Та зээл авахаар шийдсэн гэж үзье. Сар бүр 200000 төгрөг төлнө гэвэл хэдий хэмжээний зээл авах? Хир хугацаатай? Хугацаагаа багасгавал төлөх хэмжээ яаж өөрчлөгдөх гээд олон асуултууд гарч ирнэ. Эдгээр асуултын хариуг Excel програмыг ашиглан амархан шийдвэрлэх боломжтой. PMT, NPER, RATE, PV санхүүгийн функцууд нь зээлийн төрөл бүрийн нөхцөлд үзүүлэлтүүдийг тооцдог.

Нэрийг засварлах

Excel 2007 -д Name Manager -ийг ашиглан нэрийн холбоос, тайлбар, нэр зэргийг засварлах ажиллагааг амархан хийнэ. Хүснэгтийн нэрийг засварлахдаа

1. Formulas -> Defined Name -> Name Manager товчийг дарахад Name Manager цонх нээгдэнэ.
2. Жагсаалтаас засварлах нэрээ сонгоод Edit товчийг дарахад Edit Name диалогийн цонх гарч ирнэ.
3. Нэр, тайлбар, холбоосыг засварлаад Ok товчийг дарна.
4. Засварлах шаардлагатай нэрүүдийг дуустал 2,3-р алхамыг давтана.
5. Диалогийн цонхноос Close товчийг даран гарна.

Нүднүүдийн хаяг нь ямар нэгэн утга илэрхийлэхгүй тул шууд ажиллахад хүндрэлтэй асуудал их гардаг. Гэхдээ Excel програм нь нүд болон нүдний хэсгүүдэд нэр өгөх боломжтой байдаг нь хэрэглэгчийн ажиллагааг асар хөнгөвчилж өгдөг. Жишээ нь нүдэнд Ашгийн_хувь, нүднүүдийн хэсэгт Борлуулалт гэх мэтээр нэр өгч болно.

Нүд болон нүднүүдийн хэсэгт нэр олгохын давуу талууд

• Нүд болон хэсгүүдэд нэр олгох нь дараах давуу талуудтай
• Нэр бүхий (жишээ нь Орлого) хэсгийг зүгээр хэсгийн (жишээ нь A1:A200) хаягаас илүү хурдан тогтооно
• Сонгосон нүд болон хэсгийн нэр нь нэрийн талбар (Name box) т харагдана
• Нэрийн талбараас сонголт хийн нүд хэсгүүдэд хурдан шилжинэ
• Нүд болон хэсгийн нэрийг бичих учраас томьёо зохиох ажиллагаа хөнгөн болно
• Нэрийг ашигласнаар томьёог ойлгоход амархан. Жишээ нь =C30-C40 гэсэн томьёоноос =Орлого-Зарлага томьёо нь хамаагүй илүү ойлгомжтой.

Диаграм - гэдэг нь хүснэгтэд байгаа тоон мэдээллийг графикаар үзүүлэхийг хэлнэ. Тоон мэдээллийг графикаар үзүүлэх нь тэдгээрийн утгуудад графикаас шууд харан дүгнэлт хийх боломжтой байдгаараа давуу талтай. Excel програм нь график үүсгэх их олон хэрэгслүүдийг ашиглах боломжийг хэрэглэгчид олгоно.

Диаграмын бүтэц

Диаграмыг зохиохоос өмнө түүний бүрдүүлэгч хэсгүүдтэй (элемент) танилцах нь зүйтэй. Диаграм зохиохдоо зөвхөн үзүүлж байгаа өгөгдлүүдийг хамгийн сайнаар илэрхийлэх элементүүдийг ашиглах хэрэгтэй. Хэтэрхий олон элементийг ашиглах нь диаграмын үзэмж болоод өгөөжид муугаар нөлөөлнө.
Хөндлөн тэнхлэг (2). Ихэнх диаграмд энэ тэнхлэг нь төрлийн тэмдэглэгээг үзүүлдэг. (дугаарлах зорилгоор ашиглаагүй дурын элементүүд) Жишээ нь сар, улирал, жил г.м Төрлүүдийг диаграмд ижилхэн хэсгээр үзүүлнэ. Диаграмд үндсэн болон туслах хөндлөн тэнхлэг байж болно.
Хөндлөн тэнхлэгийн гарчиг. Төрлүүдийн гарчгийг энд оруулж өгнө.