Хуучин энэтхэг хамгаалалтад хар цагааны хүүний төвд бод хүүний дарамтыг зохион байгуулах зорилгоор тэдэнд төвийг тавин өгдөг. Хар тоглолтыг тэнцвэржүүлэхийн төлөө бус харин сөрөг тоглолтын эрэлд зорьдогоороо бусад олон гараануудаас ялгаатай. Чигорин хуучин энэтхэг хамгаалалтын дайралтын баялаг боломжуудыг амжилттай хэрэглэж байсан ч 1930 -аад он хүртэл гарааг хард хүндрэлтэй бүр бүрэн зөв гараа биш ч гэж үздэг байсан. Бронштейн, Болеславский, Геллер зэрэг их мастеруудын шинэлэг дүн шинжилгээ, бүтээлч тоглолтын ачаар хуучин энэтхэг хамгаалалтын стратегийн болоод тактикийн давууг жинхэнэ утгаар нь нээсэн. Өнгөрсөн зууны 50-60 онуудад эхний нүүдэлд бэрсний хүүний түлхэлтийн эсрэг хамгийн өргөн дэлгэрсэн хариулт болсон. Дараа нь цагаан төвийг авснаар удаан хугацаанд санаачлагыг авдаг гэсэн утгаар энэхүү гарааны тархалт нилээд буурсан. Гэхдээ сүүлийн жилүүдэд хуучин энэтхэг хамгаалалт хурц тэмцэлд дурлагчдын анхаарлыг дахин татах болсон.

Хичээлээр хуучин энэтхэг хамгаалалтын сонгодог болон дөрвөн хүүний хувилбарыг авч үзнэ.

c6 -гийн хар морийг цагаан тэмээгээр дарах эсхүл авах тогтмол заналхийхэд оршихын дээр зарим хувилбарт e5 хар хүүг сулруулах зорилготой тактик бол Испани өргийн санаа. Төрөл бүрийн шатрын програмууд гарааг цагаанд хамгийн ирээдүйтэйн нэг гэж үнэлэдэг. Өргийг их мастерууд тоглолтондоо өргөн ашиглахын дээр шатар сонирхогчдын дийлэнх нь энэ гараагаар ихээр тоглодог. Гарааны онолын хэсгийн хичээлүүдийг үзсэн бол одоо гарааг мастерууд өрөгтөө хэрхэн ашиглан тоглосон жишээнүүдийг үргэлжлүүлэн харцгаая.

Сайтын зарим материалуудыг үзэхийн тулд та тусгай эрхтэй хэрэглэгч байх ёстойг сануулъя. Өөрийгөө хөгжүүлэхэд багахан хэмжээний төлбөрөөс зайлсхийх хэрэггүй болов уу. Хүн өөрийгөө дайчлан суралцаж чаддаг болсны дараа л жинхэнэ сурах үйлс эхэлдэг гэдгийг ойлгоорой. Бие даан судалж сураагүй хүн олигтой мэдлэгтэй болно гэдэг юу л бол. Энэхүү хоосон зайг нөхөхөд сайтын зорилго оршиж байгаа болно.

Арон Исаевич Нимцович бол шатрын түүхэн дэх нэртэй шатарчид, онолчдын нэгээр зүй ёсоор тооцогддог. Тэрээр 1920-1930 онуудад дэлхийн аваргын төлөөх өрсөлдөгч, шатрын онолын бичигч, шатар тоглох санааны хөгжлийн тод төлөөлөгч юм. Нимцович шатрын онолын хөгжилд өөрийн "Миний систем", "Миний систем практикт", "Бүслэлт" гурван бүтээлээр их хувь нэмрийг оруулсан. Сайтад Нимцовичийн "Миний систем" номноос тодорхой хэсгийг орчуулан хүргэсэнг та үзээрэй.

Сайтын Багц хичээл хэсэгт хичээлүүдийг сэдэвчлэн нэгтгэн оруулж байгааг сонирхохыг зөвлөе.

Орчин цагт хаалттай гарааны ангилал 30-40 жилийн өмнөхтэй харьцуулбал ихээхэн өөрчлөгдсөн. Өмнө нь хаалттай гараанд цагаан эхний нүүдэлдээ ноёны хүүгээ хоёр нүдээр түлхээгүй бүх гарааг хамруулдаг байсан бол одоо зөвхөн цагаан эхний нүүдлээр бэрсний хүүгээ хоёр нүдээр түлхэн харин хар яг ижил хариу нүүдэл хийдэг гараануудыг хаалттай гэж нэрлэдэг болсон. Өөрөөр хэлбэл өнөө цагт төвд 1. d4 d5 гэсэн шууд хүүний тулалт хийгддэг бэрсний гамбитийн төрлийн эхлэлүүдийг хаалттай гараа гэж үздэг. Иймээс өмнө нь хаалттай гараанд оруулж байсан бусад гараанууд гараанд үүсэх хүүний бүтцийг үндэслэн хагас хаалттай, жигүүрийн гэсэн хоёр бүлэгт хуваагдсан.

Альбиний сөрөг гамбитийн үед цагаан оновчтой зөв тоглохгүй бол нилээд хүндрэлд ордог. Гараанд зөв тоглохгүй бол шатрын өрөгт хожил авна гэдэг тун эргэлзээтэй тул гарааны хичээлүүдийг сайтар судлан өөрийн зэвсэглэлдээ авахыг зөвлөе.