Хичээлээр бид текстийг хэлбэржүүлэхэд нэг их өргөн ашиглаад байдаггүй тегүүдийн талаар үзэх болно. Хэдийгээр тегүүдийг ховор ашигладаг гэсэн ч тэдгээрийг мэддэг байх нь хэрэгтэй. Цаашид жишээн дээр кодын зөвхөн тухайн хэсгийг үзүүлэх ба харин туршин үзэхдээ эхний жишээний дагуу бүгдийг бичин туршилтаа хийж байгаарай. Эх кодын файлд өөрчлөлт орох бүрд Mozilla Firefox хувьд харин Internet Explorer -д товчийг дарах эсвэл F5 даран веб хуудсыг шинэчилнэ гэдгийг дахин сануулъя.

Товчилсон нэрийн тег abbr, acronym

<abbr></abbr>, <acronym></acronym> тегүүд нь текстийг товчлол гэдгийг заана. Анхдагч байдлаар текст доогуураа тасархай зураастай харагдах ба түүн дээр хулганы заагчийг аваачихад товчилсон үгний тайлбар гарч ирдэг. Товчлолын тайлбарыг харуулахдаа тегэд title параметрийг нэмээд түүний утгаар товчлолын тайлбарыг нэмэж өгнө.

Өмнөх хичээлүүдэд бид нилээд олон тооны HTML кодыг бичсэн. Тэгвэл хөтөч <h1></h1> гэдгийг тег гэдгийг хэрхэн мэдэж байгаа юм бэ гэсэн асуулт гарч ирнэ. Өөрөөр хэлбэл текстийг хэрхэн гарчиг болгож байгаа. Тэгвэл эдгээр удирдах тэмдэгтүүдийг зүгээр текст болгон харуулахад яах хэрэгтэй вэ?
Үнэн хэрэгтээ хөтөч < > дотор байрлаж байгаа бүгдийг удирдах тегүүд гэж ойлгоно. Тэгвэл эдгээр тэмдэгтүүдийг дэлгэц дээр харуулахын тулд тэдгээрийг HTML -ийн тусгай тэмдэгтүүдийг ашиглана. HTML-ийн тусгай тэмдэгтүүдийн хүснэгт байдаг. Гэхдээ бид тэдгээрээс зөвхөн үндсэн хэсгийг л үзнэ.

Энэ хичээлээр бид сайтын макетаас үлдсэн хэсгүүд болох блог, твиттер, хөл хэсгүүдийг кодлоно. Эдгээр хэсгийн кодчлолд ойлгомжгүй зүйл байхгүй ерөнхийдөө амархан. Блог болон твиттер хэсэг бараг ижилхэн тул тус бүрийг нэгэн зэрэг өөрчлөлтөнд оруулахын тулд class="module" бүхий div блокт авна. 1-р хичээлд гаргасан блокийн моделоо эргэн харцгаая.

Хэрэглэгч мэдээлэл оруулах боломжийг форм олгодог. Та интернетээр хэсэж байхдаа төрөл бүрийн сорилго, асуулга, санал хураалт зэрэгтэй нэг бус удаа тааралдаж байсан байх. Энэ бүгдийг өөрийн веб сайтад хийхэд форм хэрэгтэй болдог. Энд онцлоход html форм нь өөрөө зөвхөн мэдээлэл оруулах боломжийг л олгодог бөгөөд харин оруулсан мэдээллийг боловсруулж чаддаггүй гэдгийг хэлэх хэрэгтэй. HTML нь бүтцийг бий болгох хэл болохоос программчлалын хэл биш. Мэдээллийг боловсруулахад javascript, php гэх мэтийн хэлүүдийг ашигладаг.
Хичээлээр бид өөрийн хуудаст html формыг нэмэхэд сураад түүнд оруулсан мэдээллийг хэрхэн боловсруулахыг php, javascript -ын талаарх хичээлүүдээс үзээрэй.
Ингээд html форм нь <form></form> тегүүдээр өгөгдөнө. Формын үлдсэн бүх элементүүд эдгээр тегүүдийн хооронд байрлана.