Хүснэгтийн нүдэнд оруулж байгаа өгөгдөл нь тодорхой нөхцлийг хангаж байвал тухайн нүдэн дэх(өнгөө өөрчлөх, үсгийн хэлбэр нь өөрчлөгдөх г.м) өгөгдлийн формат автоматаар өөрчлөгдөж байхаар хийхийн тулд нөхцөлт формат Conditional formatting –ыг ашигладаг.
Жишээ авч үзье. Сурагчийн улиралын дүн нь 85 буюу түүнээс дээш байвал ногоон, харин 60 аас 85 хооронд байвал цэнхэр, 60 аас доош байвал улаан өнгөөр бичигдэхээр хүснэгтийг форматлах хэрэгтэй болсон гэе.  
Ийм маягаар хүснэгтийг форматлахдаа бид нарийн төвөгтэй томьёог ашиглахгүйгээр нөхцөлт формат Conditional formatting –ыг ашиглан маш амархан хийх боломжтой. Үүний тулд эхлээд хүснэгтээ зохиогоод дараа нь өнгөө солих нүднүүдийг сонгоод

Excel -ээр өгөгдөл боловсруулах явцад зарим файлууд агуулга багатай хэдий ч том хэмжээтэй болсноор ачааллах, тооцоолол хийх хурд буурах тохиолдол ихээр гардаг. Ийм асуудалтай хэрхэн тэмцэх талаар энэ удаа авч үзье. Интернетээс хайвал Excel -ийн файлын хэмжээ их болдог арав гаруй шалтгаан байдагийг төвөггүй олно. Гэхдээ хичээлд эдгээрээс хамгийн ихээр тохиолддог дөрвөн шалтгааныг авч үзэх бөгөөд файлын хэмжээг багасгах аргачлалд ямар нэгэн макро болон нэмэлт сангуудыг ашиглахгүйгээр Excel -ийн өөрийнх нь боломжуудыг ашиглана.

Дээд гарчиг (top header) гэдэг нь хэвлэгдэх хуудасны дээд хэсэгт гарах мөр. Доод гарчиг (footer) гэдэг нь хэвлэгдэх хуудасны доод хэсэгт гарах мөр. Гарчигууд зүүн, төв, баруун гэсэн хэсгүүдээс бүрдэнэ. Жишээ нь дээд гарчигийг зүүн хэсэгт нь зохиогчийн нэр, төв хэсэгт хуудасны гарчиг, баруун хэсэгт хуудасны дугаар гэх байдлаар зохион байгуулж болно.
Дээд доод гарчигийг оруулж өгөх энгийн арга нь Page Layout горимд шилжин оруулах юм. Page Layout горимд төлөвийн мөрний баруун хэсэгт байрлах Page Layout эсвэл View -> Workbooks Views -> Page Layout товчнуудын аль нэгийг даран шилжинэ.
Гарчигийн хэсэг нь дараах шинжүүдтэй.

• Дээд гарчиг нь өгөгдлийн хэсгээс дээш харин доод гарчиг нь өгөгдлийн хэсгээс доош байрлана.
• Хэрвээ гарчигууд хоосон байвал хэсгүүдийн төв хэсэгт (дээд хэсэгт Click to add header, доод хэсэгт Click to add footer) зохих мэдээллүүд гарна.
• Хулганы заагчийг гарчигийн зохих хэсэгт байрлуулбал энэ хэсгийн өргөний хэмжээг үзүүлэх бөгөөд зүүн даралт хийн түүнд өгөгдөл оруулж өгнө.
• Анхдагч тохиргоогоор хуудас бүрд дээд ба доод гарчиг ижилхэн байна
• Дээд доод гарчигт ямар нэгэн өгөгдөл оруулаагүй бол энэ хэсгийг хэвлэхгүй

Нүдэнд оруулж байгаа өгөгдлийн хэмжээ өргөнөөс нь их болох их хэмжээний мэдээллийг оруулах шаардлагатай үед нүдний хэмжээг өөрчлөх хэрэгтэй болдог. Нүдний хэмжээг өөрчилснөөр хүснэгтийн харагдах болон уншигдах байдлыг сайжруулж өгдөг сайн талтай.

Баганы өргөнийг өөрчлөх

Баганы өргөнийг өөрчлөхдөө дараах аргуудаас аль нэгийг хэрэглэнэ.

• Өргөнийг өөрчлөх гэж буй нүдээ сонгоно. Дараа нь Home -> Cells -> Format гэж ороход гарч ирэх цэсний Column Width сонголтыг хийхэд Column Width цонх гарах ба энд нүдний өргөнийг заан өгөөд Ok дарна. Бас Home -> Cells -> Format гэж ороход гарч ирэх цэсний AutoFit Column Width сонголтоор орж болно. Энэ тохиолдолд нүдний өргөн тухайн баганад оруулсан өгөгдлүүдийн хэмжээний хамгийн урттай тэнцүү болно.
• Баганы толгойн баруун хилээс (багануудыг тусгаарлах шугам) хэрэгтэй хэмжээндээ хүртэл чирэлт хийнэ. Энэ үйлдлийг хийж байх үед Excel програм жижигхэн цонхонд (ScreenTip) баганы хэмжээний мэдээллийг үзүүлж байдаг. Олон баганыг сонгон чирэлт хийхэд бүх баганы хэмжээ ижилхэн байдлаар зэрэг өөрчлөгдөнө.
• Баганад байгаа хамгийн урт бичлэгийн хэмжээгээр өргөнийг өөрчлөхийн тулд баганы толгойн баруун хил дээр хоёр даралт хийнэ. Хэрвээ олон баганыг сонгон аваад аль нэг баганы баруун хил дээр хоёр даралт хийвэл багана бүр өөрийн хамгийн урт бичлэгийн хэмжээтэй өргөнтэй болно.
• Өргөнийг өөрчлөх баганыг сонгон авна. (Баганы толгой дээр зүүн даралт хийнэ. Нэг зэрэг олон багана сонгож болно) Дараа нь баруун даралт хийгээд гарч ирэх цэснээс Column Width сонголтыг хийхэд Column Width цонх гарах ба энд нүдний өргөнийг заан өгөөд Ok дарна.