Интернет гэдгийг өөр хоорондоо холбогдсон маш олон компьютерууд гэж ойлгож болно. Эдгээр машинууд дээр файлууд хадгалагдаж байх бөгөөд зарим хэсэг компьютерууд нь өөрийн файлуудад хандах боломжийг олгож байдаг. Ийм машинуудыг серверүүд гэнэ.
Интернетээс ямар нэгэн материал үзэхийн тулд та хөтөчийнхөө хаягийн мөрөнд тухайн веб сайтын хаягийг бичиж өгдөг. Жишээ нь http://www.anysite.mn/main/countrys.html Эсвэл хайлтын системээр хайлт хийлгэн олдсон үр дүнгээр материалд хандах хаягийг олон авдаг.
Энэхүү хаяг нь үнэн хэрэгтээ юуг илэрхийлж байдаг вэ?
Хаяг нь таны үзэхийг хүссэн хуудаст хөтөч ямар замаар дамжин хандахыг л зааж байгаа юм. Интернетэд боломжит сая сая хуудсууд байхад эдгээрээс танд хэрэгтэйг хэрхэн олох вэ? Таны хайж байгаа хуудас хаана байгааг хөтөч яаж мэдэх вэ? Энэ бүгдийг мэдээжээр тухайн хуудасны хаягаар л мэднэ. Харин энэхүү хаяг нь цорын ганц байх ёстой. Интернет гарцтай бүх компьютерууд өөрийн провайдераас давтагдашгүй IP хаягийг авдаг. Та үүнийг мэдэхгүй байж болох ч таны компьютер хаягтай байгаа. Өнөөдөр үйлчилж байгаа стандартын дагуу энэхүү хаяг нь цэгээр тусгаарлагдсан дөрвөн бүхэл тооноос бүрдэж байдаг. жишээ нь 202.112.25.87 гэх мэт Ийм хаягийг хүн тогтооход хүнд учраас интернет дэх бүх сайтын IP хаягийг домен нэртэй нь холбон харгалзаа үүсгэсэн байдаг.
Одоо та хөтөчийн хаягийн мөрөнд http://www.anysite.mn/main/countrys.html гэж бичиж өгөхөд хөтөч юу хийх вэ? Хөтөч http:// гэдгээс энэ нь веб сайтын хаяг байна гэдгийг мэдэх болно. Цааш www.anysite.mn гэдгээс үзүүлэх ёстой хуудас нь ийм нэртэй серверт байгааг мэдэх ба энэхүү нэрэнд харгалзах компьютерын IP хаягийг олж авна. Дараа нь хөтөч main гэдгээс хайж байгаа хуудас www.anysite.mn нэртэй компьютерын main гэсэн хавтаст байгааг мэднэ. Эцэст нь countrys.html гэдгээс www.anysite.mn нэртэй компьютерын main гэсэн хавтасаас countrys.html нэртэй файлыг үзүүлнэ гэдгээ ойлгоно.
Хэрвээ та сайт хийгээд жишээ нь mysite.mn гэсэн домен нэр аваад сайтаа интернетэд байршуулан нүүр хуудсаа index.html гэж нэрлэсэн бол таны сайтын нүүр хуудасны URL нь http://www.mysite.mn/index.html байх болно.
бол
байх тул
байна.
тэгшитгэлийг бод.
функц өгөгдөв.
