Том хэмжээтэй буюу 100 мянгаас давсан мөр бүхий Excel файлтай ажиллах үед томьёонуудын бодолт удаашран ажиллахад хүндрэлтэй болон ирдэг. Энэ асуудлыг шийдэхийн тулд Microsoft компаний мэрэгжилтнүүд том хэмжээний файлтай ажиллах хэрэгслийг Microsoft Excel 2010 -аас хойшхи хувилбаруудад оруулан өгсөн нь Power Query юм. 100 мянган мөртэй Excel -ийн файл хэзээ бий болох билээ дээ гэж та бодож байж магадгүй. Гэхдээ мэдээллийн урсгал ихтэй ажиллагаанд энэ бол бага хэмжээ. Ихэнх газрууд мэдээллийн урсгал ихтэй ажиллагаандаа бэлэн програмыг голдуу ашигладаг ч төрөл бүрийн судалгаа, шинжилгээг програм бүгдийг хийнэ гэвэл бүтэхгүй зүйл.

Excel 2013 -д Power Query хэрэгсэлийг нэмэлтээр татан суулгаж байсан бол Excel 2016 -ийн стандарт багцад Power Query хэрэгсэл орж ирсэн. Таны компьютерт Excel 2013 хувилбар суугдсан бол Power Query -г суулгах хичээлийг үзэн нэмэлт пакетыг суулган аваарай. Хичээлд Excel 2013 хувилбарыг ашиглах ч ажиллагааны хувьд Excel 2016 -гаас онцын ялгаагүй. Excel 2016 -д Power Query хэрэгсэл туузын Data табд Get & Transform нэрээр орж ирсэн.

Power Query-гийн өгөгдлийн эх үүсвэрүүд

Power Query -гийн хүчэрхэг боломжуудын нэг нь хэрэгсэл төрөл бүрийн өгөгдлийн эх үүсвэрүүдэд хандан өгөгдөл татан авч чаддагт оршино. Тууз дээрх Power Query цэсээр орвол

excel, интернет, өгөгдлийн сангууд, онлайн сервесүүд гэх мэтээр олон эх үүсвэрүүдэд хандах боломжтой нь харагдана. Товчнуудын баруун доод булангийн сумыг даран тухайн ангилалд багтах ямар эх үүсвэрүүдэд холбогдохыг харж болно. Power Query хэрэгсэл хандан өгөгдөл татан авах эх үүсвэрүүд хэрэглэгчийн хэрэгцээг бүрэн хангана.

Тодорхой эх үүсвэрээс Power Query хэрэгслээр өгөгдлийг татан боловсруулалт хийх явцад түүнийг өөрийн хэрэгцээнд зохицуулан өөрчлөх шаардлага зүй ёсоор гардаг. Эх үүсвэрээс татсан өгөгдлүүдэээс танд тодорхой хэсэг нь хэрэггүй эсхүл зарим хэсгийг цэгцлэн татах хэрэгцээ байнга гардаг. Иймээс хичээлээр Power Query хэрэгслээр мөрийг хэрхэн удирдахыг үзье. Хичээлд

агуулга бүхий Excel файлыг ашиглана. Танд бэлэн файл байгаа бол түүнийгээ ашигласан ч болно. Файлыг эндээс татан аваарай.

Өгөгдлийн эх үүсвэртэй холбогдон тэдгээрийн мөрүүдийг цэгцэлсний дараа хэрэгтэй мэдээлэлтэй багануудаа салган авах шаардлага гарна. Хэрэгцээгүй олон баганыг оруулан ирэх нь боловсруулалтын хугацааг нэмэгдүүлэх тул хүсэлтээр зөвхөн өөртөө хэсгүүдийг татан авах хэрэгтэй. Татан авсан өгөгдлүүдийн мөртэй хэрхэн ажиллахыг Өгөгдлийн мөрийг удирдах хичээлээс үзээрэй.

