Хүснэгтийн өгөгдлүүдийг боловсруулах үед нэг буюу хэд хэдэн нөхцлөөс хамааруулан тооцоог гүйцэтгэх шаардлага ихээр гардаг. Энд бидэнд логик функцууд хэрэгтэй болно. Ихэнх үйлдлүүд тодорхой нөхцлийг хангасан байхад эсхүл хангахгүй байх үеийн гэсэн тохиолдолуудтай байдаг тул логик функцуудын ажиллагааг сайн сурсан байх хэрэгтэй. Тооцоонд маш ихээр ашиглагддаг учраас эдгээр функцуудыг эзэмшихгүйгээр Excel -д ямар нэгэн тооцоо хийхэд бэрхтэй.

Excel програмын алдаа илрүүлэх хэрэгсэл нь хуудаснуудын нүд болон томьёонуудын хоорондын уялдаа холбоог графикаар дүрслэн үзүүлснээр хуудас дээрх алдааг илрүүлэн засварлахад их тус хүргэдэг. Нүд болон томьёоны уялдааг сумаар холбон өгдөг ба энд нөлөөлөх ба хамаарах нүд гэсэн ойлголт байдаг.
Нөлөөлөх - гэдэг нь тухайн (идэвхитэй) нүдний утгыг олоход (шууд болон шууд бус) ашиглагдаж байгаа нүднүүдийг хэлнэ. Хамаарах - гэдэг нь утга нь тухайн (идэвхитэй) нүдний утгааас хамаарах нүднүүдийг хэлнэ. Нүдний томьёо нь буруу ажиллах үед (#DIV/0!, #VALUE!, #NA) өгөх алдаа нь тооцоонд нөлөөлөх нүднүүдээс шууд хамаардаг. Алдаа илрүүлэх, томьёоны тооцоололд хамрагдах нүднүүдийн хамааралыг харахын тулд нөлөөлөх ба хамаарах нүднүүдийн хоорондын уялдааг ашигладаг.
Нөлөөлөх ба хамаарах нүднүүдийн хоорондын уялдааг харахын тулд

Их олон хоосон мөр бүхий хүснэгтээс мөрүүдийг устгах ажиллагаа нь нилээд хүндрэл учруулдаг. Ийм ажиллагааг энгийн макро ашиглан автомат болгох нь үр дүнтэй арга юм. Үүний тулд нэг хүснэгт шинээр нээгээд хоосон мөр бүхий мэдээллүүдийг оруулаад дараа нь Developer ->Code -> Visual Basic / Tools - Macro - Visual Basic Editor гэж ороод нээгдэх Visual Basic едиторын Insert -> Module командыг ажиллуулаад доорх кодыг бичиж өгнө.

Макрогийн код

Sub DeleteEmptyRows()  
     LastRow = ActiveSheet.UsedRange.Row - 1 + ActiveSheet.UsedRange.Rows.Count  
     Application.ScreenUpdating = False  
     For r = LastRow To 1 Step -1  
         If Application.CountA(Rows(r)) = 0 Then Rows(r).Delete  
     Next r  
End Sub  

Excel 2013 -д Power Query хэрэгсэлийг нэмэлтээр татан суулгаж байсан бол Excel 2016 -ийн стандарт багцад Power Query хэрэгсэл орж ирсэн. Таны компьютерт Excel 2013 хувилбар суугдсан бол Power Query -г суулгах хичээлийг үзэн нэмэлт пакетыг суулган аваарай. Хичээлд Excel 2013 хувилбарыг ашиглах ч ажиллагааны хувьд Excel 2016 -гаас онцын ялгаагүй. Excel 2016 -д Power Query хэрэгсэл туузын Data табд Get & Transform нэрээр орж ирсэн.

Power Query-гийн өгөгдлийн эх үүсвэрүүд

Power Query -гийн хүчэрхэг боломжуудын нэг нь хэрэгсэл төрөл бүрийн өгөгдлийн эх үүсвэрүүдэд хандан өгөгдөл татан авч чаддагт оршино. Тууз дээрх Power Query цэсээр орвол

excel, интернет, өгөгдлийн сангууд, онлайн сервесүүд гэх мэтээр олон эх үүсвэрүүдэд хандах боломжтой нь харагдана. Товчнуудын баруун доод булангийн сумыг даран тухайн ангилалд багтах ямар эх үүсвэрүүдэд холбогдохыг харж болно. Power Query хэрэгсэл хандан өгөгдөл татан авах эх үүсвэрүүд хэрэглэгчийн хэрэгцээг бүрэн хангана.