Бид сайтын Математик хэсэгт ерөнхий шалгалтанд математикийн хичээлээр хүчээ сорих гэж буй төгсөгчид, математикийн бодлогыг бодох аргуудад суралцахыг хүссэн сурагчдад зориулан Бодлогууд буланг нээлээ. Төгсөлтийн, ерөнхий, элсэлтийн шалгалтанд ирж байсан болон бодлого бодох ерөнхий зарчмуудыг ойлгоход тусламж болохоор бодлогууд тавигдах болно.
Бодлогуудыг хурдан олох, нэгдсэн байдлаар үзэх үүднээс нийт бодлогыг 17 бүлэгт хуваан оруулсан болно. Бодлого бодох дадлагатай болохын тулд эдгээр бодлогуудыг хэрхэн бодсныг сайн ойлгон аваад ижил төрлийн жишээнүүдийг өөрөө бодсноор таны бодлого бодох дадлага илт сайжрах болно. Эдгээр 17 бүлэг бодлогуудыг бодох аргуудыг сайтар ойлгосон байхад та элсэлтийн болон ерөнхий шалгалтанд 75 түүнээс дээш хувийн амжилт гаргана гэдэгт итгэж болно. Бүх бодлогыг хэрхэн бодохыг цээжлэх ямарч боломжгүй. Иймээс тухайн сэдвийн бодлогуудыг бодох ерөнхий аргуудыг жишээн дээрээс харан ойлгон авах нь хамгийн шилдэг арга. Бодлогуудад ашигласан томьёонуудыг оруулан өгсөн байгаа болохоор тэдгээрийг цээжлэх, хэрхэн ашиглах, ямар төрлийн бодлогод яаж ашиглагдаж байгааг ойлгоход хялбар.
Ер нь бодогдсон жишээнүүдийг хараад судлах нь тухайн бодлого математикийн аль хэсэгт хамрагдах, ямар томьёонуудыг голлон ашигладаг, ямар байдлаар эхлэх гэх мэтийн үндсэн ойлголтыг мэдрэхэд их тустай. Бодлогын бодолтыг зүгээр хараад өнгөрөх биш дахин дахин үзэж ямар техник хэрэглэж байгааг ухан ойлгохыг хичээх хэрэгтэй.
тэгшитгэлийг бод.
хязгаарыг бодоорой.