Тоон утга гэдэг нь орлого, зарлага, үр дүнгийн тайлан гэх мэтийн ямар нэгэн зүйлийн тоон илэрхийлэл юм. Тоон утга нь дангаараа байхаас гадна томьёонд эсвэл диаграм үүсгэх зэрэгт оролцоно. Excel тоог утга бүхий 15 орны нарийвчлалтайгаар үзүүлдэг. Их олон оронтой тоог Excel 15 орны нарийвчлалтайгаар хадгална.
Нүдэнд тоон утга оруулах нь текст оруулахтай ижил байдаг. Нүдэнд оруулж буй тоо нь аравтын таслал, долларын тэмдэг, нэмэх хасах тэмдэг, орон тусгаарлах таслалтай байж болно. Хаалтанд бичигдсэн эсвэл өмнөө хасах тэмдэгтэй тоог Excel сөрөг тоо гэж ойлгоно.
Нүдэнд бутархай тоо оруулах
Хүснэгтийн нүдэнд бутархай тоог оруулахдаа бүхэл хэсэг болон бутархай хэсгийг хооронд нь хоосон зайгаар (space) тусгаарлаж өгөх хэрэгтэй. Жишээ нь 6 7/8 бутархайн аравтын эквивалентийг оруулахдаа
- 6 -г оруулна
- Хоосон зай авна. (space)
- 7/8 -г оруулна
- <Enter> товчийг дарна
Excel нүдэнд 6,875 гэсэн утгыг оруулаад энэ нүдэнд бутархайн форматыг автоматаар өгдөг. Хэрвээ бутархай нь бүхэл хэсэг байхгүй бол (жишээ нь 1/8) эхлээд тэг (0) бичээд дараа нь хоосон зай авсны дараа 1/8 оруулж өгөх хэрэгтэй. Тэгэхгүй бол 1/8 бичлэгийг Excel тухайн оны 1-р сарын 8 гэж ойлгоно.
тэнцэтгэл биш хэдэн бүхэл тоон шийдтэй вэ?
тэгшитгэлийг бод.