Нийлбэрийн шинжүүдийг сурагчид сайн мэддэг. Хүмүүс тоонуудын нийлбэрийг хурдан тооцоход эдгээр шинжүүдийг тогтмол хэрэглэдэг ч яг ямар шинж гэдгийг төдийлөн мэдээд байдаггүй.
Нийлбэрийн шинжүүд
Нийлбэр гэдэг бол хоёр ба түүнээс тоонуудыг нэг тоо болгон нэгтгэх арифметик үйлдэл.
Нийлбэрт орж буй тоонуудыг нэмэгдхүүн харин тэдгээрийг нэгтгэсэн тоо буюу үр дүнг нийлбэр гэж гэж нэрлэнэ. Нийлбэр дараах шинжүүдтэй.
Байр солих шинж
Нэмэгдхүүнүүдийн байрыг солиход нийлбэр өөрчлөгдөхгүй шинжийг бүгд мэддэг. Өөрөөр хэлбэл нийлбэрт орж буй гишүүдийн байрыг солиход нийлбэрт нөлөөлөхгүй гэсэн үг. Эндээс дурын a, b тоонууд эсхүл илэрхийллийн хувьд a+b=b+a байна.
Жишээ нь
6+7=7+6=13;
x2+3y+z=3y+z+x2;
1+2+3=3+2+1=6.
Бүлэглэн нэгтгэх шинж
Гурав ба түүнээс дээш нэмэгдхүүнтэй нийлбэрийн дурын нэмэгдхүүнүүдийг тэдгээрийн нийлбэрээр солиход нийлбэр өөрчлөгдөхгүй. Иймээс дурын a, b, c тоонууд эсхүл илэрхийллийн хувьд a+b+c=a+(b+c)=b+(a+c) байх болно.
Жишээ нь
6+7+3=6+(7+3)=6+10=16;
2x+3y+3x+2y=2x+3x+3y+2y=5x+5y;
2+13+8+7=2+8+13+7= (2+8)+(13+7)=10+20=30
Нэмэгдхүүнүүдийг тэдгээрийн нийлбэрээр солихын өмнө байр солих шинжийг ашиглаад дараа нь нэмэгдхүүнүүдийг тэдгээрийн нийлбэрээр сольж байгааг анхаарна уу. Тоонуудын хувьд бүлэглэн нэгтгэх шинжийг шууд ашиглаад явахад онцын хүндрэлгүй ч илэрхийллийн хувьд эхлээд байр солих шинжийг ашиглааад дараа нь бүлэглэх нь илүү оновчтой.
Шинжийг нийлбэрийг хурдан тооцоход ихээр ашигладаг.
Нийлбэр дэх тэг
Нийлбэрт орсон тэг нийлбэрт нөлөөлөхгүй. Эндээс a, b, 0 тоонууд эсхүл илэрхийллийн хувьд a+b+0=a+b=b+a байх болно.
Жишээ нь
6+2+0=8;
2x+3y+0=2x+3y=3y+2x;
Жич: Хичээлийн материал энгийн мэт санагдаж магадгүй. Сайтын материалууд ямарч насны, ямарч бэлтгэлтэй хүмүүст зориулагдсан тул агуулгын хувьд янз бүр байж таарна. Нийлбэрийн шинжүүдийг мэддэг хүнд энгийн боловч алгебрийг үзэж эхлэхдээ энгийн мэт эдгээр шинжүүдийг сайн ойлгон тогтоон авахгүйгээр өнгөрсөөр цааш илүү нарийн ухагдхуунуудыг ойлгохгүй болох суурь болдог гэдгийг санаарай.
томьёогоор илэрхийлэгдэнэ; Хоёр хувьсагчийн функционал хамаарал хэсэгт авч үзсэн дээш шидэгдсэн биеийн хүрэх өндөр h, нийт хугацаа T хоёрын хамаарал гэх мэт. Агаарын эсэргүүцэл, дэлхийн таталтын хүч өндрөөс хамаардаг зэргийг тооцоогүй учраас энэ нь ойролцоо томьёо юм. Функционал хамааралыг томьёогоор илэрхийлэх боломжгүй эсвэл томьёо нь тооцоо хийхэд тохиромж муутай байх тохиолдол бас байдаг. Ийм үед функцыг хүснэгт эсвэл графикаар үзүүлдэг.
гэсэн P1 цэгээр илэрхийлэгдэх хувиргалт юм.
тэгшитгэлийг бод.