Хоосон нүднүүд агуулсан хэсэг байна гэж үзье. Өгөгдөлгүй хоосон нүднүүдийг хэсгээс хэрхэн устгах вэ?

Энд бид энэ асуудлыг хэрэглэгчийн функц ашиглан яаж шийдвэрлэхийг авч үзье. Функц ашиглахгүйгээр шийдвэрлэх аргатай эндээс танилцаарай.
Танд хэсгээс хоосон нүднүүдийг устгах ажил байнга гардаг бол асуудлыг шийдвэрлэх функцыг нэг удаа бичээд стандарт болгон дараа нь ашиглаж болно. Үүний тулд <Alt + F11> хослолыг даран Visual Basic едиторыг дуудан Insert -> Module цэсээр ороод нээгдэх цонхонд доорх кодыг бичин өгнө.

Excel програм тооцооны автомат горимд (энэ нь анхдагч тохиргоо байдаг) ажиллаж байгаа бол тооцоонд оролцож байгаа нүднүүдийн өгөгдлийг өөрчлөхөд томьёо нь үр дүнг автоматаар тооцон үзүүлдэг. Тооцооны горимыг өөрчлөхийн тулд Formulas -> Calculation -> Calculation Options гэж орон гарч ирэх цэснээс Manual -г (гараар) сонгоно.

Санамж: Тооцооны горимыг гар ажиллагаанд шилжүүлсэн тохиолдолд тооцоо хийгдээгүй томьёо байгаа үед төлөвийн мөрөнд (status bar) Calculate гэсэн бичиг гарч ирдэг.

Томьёонуудыг дахин тооцуулахын тулд дараах аргуудыг ашиглана.

Formulas -> Calculation хэсэгт байгаа Calculation Now (1-р товч) эсвэл <F9> товчийг дарна. Үүний дараа бүх нээлттэй байгаа хүснэгтүүдийн томьёог дахин тооцно Formulas -> Calculation хэсэгт байгаа Calculation Sheet (2-р товч) эсвэл <Shift+F9> товчийг дарахад идэвхитэй байгаа хуудасны томьёонуудыг дахин бодно. Тухайн хүснэгтийн бусад хуудасны томьёонууд дахин бодогдохгүй.

Санамж: Excel програмд тооцооны горим нь тодорхой хуудастай холбоогүй байдаг. Тооцооны горимын өөрчлөлт нь идэвхитэй хуудаснаас гадна бүх нээлттэй байгаа хүснэгтэд нөлөөлдөг.
Тооцооны горимыг анхдагч тохиргоонд оруулахдаа Formulas -> Calculation -> Calculation Options гэж орон гарч ирэх цэснээс Automatic -г (автоматаар) сонгоно.

Өгөгдөлд шүүлт тавих нь хүснэгтийн өгөгдлийг боловсруулах ажиллагаанд хамгийн их ашигладаг үйлдэл юм. Их хэмжээний өгөгдөл бүхий хүснэгтийг ямар нэгэн нөхцлийн дагуу дэд хэсгүүд болгон харах судалгаа хийх шаардлага их гардаг. Хүснэгтийг үүсгэсний дараа баганы гарчигийн баруун талд шүүлтүүр ба эрэмбэлэх сум бий болдог. Хүснэгтэд шүүлтүүр тавьсаны дараа төлөвийн мөрөнд шүүлтүүрт тохирч байгаа мөрийн тоог үзүүлнэ.

Санамж: Шүүлтүүрийг Excel -ийн стандарт нүднүүдийн хэсэгт (зөвхөн хүснэгт биш) ч хэрэглэж болдог. Шүүлтүүр тавих хэсгээ сонгоно аваад Home -> Editing -> Sort & Filter товчийг дараад гарч ирсэн цэснээс Filter -г сонгоно. Ингэхэд гарчигийн мөрөнд шүүлтүүрийн товч (сум) бий болох бөгөөд түүнд даран шүүлтийг удирдана. Хуудас нь шүүлтүүрийн зөвхөн ганцхан хэсгийг агуулдаг бол хүснэгт бүр нь өөрийн шүүлтүүрийн тохиргоотой байж болдог.

If функц

Хүснэгтэн мэдээлэл боловсруулах явцад нэг утгыг нөгөө утгатай харьцуулан гарсан үр дүнгээс хамааран үйлдэл гүйцэтгэх хэрэгцээ ихээр гардаг. Энэ зорилгод if функцыг ихээр ашигладаг. Ер нь нөхцөлт оператор бол программчлалын хэлний үндсэн том ухагдхуун тул үүнийг ойлгон ашиглаж сурах нь Excel программыг эзэмшиж байгаа хэн бүхэнд маш чухал. Функц өгөгдсөн нөхцөл биелэгдэж байвал нэг үйлдлийг харин эсрэг тохиолдолд өөр үйлдлийг хийдэг. Энэ функцээр дамжин хүснэгтэнд программчлалын ухагдхуун орж ирдэг. Нөхцөлт операторыг ашиглахгүйгээр Excel программаар мэдээлэл боловсруулах нь бараг гараар хийсэнтэй ижил цаг хугацаа хүч хөдөлмөр шаардах болдог гэдгийг санаарай. Тиймээс жишээгээр үзэх хүснэгтийн ажиллагааг сайтар ойлгон авахыг хичээгээрэй.