөмжүүдээс гадна телевиз, суурин утас, гэр ахуйн ухаалаг төхөөрөмжүүд гээд интернетэд холбогдож болох бүхий л техник хэрэгсэл интернетээр дамжин мэдээлэл солилцон, ажил үүргийг гүйцэтгэх болсонтой холбоотой. Эдгээр төхөөрөмжүүдийн хүчин чадал өдрөөс өдөрт нэмэгдэн програм хангамжийн хэрэглэгч талын хэсгийг илүү том, бие даан ажиллах боломжийг бүрдүүлсэн. Ингэснээр сервер талын ажлын ачааллыг буулгах, сервер хэрэглэгчдийн хооронд солилцох мэдээллийг хэмжээ багасах, програмыг ашиглахад энгийн болох гээд олон давуу гарч ирсэн. Хэрэглэгч талын програмын үндсэн хэл бол өнөөгийн байдлаар javascript хэл бөгөөд интернетэд суурилсан програм боловсруулагчдын заавал сурч эзэмшсэн байх програмчлалын хэл тул сайтад VueJs фреймворкийн хичээлүүдийг цувралаар оруулж байгаа билээ. Хичээлээр VueJs -ийн директивээр төрөл бүрийн элементүүдийн жагсаалт үүсгэхийг сурна.

JavaScript –ийн зориулалт

Ямарч програм хангамжийн хөгжлийн хандлага нь аюулгүй байдлыг хангасан интерактив ажиллагаатай, ажиллахад эвтэйхэн интерфейстэй байхад оршино. Энэ нь хэрэглэгч тухайн програмыг үр дүнтэй ашиглах үндэс болохоос гадна програм боловсруулагчдын ашигт ажиллагааг өндөрсгөн улмаар өрсөлдөх чадварыг дээшлүүлнэ.
Энэ хандлага нь интернет програмчлалыг тойрч гарахгүй нь тодорхой. Сүүлийн жилүүдэд интернет програмчлал асар хурдтай хөгжиж байна. Интернетэд сайтад байрлуулсан маш их хэмжээний мэдээллийг хэрэглэгчид хүргэхэд хуудсыг үзэж байгаа хүнтэйгээ шууд харьцахгүйгээр төсөөлөхөд бэрхшээлтэй. Сайтад үзүүлж байгаа материалыг хэрэглэгчид хир зэрэг чанартай талбарлахаас тухайн сайтын үр өгөөж шууд хамаарна. HTML хэл нь статик веб хуудсыг үүсгэх боломжийг бүрдүүлдэг. Веб хуудсанд динамик байдлыг бий болгох олон технологийн нэг нь JavaScript юм.

JavaScript-ийн өгөгдлийн төрлүүд

Хувьсагч гэдэг нь компьютерын санах ойд хадгалагдаж байгаа тодорхой утгыг заах нэр юм. JavaScript –д зарлаж байгаа хувьсагчийн төрлийг урьдчилан заах хэрэггүй хэл хувьсагчийн төрлийг өөрөө тодорхойлдог. Бүхэл болон бутархай тоонуудад илт ялгагдах ялгаа бараг байхгүй. JavaScript доорх төрлүүдийг таньдаг.