Илүү багануудыг устгах

Хэрэггүй баганыг устгахын тулд баганаа сонгон авна. Баганууд зэрэгцэн байрлаагүй бол ctrl товчийг даран сонгон авна. Excel -д оруулан ирэх өгөгдлүүдэд Агуулах, Бүлэг, Орлого, Зарлага, Хугацаа баганууд хэрэггүй байсан гэвэл тухайн багануудаа сонгон аваад

Эх үүсвэрийн өгөгдлүүдэд бүлэглэлийн шинжүүд хоосон утгатай мөрүүд байх явдал элбэг байдаг. Иймээс энэ удаагийн хичээлээр бүлэглэлийн шинжийн хоосон мөрүүдийг өгөгдлөөр дүүргэх аргын талаар авч үзье. Жишээ нь эх үүсвэрт

дээрх мэдээллийг агуулж байлаа гэж үзье. Мэдээллийн эхний гурван багана бол бүлэглэлийн шинжүүд юм. Статистикт эдгээр ангилалын хувьсагчид ч гэж нэрлэдэг. Дээрхтэй төстэй файл байвал түүнийгээ хэрэглэх эсхүл Excel дээр файлыг үүсгээрэй.

Power Query нь төрөл бүрийн эх үүсвэрээс өгөгдлийг импортлон боловсруулалт хийн Excel -д татан оруулах хэрэгсэл. Excel -д тусгай нэмэлт байдлаар 2013 оноос анхлан гарч ирсэн ба одоо ч Microsoft -ийн сайтаас татан авч Excel 2010, Excel 2013 хувилбарт суулгах боломжтой. Хэрэгслийг суулгасны дараа Excel -ийн туузад Power Query нэртэй таб бий болно. Харин Excel 2016 -д Power Query програмын бүрэлдхүүнд багтан орсон бөгөөд өгөгдлийг татан авч боловсруулалт хийх командууд туузны Data табийн Get & Transform хэсэгт байрлах болсон. Хэрэгсэлийг Excel 2016 -д өөрөөр нэрлэх болсон ч ихэнх хэрэглэгчид түүнийг Power Query нэрээр нь илүү мэдэн хэрэглэдэг. Power Query гарч ирэхээс өмнө ч Excel -д гадны эх үүсвэрээс өгөгдөл татан авах хэрэгсэл байсан боловч тэдгээрийн боломж, ашиглах аргачлал нилээд хязгаарлагдмал байсан. Power Query гарч ирснээр төрөл бүрийн эх үүсвэрээс тогтмол өөрчлөн шинэчлэгддэг их хэмжээний өгөгдөлийг татан авч, боловсруулалт хийх ажиллагаанд том үсрэлт болсон.

Excel програмыг ихээр ашигладаг хүмүүс ихэнх цагаа өгөгдөл боловсруулах ажиллагаанд зарцуулдаг. Энэ ажлыг хэд дахин хурдан хийх хэрэгслийг Excel 2013 хувилбараас оруулан ирсэн байдаг ч өнөөг хүртэл ихэнх хэрэглэгчид дадсан аргачлалаа ашигласаар байдаг. Иймээс сайтад Excel -ийн Power Query хэрэгслийг ашиглах хичээлүүдийг багц хэлбэрээр нийтэлж байгааг сонирхохыг зөвлөе.

Энэ удаад гадаад эх үүсвэрээс татсан өгөгдлүүдийн хэвжилтийг өөрийн компьютерын тохиргоонд хэрхэн тохируулах асуудлыг авч үзье. Жишээ нь бидэнд

хүснэгт байгаад түүний өгөгдлийг Power Query -гээр татан авахын тулд хүснэгтээ сонгоод туузнаас Power Query табаар ороод хэрэгслийн From Table/Range товчийг дарахад Power Query -гийн засварлагчид өгөгдлүүдийг

нээн харуулдаг гэдгийг өмнөх хичээлүүдээс мэднэ.

