Нүүр » Бусад хичээлүүд » Чөлөөт сэдэв » Үнэгүй өгөөш зөвхөн хавханд л байдаг

Үнэгүй өгөөш зөвхөн хавханд л байдаг

Олон тооны хүмүүсээс ирсэн саналд хариу өгөх үүднээс энэхүү нийтлэлийг оруулж байна.

Та интернетээр хир ордог вэ? Интернет сайт үзэх, хайлт хийх, баннер дээр даралт хийх энэ бүх үйлдлүүдийн цаана асар хэмжээний мөнгө эргэлдэж байдагийг та мэдэх үү. Интернет сайтын хандалт их болохын хирээр түүний рейтенг өсөж байдаг. Үүний хирээр тухайн сайтад байршуулах зар сурталчилгааны үнэ өссөөр л. Та бид түүнийг дэмжигч болон хувирч байгаа хэрэг. Мэдээлэл өгч байгаа болохоор ингэх нь жам ёсны хэрэг. Эндээс дүгнэвэл нэг талаас бид сайтаас мэдээллийг шууд зардалгүй авч байгаа мэт боловч нөгөө талаасаа шууд бус утгаараа трафикаар төлөлт хийж байна гэсэн үг. Ер нь та үүсгэж байгаа урсгалаа сардаа тодорхой хэмжээний мөнгө төлөн авдаг биз дээ. Хэрвээ сарын трафик тань хязгаартай, та ихэнх цагаа нийтийн сүлжээнд зарцуулдаг бол бараг хэрэггүй зүйлд мөнгө төлөөд байна гэсэн үг. Хязгааргүй бол энэ нэг их хамаагүй.

Мэдээлэл яагаад үнэтэй байх ёстой гэж

Бид зарим нэгэн мэдээллийг олж авахын тулд асар хэмжээний мөнгийг төлөх ч тохиолдол бий. Жишээ нь тендерийн санал, өрсөлдөгчийн талаарх мэдээлэл гэх мэтээр нийтэд дэлгэгдэх ёсгүй мэдээллүүд. Нийтэд чөлөөтэй мэдээллүүдийг хүртэл олж олж авах нь бас тийм ч амаргүй. Та хэрэгтэй мэдээллээ хайхад хир их цаг заваа зарцуулдаг талаар сонирхоод үзээрэй. Энд зарцуулсан цаг хугацаа бол мөнгө шүү дээ. Эндээс л интернет сайтууд төлбөртэй үйлчилгээг санал болгох санаа гарч ирж байгаа юм. Нэг төрлийн мэдээллүүдийг нэгтгэн байршуулсан болохоор хэрэглэгч цаг алдахгүй өөрт хэрэгтэй мэдээллээ олон авна гэдэг нь их чухал. Хэрвээ та энэ мэдээлэл хаа нэгэн сайтад үнэгүй байж л таараа гээд хайгаад байвал үнэхээр их цагийг зарцуулна. Хамгийн гол нь бүрэн хэмжээний багц мэдээлэл байх хэрэгтэй. Нэг сайтаас нэгийг нөгөөгөөс нэгийг гээд яваад байвал “Салан байвгайн үлгэр” шиг л юм болох байх. Та гадаад хэл дээр сайн ойлгодог бол хүндрэл багатай ч нарийн асуудал дээр гарцаагүй мөнгө төлөх хэрэгтэй болдог.

Хов жив хүртэл өөрийн үнэтэй.

Хов жив, цуурхал бол хамгийн үнэтэй мэдээллийн төрөл. Энэ үзэгдэл зөвхөн манайд ч биш дэлхий нийтээрээ ийм. Ер нь хүний үндсэн араншин юм шиг байгаа юм. Хүнийг муулах, гүтгэх, дайрч давшлах гэх мэтээр коммент бичдэг бүлэг хүртэл байдаг бололтой. Ийм болохоор манай сайт коммент авдаггүй. Танд үнэхээр санаа авахаар санал байвал бидэнд захиа бичээрэй.

Манай сайтын үнийн талаар

Бид эдгээр материалуудыг хаа нэгэн газраас хуулаагүй, өөрсдөө боловсруулан бэлтгэж байгаа болохоор тодорхой хэмжээний үнээр нийтэд хүргэхээр шийдсэн. Сайтын материалуудыг бүгдийг цоо шинээр боловсруулсан гэвэл мэдээж боломжгүй. Гэхдээ эх нь монгол контентоос биш гэдгийг бид хариуцлагатайгаар мэдэгдэж байна. Гадаад сайтууд, ном, сэтгүүлээс орчуулах, бодлогын тухайд өөрсдөө бодолтыг хийх гэх мэтээр хөдөлмөр шингээн боловсруулж байгаа юм. Иймээс таниас багахан хэмжээний төлбөр төлөхийг л шаардахаас аргагүй. Учир нь эдгээр материалууд өөрсдөө бий болоод байхгүйг та ойлгож байгаа гэдэгт итгэе.

За одоо үнийн тухай хэдэн зүйл. Хэрэглэгч 5, 10, 15 мянган төгрөгөөр 15, 45, 90 хоногийн тусгай эрхийг авахаар байгаа. Үүнийг та хоногтоо хуваавал багахан хэмжээ гарна. Өнөөдөр 5, 10 мянган төгрөг гэдэг юу билээ гэдгийг танд сануулах нь илүүц биз. Танд хэрэгтэй зүйл байвал шууд л үзэх хэрэгтэй. Үнэгүй олно гээд байвал хэдхэн төгрөгнөөс ч илүү цаг заваа барж мэдэх болохоор та шууд л шийдвэрээ гаргаарай. Ганцхан дутагдалтай зүйл гэвэл төлбөрийг оффлайн хийж байгаад хүлцэл өчье. Бид онлайн төлбөрийн системтэй болох талаар ажил хийж байгаа. Хэрвээ та банкинд данстай түүнийгээ интернетээр удирддаг бол оффлайн, онлайны ялгаа бараг л байхгүйтэй адил даа.

Танд амжилт хүсье

 

Мэдээлэл таалагдсан бол найзуудтайгаа хуваалцаарай.

Майл хаяг нээлгэх

Сайтын админ болон хэрэглэгч хоёрын хоорондын харилцааг ханган өгөх гол хэрэгсэл бол майл хаяг. Иймээс та сайтад бүртгүүлэн үйлчилгээ авахын…

Нээгдсэн тоо : 2147

Суралцах хир хэцүү вэ?

Та суралцахыг хир хүнд ажил гэж бодож байна. Энэ талаар бодож байв уу. Би энэ нийтлэлээр энэ сэдвийн талаар өөрийн…

Нээгдсэн тоо : 997

Таны броузер HTML5 -ийг дэмжих эсэхийг шалгах

Саяхан надад тохиолдсон нэгэн явдлаас үүдэн энэ постыг оруулахаар шийдсэн юм. Манай нэг танил компьютерын системээ шинээр суулгуулсан юмсанж. Тэгээд…

Нээгдсэн тоо : 998

Шинэчлэл хийгдлээ

Хэрэглэгч сайтын нүүр хуудаснаас илүү олон мэдээллийг амархан үзэх, тодорхой бүлэгт хурдан шилжих боломжтой болгох үүднээс нүүр хуудасны загварт шинэчлэл…

Нээгдсэн тоо : 1061