Текстийн функцуудыг ашиглан үсгийг том жижиг болгох, мөрийн уртыг олох, мөрүүдийг нэгтгэх гээд маш олон төрлийн ажиллагааг хийх боломжтой. Эдгээр функцуудыг томьёонд ашигласнаар хүснэгтийг илүү динамик универсаль болгоно.
Өөр програмаас татан оруулсан өгөгдлүүдийг боловсруулах ажиллагаанд эдгээр функцуудыг ашиглахгүйгээр сайн үр дүнд хүрнэ гэдэг нь бурхшээлтэй. Иймд текстийн функцыг сайтар эзэмшсэн байх нь хэрэглэгч бүрт зайлшгүй хэрэгтэй болно.

Электрон хүснэгтэд текстийг голдуу багана болон мөрийн толгой, тоон утгын тайлбар гэх мэт зүйлд ашиглана. Нэг нүдэнд 32767 тэмдэгтийг оруулж болно.

Нүдэнд текст оруулах

Нүдэнд текст оруулахдаа (энэ үйлдлүүд нь томьёо болон тоон өгөгдөл оруулахад ижилхэн) дараах үйлдлийг хийнэ.

1. Хүснэгтийн курсорыг өгөгдөл оруулах нүдэнд байрлуулна. (ажиллгааг хулгана болон сум бүхий удирдах товчоор хинэ)
2. Текстээ гараас оруулна
3. <Enter> товч юмуу сум бүхий дурын товчийг дарна

Оруулсан өгөгдлийн урт нүдний өргөнөөс хэтэрсэн бол

• Өгөгдөл бүхий нүдний баруун талд хоосон нүднүүд байвал өгөгдлийг тэдгээр дээгүүр үзүүлнэ.
• Баруун талд зэрэгцэн орших нүд нь өгөгдөлтэй бол нүдний өргөний хэмжээгээр өгөгдлийг үзүүлнэ. (Энд өгөгдөл нүдэнд бүтнээрээ байрлах бөгөөд үзүүлэхдээ тэдгээрийн хэсгийг үзүүлж байгаа болно)

Ямарч тохиолдолд нүдэнд оруулсан текст нь нүднээс гадна томьёоны мөрөнд харагдаж байдаг. Excel -ийн өмнөх хувилбарт томьёоны мөрөөс их урттай текстийг оруулах үед томьёоны мөр нь хүснэгтийг даран орж ирснээр хүснэгтийн багануудын толгой харагдахгүй байдал бий болдог байсан. Харин Excel2007 -д текстийн урт томьёоны мөрнөөс их урттай болоход томьёоны мөрөнд гүйлгэгч гардаг болсноор дээрх хүндрэл гарахгүй болгосон. (ягаан тэгш өнцөгт)
Гүйлгэгчийн сумнууд дээр даран текстийг дээш доош гүйлгэн харахаас гадна томьёоны мөрийн доод хязгаараас (улаан тэгш өнцөгт) чирэлт хийн мөрийн хэмжээг өөрчилж болно. Томьёоны мөрийг анхдагч (1 мөр байдаг) байдалд буцаан оруулахдаа гүйлгэгчийн дээр байрлах товч (ногоон дөрвөлжин) дээр дарах эсвэл <Ctrl + Shift + U> хослолыг дарна.

Power Query нь төрөл бүрийн эх үүсвэрээс өгөгдлийг импортлон боловсруулалт хийн Excel -д татан оруулах хэрэгсэл. Excel -д тусгай нэмэлт байдлаар 2013 оноос анхлан гарч ирсэн ба одоо ч Microsoft -ийн сайтаас татан авч Excel 2010, Excel 2013 хувилбарт суулгах боломжтой. Хэрэгслийг суулгасны дараа Excel -ийн туузад Power Query нэртэй таб бий болно. Харин Excel 2016 -д Power Query програмын бүрэлдхүүнд багтан орсон бөгөөд өгөгдлийг татан авч боловсруулалт хийх командууд туузны Data табийн Get & Transform хэсэгт байрлах болсон. Хэрэгсэлийг Excel 2016 -д өөрөөр нэрлэх болсон ч ихэнх хэрэглэгчид түүнийг Power Query нэрээр нь илүү мэдэн хэрэглэдэг. Power Query гарч ирэхээс өмнө ч Excel -д гадны эх үүсвэрээс өгөгдөл татан авах хэрэгсэл байсан боловч тэдгээрийн боломж, ашиглах аргачлал нилээд хязгаарлагдмал байсан. Power Query гарч ирснээр төрөл бүрийн эх үүсвэрээс тогтмол өөрчлөн шинэчлэгддэг их хэмжээний өгөгдөлийг татан авч, боловсруулалт хийх ажиллагаанд том үсрэлт болсон.

Excel програмыг өгөгдлийн боловсруулалтад өргөнөөр ашигладаг. Таны боловсруулах өгөгдлийн хэмжээ, өгөгдлийн эх үүсвэрүүд олон төрлийн болж ирэхэд өгөгдлийн боловсруулалтыг Excel -ийн стандарт хэрэгслүүдээр хийхэд цаг, хугацаа, хүч хөдөлмөр ихээр шаардах болдог. Энэ асуудал танд тулгарч байвал Power Query хэрэгсэл таны ажлыг хэд дахин хөнгөн болгох хүчирхэг хэрэгсэл гэдгийг сайтын Power Query хэрэгсэл багц хичээлийг үзснээр ойлгоно. 

Хүснэгтүүдийн нэгтгэл, холбоос хичээлд хүснэгтүүдийн нэгтгэлийн төрөл, өгөгдлийн хүсэлтийн холбоосыг үүсгэсэн тул тэдгээрийг хүснэгтүүдийн нэгтгэлд хэрхэн ашиглахыг сурцгаая. Power Query -гийн засварлагчид нэг хүсэлтийг нөгөөд оруулан нэгтгэж болох ч бусад ажиллагаанд эдгээр холбоосууд хэрэг болно гэж үзвэл нэгтгэлийг шинэ хүсэлт хэлбэрээр хийх нь илүү. Иймээс Excel -ийн туузнаас Power Query табаар ороод хэрэгслийн Merge товчийг дарахад нээгдэх Merge цонхонд нэгтгэлийн хүсэлтийг үүсгэе.

Merge цонхонд нэгтгэх хэрэгтэй хүсэлтүүдийг сонгон өгөх хэрэгтэй.