Интернет, гар утас, мэдээллийн технологийн хөгжлийн ачаар манайхан нилээд цахимжих төлөвтэй болж байгаа нь яах аргагүй үнэн. Гэхдээ аливаа юм хоёр талтай байдаг хойно эерэг, сөрөг талуудтайг сайтын Google analytic -ийн хандалтын судалгаанаас дүгнэх гэж үзлээ. Сайтын хандалтыг жил, сараар харвал
тогтмол өсөлттэй байгаа нь интернет хэрэглэгээ бидний амьдралын нэг хүчин зүйл болсонг батлана.
Энэ мэдээж сайн үзүүлэлт гэсэн ч хандалтыг долоо хоногоор аваад үзвэл
бүтэн сайн өдрөөс өсөлт үзүүлж байгаад дөрөвдэхээс бууран хагас сайн өдөр хамгийн сул хандалтыг үзүүлээд буцаад өсдөг дүр зураг гардаг. Энэ нь манайхны амьдралын хэв маягтай яг тохироод байх шиг.Жишээ нь долоо хоногийн эхний гурван өдөр замын хөдөлгөөний ачаалалтай их байснаа цаашдаа буудаг, 5 дахь өдөр олон тооны арга хэмжээ зохиогдон амралтын өдрүүдэд хүмүүсийн идэвхи маш сулхан болохтой тун төстэй.
Долоо хоногийн хандалтын нарийвчилсан үзүүлэлтийг
харцгаая. Хамгийн сонирхол татах хоёр үзүүлэлтийг авч үзье. Нэг хандалтын дундаж хугацаа 1,24 мин, 1,61 хуудаст хандсан байгаа. Эндээс дүгнэвэл манайхан интернетийг дэлгүүр хэсэж байгаа шигээ ашигладаг бололтой. Лангуунууд дээрх барааг сонирхоод яваад байдагтай ижил. Цаг бол мөнгө гэж бүгд ярьдаг даа. Үүнийг би манайхан нийтийн, мэдээллийн гэх мэт сайтуудыг маш ихээр ашигладагтай холбоотойгоор гарч байгаа сөрөг үр дагавар болов уу гэж бодож байгаа. Агуулгыг анхаарахгүйгээр гарчигийг хальт хараад гүйлгээд байх нь цаашдаа аливаад тун хайхрамжгүй ханддаг болгох муу үр дагавартайг бидний хийсэн олон улсын гэрээ хэлцэл, гаргаж буй шийдвэр, шийдэл зэргээс харагдаад байх шиг. Улсуудаар аваад үзвэл
ихэнх хандалт Монгол байгаа нь сайн хэрэг. Сайтын хичээлүүдийг сайн судалдаг хэрэглэгчид мэдээж байгаа. Гэхдээ өмнө тодруулсан хоёр үзүүлэлтэд сүүлийн татгалзалтын үзүүлэлт их нөлөөтэй. Гадаад хэлтэй хүмүүс хандаад сайтаас шууд гарч болох ч ихэнх нь монголоос байтал яагаад татгалзалтын үзүүлэлт 79,33 хувьтай гарч байгаа нь анхаарал татахаар. Үүнд дүгнэлт хийхэд
трафикийн эх үүсвэрийн тайланг харцгаая.
Шууд буюу direct хандалтын ихэнх нь сайтад бүртгүүлсэн эсхүл тусгай эрх авсан хэрэглэгчид байх. Тодорхой зорилго тавьсан өөрийгөө хөгжүүлэх сонирхолтой ийм хэрэглэгчид байгаа нь үнэхээр дэвшил. Ихэнх хандалт хайлтын системээр дамжин ирсэн байгаа нь манайхан сурч боловсрох, өөрийгөө хөгжүүлэх сонирхолтойг харуулсан бас л сайн үзүүлэлт.
Татгалзалтын үзүүлэлт өндөр байгаад
- Сайтын зарим материалууд үнэтэй тул шууд орхидог.
- Монгол хэлгүй хүмүүс хандаад гарах
хоёр шалтгаан байж болох талтай. Хайлтын системээр ямар нэгэн зүйл хайлгаад олсон бол үнэтэй ч гэсэн сайтын нөхцлийг сайн судлах хэрэгтэйг сануулъя. Үнэгүй зүйлүүд хайх нь нэгд цаг их үрдэг, хоёрт тийм сайн агуулга байдаггүй. Хайсан зүйлээ олсон бол үнийг судлаад боломжийн бол төлөөд ашиглах нь хамаагүй дээр. Сайтын тусгай хэрэглэгчийн төлбөр тийм өндөр гэж бодохгүй байгаа.
Google analytic хэрэгслийн тайлангуудаас хийсэн судалгаа таны бодолтой нийцэж байвал шайр хийн сайтыг бусдад танилуулахад туслаарай. Google analytic хэрэгслээр өөр олон төрлийн тайлангуудыг гарган судалж болдог тул та сайт ажлуулдаг бол Google analytic хэрэгслийг ашиглахыг зөвлөе.