Excel програмын нүднүүдийн хэсэгт өгөгдөл оруулах хурдан аргыг хэрэглэснээр та өөрийн цаг хүчийг хэмнэх боломжтой. Гараар их хэмжээний өгөгдлийг оруулах хэрэгтэй болсон үед ийм аргуудыг ашигладаг.

Тодорхой хэсэгт өгөгдөл оруулах

Нүднүүдийн хэсэгт (бүлэг нүднүүд) өгөгдөл оруулахын тулд эхлээд энэ хэсгээ сонгоно. Ингэснээр <Enter> товчийг дарахад заагч энэ хэсгийн дараагийн нүдэнд автоматаар шилжих болно. Үүнийг дараах байдлаар хэрэгжүүлнэ.

• Өгөгдөл оруулах хэсэг нь олон мөртэй бол <Enter> товчийг дарахад заагч нэг мөрөөр доошлох ба хамгийн сүүлийн мөрнөөс заагч нь дараагийн баганы эхний мөрөнд шилжинэ
• Нүдийг алгасахын тулд өгөгдөл оруулахгүй шууд <Enter> товчийг дарна
• Заагчийг нэг нүдээр буцаахын тулд <Shift + Enter> хослолыг дарна
• Өгөгдлийн баганаар бус мөрөөр оруулахыг хүсвэл <Enter> товчны оронд <Tab> товчийг дарна. Өмнөх нүдэнд шилжихдээ <Shift + Tab> хослолыг ашиглана.

Хүснэгтэд шүүлт хэрэглэх

Таны хүснэгтийн хэмжээ том болох үед мэдээллийг харах ажиллагаа хүндэрч эхэлнэ. Excel -д ийм том хэмжээний хүснэгттэй ажиллахад маш хэрэгтэй Filter гэдэг хэрэгсэл байдаг. Өөрөөр хэлбэл та хүснэгтээс тухайн үед хэрэгтэй хэсгийг шүүн харах хэрэгсэл юм. Одоо хэрэгслийг хэрхэн ашиглахыг жишээгээр авч үзье. Та олон газар тархсан агентуудаар дамжуулан худалдаа хийдэг гэж бодъё. Агентууд өдөр бүр борлуулалтын мэдээгээ дамжуулан түүгээр та доорх хэлбэрийн хүснэгтийг зохиодог байя.

Эхлээд хүснэгтээ хэрхэн зохиохыг авч үзье. Эхний хичээлүүдийг үзсэн бол энэ хүснэгтийг зохиоход амархан гэж үзээд алхамуудыг хураангуй байдлаар хийнэ. Шинэ зүйл дээр дэлгэрэнгүй тайлбар өгөх болно.

Туузын хэмжээг өөрчлөх

Дэлгэцийн хэмжээ болон хүснэгтийн харагдах хэмжээнээс хамаарч туузын элементүүд хэмжээ өөрчлөгдөнө. Дэлгэцийн хэмжээ том бол туузын бүх үеүүд харагдаж байна. Харин хүснэгтийн хэмжээг багасгаж эхлэхэд туузын харагдах хэлбэр нь товчнуудын хэмжээг жижигрүүлэх, командын нэрүүд үзэгдэхгүй болох, командын бүлгүүд нэг товч болох байдлаар өөрчлөгдөнө. Цаашлаад тууз нь алга болдог. Хэмжээг багасгах үед тууз харагдахгүй болох хүртлээ нэг ч үе алга болодоггүй.

Туузанд гараас хандах

Excel –д (KeyTips) гэж нэрлэдэг гайхамшигтай боломж байдаг. Энэ боломжийг ашиглан товчнуудын хослолыг цээжлэх шаардлагагүйгээр гараас туузын бүх командуудад хандах бололцоо бий болдог. Тэгвэл KeyTips гэдэг нь туузын командыг гараас дуудахад ашиглах нэг буюу хоёр үсэг тооноос бүтсэн тэмдэглэгээ юм.
Туузын командыг гараас дуудахын тулд

1. <Alt> товчийг дарна. Ингэхэд туузын үеүүдийн дээгүүр гараас дарах товчуудыг заасан тэмдэглэгээ гарч ирнэ.
2. Өөрийн орох хэрэгтэй байгаа үед тохирсон товчийг дарна. Жишээ нь Insert үед орохын тулд <N> товчийг дарна. Товчийг дарахад <Alt> товч дарсан чигээрээ байх албагүй. Хэрвээ буруу үед орсон бол <Esc> товчийг дарна
3. Командыг дуудахад шаардлагатай товч болон товчны хослолыг дарна.

Microsoft Excel хурдавчилсан курс цуврал хичээлүүдийн сүүлийн хичээлийг танд танилцуулж байна. Өмнөх хичээлүүдээр бид Excel дээр хүснэгт зохиох, томьёо оруулах, тооцоо хийх, диаграмм үүсгэх, нэгдсэн хүснэгт хийх, холбоос, филтер ашиглах, шийдэл хайх хэрэгслүүд гээд үндсэн хэрэгслүүд болон аргачлалуудыг үзсэн билээ. Энэхүү сүүлийн хичээлээр Excel 2007 гоос хойш хувилбарт бий болсон Table хэмээх маш хэрэгтэй хэрэгсэлтэй танилцах болно. Table хэрэгслийг ашигласнаар их хэмжээний жагсаалттай ажиллах үед томьёог хуулах, дүнгийн хэсгийг өөрчлөх, филтер тавих, төрөл бүрийн судалгаа, хайлт хийх гэх мэтийг амархан хийх боломжийг бүрдүүлнэ. Хэрэгслийн ажиллагааг жишээгээр авч үзье. Та худалдаа эрхэлдэг түүнийхээ тооцоонд тогтмол ашигладаг доорх хэлбэрийн хүснэгт байлаа гэж бодъё.