Өгөгдөлд шүүлт тавих нь хүснэгтийн өгөгдлийг боловсруулах ажиллагаанд хамгийн их ашигладаг үйлдэл юм. Их хэмжээний өгөгдөл бүхий хүснэгтийг ямар нэгэн нөхцлийн дагуу дэд хэсгүүд болгон харах судалгаа хийх шаардлага их гардаг. Хүснэгтийг үүсгэсний дараа баганы гарчигийн баруун талд шүүлтүүр ба эрэмбэлэх сум бий болдог. Хүснэгтэд шүүлтүүр тавьсаны дараа төлөвийн мөрөнд шүүлтүүрт тохирч байгаа мөрийн тоог үзүүлнэ.

Санамж: Шүүлтүүрийг Excel -ийн стандарт нүднүүдийн хэсэгт (зөвхөн хүснэгт биш) ч хэрэглэж болдог. Шүүлтүүр тавих хэсгээ сонгоно аваад Home -> Editing -> Sort & Filter товчийг дараад гарч ирсэн цэснээс Filter -г сонгоно. Ингэхэд гарчигийн мөрөнд шүүлтүүрийн товч (сум) бий болох бөгөөд түүнд даран шүүлтийг удирдана. Хуудас нь шүүлтүүрийн зөвхөн ганцхан хэсгийг агуулдаг бол хүснэгт бүр нь өөрийн шүүлтүүрийн тохиргоотой байж болдог.

Хааяа зарим нэг хуудасыг бусдаас нуух шаардлага гардаг. Хуудасыг нуух сонгомол арга нь Home -> Cells -> Format -> Hide & Unhide / Format -> Sheet -> Hide  гэж орох байдаг. Хэрэглэгч Home -> Cells -> Format -> Hide & Unhide / Format -> Sheet -> Unhide  гэж ороход нуусан хуудасны нэр нь харагдах тул хэргэлэгчээс нуусан хуудас байгааг мэддэг. Ийм тохиолдолд зарим хэрэглэгчид нууцлалыг задлахыг оролдох талтай. Иймээс хэрэглэгч хүснэгтэд нуусан хуудас байгаа эсэхийг мэдэхээргүйгээр түүнийг нууцлах нь илүү тохиромжтой. Үүний тулд Developer ->Code -> Visual Basic / Tools - Macro - Visual Basic Editor гэж орон Visual Basic едиторыг нээнэ.

Нүдний өгөгдлийг харагдахгүй болгох

Нүдний өгөгдлийг харагдахгүй болгохын тулд доорх форматуудын аль нэгийг хэрэглэнэ.

• Гурван цэг таслалаас ( ;;; ) бүрдсэн форматыг нүдэнд өгөх.
• Текстийн өнгийг дэвсгэр өнгөтэй ижил болгох

Дээрх аргуудад нэг дутагдал бий. Энэ нь заагчийг нүдэнд байрлуулахад нүдний өгөгдөл томьёоны мөрөнд харагддаг. Үүнийг арилган нүдний өгөгдлийг жинхэнэ байдлаар нуухын тулд дээрх аргыг хэрэглэсний дараа хуудасыг хамгаалах хэрэгтэй.

Excel –д хүснэгтийг хамгаалах олон түвшингийн механизм байдаг. Та өөрийн хүснэгтийг доор дурдсан аргуудаар хамгаалж болно.

• Хүснэгтийг гадны хүн харахаас хамгаалах
• Хүснэгтийг (файл) даран бичихээс хамгаалах. (ижил нэртэй хүснэгтээр даран бичих)
• Хүснэгтийн бүтцийг хамгаалах. (Хүснэгт болон хуудастай хийх үйлдлийн хяналт)
• Хүснэгтийн цонхнуудыг хамгаалах. (Хүснэгтийн цонхны байрлал, хэмжээг өөрчлөлтийн хяналт)

Санамж: Хүснэгтийн хамгаалахад ашигласан нууц үгээ цаасан дээр бичиж найдвартай газар хадгалаарай. Хэрвээ нууц үгээ мартах эсвэл гээвэл та өөрийн хүснэгтийн хамгаалагдсан хэсэгт хандах боломжоо бүрмөсөн алдана гэдгийг анхаарах хэрэгтэй.