Хуудасны хэмжээ, тооцоолол өсөхийн хирээр түүний ажиллагааг найдвартай байлгах нь хүндрэлтэй асуудал үүсгэдэг. Иймээс ихэнх нарийн төслийг боловсруулах ажлын нэг чухал хэсэг нь хуудас дахь алдааг илрүүлэн засварлах (аудит) ажил байдаг. Excel програмд аудит хийхэд ашиглах боломжтой хэд хэдэн хэрэгслүүд байдагийг энд үзэх болно.

Алдааны мэдээлэл

Excel програм нь томьёонд алдаа байвал ( # ) тэмдэгээр эхэлсэн мэдээллийг өгдөг. Энэ нь томьёо нь буруу утга буцааж байгааг илтгэх ба томьёог засварлах шаардлагатай.

Санамж: Нүдний өргөн нь тоог үзүүлэхэд хүрэлцэхгүй үед нүдийг (алдаа байгаа эсэхээс үл хамааран) ( # ) тэмдэгээр дүүргэдэг.

Excel програмын хэрэглэгчдэд нэг хүснэгтийн утгыг өөр хүснэгтээс хайх шаардлага ихээр гардаг. Хичээлээр Excel програмын хэрэглэгчид хамгийн өргөн ашигладаг, хүчирхэг функцуудын нэг болох хүснэгтээс тодорхой утгуудыг хайн олох VLOOKUP функцыг хэрхэн ашиглахыг үзье. Функцийг ашиглах тухай VLOOKUP функцыг ашиглах хичээлд үзсэн хэдий ч илүү нарийн тайлбарлахыг хүмүүс хүссэн тул шинээр материалыг орууллаа.  
VLOOKUP - функц утгыг хэсгийн эхний мөрнөөс хайн утга олдсон мөрний заагдсан баганы утгыг буцаадаг.
Тодорхойлолтыг нарийвчлан функц хэрхэн ажилладагийг эхлээд тайлбарлая. VLOOKUP -г орчуулбал босоо хайлт гэж болно.

Хулгана бол Excel –ийн хүснэгттэй ажиллах үндсэн хэрэгсэл. Иймээс хулганаар хийх үйлдлүүдийг номонд хэрхэн нэрлэхийг доорх байдлаар тодорхойлов

Зүүн даралт – Хулганы зүүн товчийг нэг дарах
Хоёр даралт – Хулганы зүүн товчийг ойрхон хоёр дарах
Баруун даралт – Хулганы баруун товчийг нэг дарах
Чирэх – Хулганы зүүн товчийг дарсан чигээрээ заагчийг шилжүүлэх
Байрлуулах – Хулганы заагчийг элемент дээр аваачих. Хулганы товчийг дарахгүйгээр.
Сонгох - Хулганы заагчийг элемент дээр аваачаад зүүн товчийг дарах

Хулганаар хийх үйлдэл бүр нь Excel-ийн аль нэг (товч, нүд, гүйлгэгч гэх мэт) элементтэй холбоотой байна. Элементийг сонгох эсвэл түүн дээр хулганы заагчийг байрлуулж болно. Хуудас дотор нүдийг сонгохдоо түүн дээр очоод зүүн даралт хийнэ. Хэрвээ танд хэрэгтэй нүд харагдахгүй байвал гүйлгэгч зурвасыг ашиглан өөрийн хэрэгтэй зүгт шилжүүлнэ.

Хүснэгтийн нэрийг програмаас (Table1, Table2 ...) нэгдсэн байдлаар өгдөг. Хэрвээ томьёоноос хүснэгтийн өгөгдөлд хандах хэрэгтэй бол түүний нэрийг илүү утга агуулсан (Жишээ нь SalesData) байдлаар өгөх хэрэгтэй. Excel програмаас хүснэгтэд олгосон нэрийг өөрчлөхдөө хүснэгтийн дурын нүдийг сонгоод Table Tools -> Design үеийг сонгоод Design -> Properties -> Table Name талбарт шинэ нэрийг оруулна. Хүснэгт болон баганы нэрийг өгөхдөө дараах дүрмийг баримтална.

• Нэр нь хүснэгтэд үүсгэн өгсөн бусад нэрүүдээс ялгаатай байхын зэрэгцээ Excel -д нэрийг олгох дүрмийг баримтална. (Нэрийг ашиглах хичээлийг үз)
• Баганы нэр нь хүснэгтэд давхардаагүй (давтагдашгүй) байх ёстой. Тусдаа хүснэгтүүдэд ижил нэртэй багана байж болно.
• Хүснэгтийн болон баганы нэрийг өөрчлөхөд эдгээр нэрэнд хандсан томьёоны холбоосууд автоматаар шинэчлэгдэнэ.
• Хүснэгтэд шинээр мөр багана оруулах эсвэл устгахад Excel програм нь хүснэгт болон баганад хандсан холбоосуудыг автоматаар шинэчилнэ.