Excel 2007 –д програмын тусгай боломжид хандах, файлуудтай ажиллахад зориулагдсан шинэ цэс нэмэгдсэн. Энэ цэсэд дэлгэцийн зүүн дээд буланд байрлах Office товчийг даран хандана.

Хүснэгт үүсгэх зөвлөмж хичээлд дурдсан зарчмуудаар хүснэгтийг хэрхэн зөв бэлтгэхийг жишээн дээр авч үзье.
Талх, нарийн боовны цех орлого зарлагын бүртгэлээ
дээрх байдлаар хөтөлдөг гэж үзье. Хүснэгт зөвлөмжид хир нийцэж байна вэ гэвэл тийм ч сайнгүй. Учир нь

• B багана /орлого/ бараг л хоосон бөглөгдөнө.
• Үлдэгдэл D багана илүүдсэн
• Тайлбараас орлого зарлагын төрлүүдийг харгалзуулан харьцуулах боломжгүй.
• Дүнгийн мөр хүснэгтийн гарчигийн дор байрласан

байгаа нь зөвлөмжийг зөрчсөн.

Жич: Бүртгэлээ иймэрхүү байдлаар хөтөлсөн хүмүүс их байдаг даа.

Хуудасны нэр болон томьёонд агуулагдаж буй алдааг илрүүлэн засварлахад доорх аргуудыг ашиглаж болно.

Нэрүүдийн хүснэгтийг үүсгэх

Алдаа илрүүлэх , журнал хөтлөх зорилгоор хүснэгтэд тодорхойлсон бүх нэрүүд болон тэдгээрийн холбоосуудыг үзүүлсэн жагсаалтыг үүсгэдэг. Нэрүүдийн жагсаалтыг үүсгэхдээ

1. Нүдний заагчийг хуудасны хоосон байрлалд шилжүүлэх эсвэл шинээр хуудас нээнэ. Excel програм нь нэрүүдийн хүснэгтийг идэвхитэй нүдний байрлалаас эхлэн үүсгэдэг.
2. Formulas -> Defined Names -> Use in Formula товчийг дарахад гарч ирэх цэсний доод хэсэгт байгаа Paste Names цэсийг сонгоно. Эсвэл <F3> товчийг дарна. Ингэхэд Paste Name цонх нээгдэнэ
3. Paste List товчийг дарахад нэрүүдийн хүснэгтийг үүсгэнэ.

Санамж: Үүсгэж байгаа жагсаалт нь нүднүүдийн өгөгдлийг даран бичигдэх тул идэвхитэй нүд нь хоосон нүд байх хэрэгтэйг анхаарна уу

Excel 2007 -д мэрэгжлийн түвшинд харагдахаар диаграм үүсгэх нь мэдэгдхүйц сайжирсан. Графикийг форматлах, макетлах төрөл бүрийн хэрэгслүүд нэмэгдсэн нь диаграм зохиох ажиллагааг хурдан болгон өгсөн. Диаграмыг үүсгэхийн тулд

1. Диаграмыг үүсгэх өгөгдлүүдийг сонгон авна. Ингэхдээ өгөгдлүүдийг тодорхойлж буй мөр болон баганы гарчигуудыг хамтад нь сонгоно.
2. Insert -> Chart хэсгээс диаграмын төрлийг сонгоход дэд төрлүүдийг сонгох цонх нээгдэнэ.
3. Дэд төрлийн зураг дээр хулганы заагчийг байрлуулахад түүний талаарх мэдээллийг дэлгэцэнд үзүүлнэ. Эндээс өөрийн хүссэн төрлөө сонгоход диаграмыг үүсгээд диаграмтай ажиллах нэмэлт (Chart Tools) үе (улаан хүрээтэй) нэмэгдэн түүний Design үе нь идэвхижсэн байна.
4. Диаграм дээрх элементүүд хүссэнээр байрлаагүй бол Design -> Chart Layouts хэсгээс өөр макетыг сонгоно. Макетуудын баруун байрлах (хөх хүрээтэй) сумуудыг ашиглан макетуудыг гүйлгэн харах эсвэл бүгдийг зэрэг харж болно. Макет бүр нь янз бүрийн элементүүдийг агуулсан байх ба хэрвээ нэр бүхий макетыг сонгосон бол нэрийн талбарыг сонгон нэрийг оруулж өгнө.
5. Шаардлагатай гэж үзвэл Design -> Chart Styles хэсгээс диаграмын хэлбэрийг сонгоно. Хэлбэрүүдийн баруун байрлах (шар хүрээтэй) сумуудыг ашиглан боломжит хэлбэрийг гүйлгэн харах эсвэл бүгдийг зэрэг харж болно. Хэлбэрүүд нь хүснэгтийн шаблон дээр үндэслэгдсэн байх тул шаблоныг солиход хэлбэрүүд өөрчлөгдөнө.