Эх үүсвэрээр Excel -ийн файлыг ашиглахад өгөгдлийн төрлүүдийг таних ажиллагаанд асуудал үүсэх нь бага. Харин эх үүсвэрийг өгөгдлийг таны байгаа газраас өөрөөр хэвжүүлдэг газраас ирүүлсэн файлуудтай ажиллах үед хүндрэл үүсэх магадлалтай. Жишээ нь огноо, тооны форматууд улс бүрд ижил бус байдаг. Эх үүсвэрийн өгөгдлийг та гадаадын түншээс эсхүл гадаад интернет орчноос

CSV өргөтгөлтэй файлаар татан авсан гэе.

Ямар нэгэн тайлан мэдээг Excel дээр хийхдээ хэрэглэгчид өгөгдлийг яг тухайн тайлангийн маягтын дагуу голдуу хийгээд байдаг. Ийм аргаар боловсруулсан тайлангийн өгөгдлийг цаашид боловсруулахад маш төвөгтэй болдог. Иймээс Хүснэгтийг зөв зохиох хичээлийн зөвлөмжийг баримтлан ажиллаж сурахыг зөвлөе. Зөв зохион байгуулалттай өгөгдөл нь ажлыг 70 хувиар хөнгөн болгодог гэдгийг байнга санаж байгаарай. Бидэнд барааны мэдээллийн

хэлбэрийн хүснэгт байлаа гэж үзье. Өгөгдлийг яг дээрх хэлбэрээр хадгалах хэрэгтэй. Учир нь ийм зохион байгуулалттай өгөгдлүүд цаашид боловсруулалт хийхэд хамгийн тохиромжтой байдаг. Гэхдээ урт хүснэгтийг уншихад төвөгтэй байдаг.

Excel -ийн хүснэгтүүдийг өгөгдлүүдийг байрлуулсан хэлбэрээс хамааран урт /long/, өргөн /width/ гэж нэрлэдэг. Өөрөөр хэлбэл бүлэглэлийн хувьсагчдыг /шинж/ нэг багана болгон доош цувуулан зохиосон хүснэгтийг урт харин бүлэглэлийн хувьсагчдыг баганаар салган зохион байгуулсанг өргөн хүснэгт гэдэг. Практикт эдгээр хүснэгтүүдийг нэгээс нөгөө рүү нь шилжүүлэх асуудал ихээр гардаг. Урт хүснэгт харагдах болон болосруулалт хийх талаасаа илүү боловч үзүүлэлт хооронд харьцуулалт хийхэд төвөгтэй байдаг бол өргөн хүснэгтийн өгөгдлүүдэд боловсруулалт хийхэд нилээд төвөгтэй болдог. Бид Pivot багана буюу нэмэлт багана хичээлээр Power Query -гийн Pivot Column командаар багана дахь утгуудаар шинэ багана үүсгэх буюу урт хүснэгтийг өргөн болгохыг үзсэн бол энэ удаад үүний эсрэг буюу өргөн хүснэгтийг урт руу Power Query -г ашиглан хэрхэн шилжүүлэхийг сурцгаая.

Хүснэгтүүдийг нэгтгэх нь хамгийн өргөн тохилддог асуудлуудын нэг бөгөөд Excel -д асуудлыг шийдэхэд зориулагдсан VLOOKUP, INDEX, SUMIF гэх мэтийн функцууд бий. Функцууд өгөгдлийн хэсгүүдийг түлхүүр баганаар нэгтгэн муугүй ажилладаг ч бүх тохиолдолд тохироод байдаггүй. Жишээ нь VLOOKUP нөхцөлд тохирох баганаас баруун орших зөвхөн нэг баганыг л татдаг. Гэтэл практикт нөхцлөөс зүүн орших баганы өгөгдлийг татах, нөхцөлд тохирох бүх өгөгдлийг татах гээд олон янзын асуудлууд үүсдэг. Эдгээрийг шийдэхийн тулд Excel -ийн функцуудыг хослуулсан нарийн ажиллагаа хэрэгтэй болдог нь таниас Excel ашиглах нилээд ур чадварыг шаардана. Power Query хэрэгсэл гарч ирснээр өгөгдлүүдийг нэгтгэх ямарч ажлыг маш энгийн нэг аргачлалаар шийдэх боломж бий болсон.

