Нүднүүдийн хаяг нь ямар нэгэн утга илэрхийлэхгүй тул шууд ажиллахад хүндрэлтэй асуудал их гардаг. Гэхдээ Excel програм нь нүд болон нүдний хэсгүүдэд нэр өгөх боломжтой байдаг нь хэрэглэгчийн ажиллагааг асар хөнгөвчилж өгдөг. Жишээ нь нүдэнд Ашгийн_хувь, нүднүүдийн хэсэгт Борлуулалт гэх мэтээр нэр өгч болно.

Нүд болон нүднүүдийн хэсэгт нэр олгохын давуу талууд

• Нүд болон хэсгүүдэд нэр олгох нь дараах давуу талуудтай
• Нэр бүхий (жишээ нь Орлого) хэсгийг зүгээр хэсгийн (жишээ нь A1:A200) хаягаас илүү хурдан тогтооно
• Сонгосон нүд болон хэсгийн нэр нь нэрийн талбар (Name box) т харагдана
• Нэрийн талбараас сонголт хийн нүд хэсгүүдэд хурдан шилжинэ
• Нүд болон хэсгийн нэрийг бичих учраас томьёо зохиох ажиллагаа хөнгөн болно
• Нэрийг ашигласнаар томьёог ойлгоход амархан. Жишээ нь =C30-C40 гэсэн томьёоноос =Орлого-Зарлага томьёо нь хамаагүй илүү ойлгомжтой.

Excel програмаар хийгддэг олонхи хүснэгтүүд нь хэвэлмэл тайланд зориулагдсан байдаг. Электрон хүснэгтийг хэвлэх ажиллагаа нь их хүндрэлгүй тул дурын хэрэглэгч мэрэгжлийн түвшинд тайланг хэвлэн гаргах боломжтой.

Хэвлэх өгөгдлүүдийг төвд байрлах ба хязгааруудын тохиргоо

Хязгаар гэдэг нь хэвлэж байгаа хуудасны 4 талд (дээрээс, доороос, баруунаас, зүүнээс) гаргах сул зайг хэлнэ. Хязгаар их байх тусам өгөгдөл хэвлэгдэх зай бага болно. Excel програмаас 4 хязгаарыг удирдах боломжтой. Хязгааруудын тохиргоог хийхийн тулд

1. Төлөвийн мөрөнд байрлах Page Layout товчийг дарах буюу эсвэл View -> Workbook Views -> Page Layout гэж (ногоон хүрээ) орно. Хязгааруудын тохиргоог ердийн харагдах горимд хийж болох боловч Page Layout горимд хязгааруудын тохиргоо нь хэвлэх хэсэгт яаж харагдаж байгааг үзүүлдэг.
2. Page Layout -> Page Setup -> Margins гэж ороход гарч ирэх Normal, Wide, Narrow аль нэгийг сонгоход хязгааруудын шинэ тохиргоо хуудас дээр хийгдэнэ.
3. Хязгааруудын тохиргоог нарийн хийх эсвэл хэвлэгдэх өгөгдлийг төвд байрлуулах хэрэгтэй бол
• 2-р алхамд гарч ирэх цэсний доод хэсэгт байгаа Custom Margins сонголтыг хийнэ. Одоо Excel програм нь Margins үеийг идэвхижүүлсэн Page Setup цонхыг нээнэ.
• Хязгааруудын хэмжээг тохирох тоолуурын товчийг даран өөрчилнө. Бас шууд гараас оруулан өгч болно.
• Хэвлэгдэн гарах өгөгдлүүдийг төвлүүлэх хэрэгтэй бол Center on page хэсэгт байгаа Horizontally , Vertically сонголтуудыг (аль нэгийг эсвэл хоёуланг) зөвлөнө.
4. Ok товчийг даран Page Setup цонхыг хаана

Excel програмыг өгөгдлийн боловсруулалтад өргөнөөр ашигладаг. Таны боловсруулах өгөгдлийн хэмжээ, өгөгдлийн эх үүсвэрүүд олон төрлийн болж ирэхэд өгөгдлийн боловсруулалтыг Excel -ийн стандарт хэрэгслүүдээр хийхэд цаг, хугацаа, хүч хөдөлмөр ихээр шаардах болдог. Энэ асуудал танд тулгарч байвал Power Query хэрэгсэл таны ажлыг хэд дахин хөнгөн болгох хүчирхэг хэрэгсэл гэдгийг сайтын Power Query хэрэгсэл багц хичээлийг үзснээр ойлгоно. 

Хүснэгтүүдийн нэгтгэл, холбоос хичээлд хүснэгтүүдийн нэгтгэлийн төрөл, өгөгдлийн хүсэлтийн холбоосыг үүсгэсэн тул тэдгээрийг хүснэгтүүдийн нэгтгэлд хэрхэн ашиглахыг сурцгаая. Power Query -гийн засварлагчид нэг хүсэлтийг нөгөөд оруулан нэгтгэж болох ч бусад ажиллагаанд эдгээр холбоосууд хэрэг болно гэж үзвэл нэгтгэлийг шинэ хүсэлт хэлбэрээр хийх нь илүү. Иймээс Excel -ийн туузнаас Power Query табаар ороод хэрэгслийн Merge товчийг дарахад нээгдэх Merge цонхонд нэгтгэлийн хүсэлтийг үүсгэе.

Merge цонхонд нэгтгэх хэрэгтэй хүсэлтүүдийг сонгон өгөх хэрэгтэй.

Их олон хоосон мөр бүхий хүснэгтээс мөрүүдийг устгах ажиллагаа нь нилээд хүндрэл учруулдаг. Ийм ажиллагааг энгийн макро ашиглан автомат болгох нь үр дүнтэй арга юм. Үүний тулд нэг хүснэгт шинээр нээгээд хоосон мөр бүхий мэдээллүүдийг оруулаад дараа нь Developer ->Code -> Visual Basic / Tools - Macro - Visual Basic Editor гэж ороод нээгдэх Visual Basic едиторын Insert -> Module командыг ажиллуулаад доорх кодыг бичиж өгнө.

Макрогийн код

Sub DeleteEmptyRows()  
     LastRow = ActiveSheet.UsedRange.Row - 1 + ActiveSheet.UsedRange.Rows.Count  
     Application.ScreenUpdating = False  
     For r = LastRow To 1 Step -1  
         If Application.CountA(Rows(r)) = 0 Then Rows(r).Delete  
     Next r  
End Sub