Excel програмыг өгөгдлийн боловсруулалтад өргөнөөр ашигладаг. Таны боловсруулах өгөгдлийн хэмжээ, өгөгдлийн эх үүсвэрүүд олон төрлийн болж ирэхэд өгөгдлийн боловсруулалтыг Excel -ийн стандарт хэрэгслүүдээр хийхэд цаг, хугацаа, хүч хөдөлмөр ихээр шаардах болдог. Энэ асуудал танд тулгарч байвал Power Query хэрэгсэл таны ажлыг хэд дахин хөнгөн болгох хүчирхэг хэрэгсэл гэдгийг сайтын Power Query хэрэгсэл багц хичээлийг үзснээр ойлгоно. 

Хүснэгтүүдийн нэгтгэл, холбоос хичээлд хүснэгтүүдийн нэгтгэлийн төрөл, өгөгдлийн хүсэлтийн холбоосыг үүсгэсэн тул тэдгээрийг хүснэгтүүдийн нэгтгэлд хэрхэн ашиглахыг сурцгаая. Power Query -гийн засварлагчид нэг хүсэлтийг нөгөөд оруулан нэгтгэж болох ч бусад ажиллагаанд эдгээр холбоосууд хэрэг болно гэж үзвэл нэгтгэлийг шинэ хүсэлт хэлбэрээр хийх нь илүү. Иймээс Excel -ийн туузнаас Power Query табаар ороод хэрэгслийн Merge товчийг дарахад нээгдэх Merge цонхонд нэгтгэлийн хүсэлтийг үүсгэе.

Merge цонхонд нэгтгэх хэрэгтэй хүсэлтүүдийг сонгон өгөх хэрэгтэй.

Хүснэгтүүдийн нэгтгэл бол Excel -ийн хэрэглэгчдийн дунд хамгийн өргөн гарч ирдэг асуудлуудын нэг хэдий ч үүнийг хийхдээ зарим хэрэглэгчид асуудлыг шийдэх аргаа ч мэдэхгүйгээс болоод copy/paste хийн маш их цаг хугацаа хүч хөдөлмөр зарцуулдаг. Програмыг ажлыг хөнгөвчлөх гэж боловсруулдаг болохоос хүнийг компьютер ашигладаг гэдгийг харуулах гэж зохиогдоггүй. Нэг тайлан, мэдээ гаргах гэж өдөржин компьютерын ард суугаад байна гэдэг нь тухайн хүнийг сайн ажилтан гэхээсээ ур чадвар муутай гэдгийг харуулах үзүүлэлт болсон ч манайд ингэж үзэхгүй байсаар л байгаа. Бидний цалин орлого муутай байгаагийн шалтгаан бол чадвар сулаасаа болоод хөдөлмөрийн бүтээмж доогуур байдгаас багахан ажлыг олоолуу эсхүл асар их хугацаа зарцуулан хийдэгтэй холбоотой.
Excel өгөгдөл боловсруулах хүчирхэг хэрэгсэл. Харин хэрэглэгчид програмын боломж, хэрэгслүүдийг эзэмшин ашиглах нь гол асуудал тул сайтад Power Query хэрэгслийн хичээлүүдийг багцлан нийтэлж байгаатай танилцахыг зөвлөе. Хүснэгтүүдийг нэгтгэх хичээлээр нэгтгэл, түүнийг хэрхэн хийх талаар үзсэн. Энэ удаад нэгтгэлийг практик ажилд ашиглах жишээнүүдийг авч үзье.