Өгөгдсөн хоёр тооноос нэг шинэ тоог олох үйлдлийг арифметикийн үйлдэл гэнэ. Олсон тоог тухайн үйлдлийн үр дүн гэнэ.
Жишээ нь 5 тоог аваад түүн дээр нэгийг нэмвэл 6 гэсэн шинэ тоо гарна. Ингэснээр бид 5 ба 1 гэсэн тоонуудаас 6 гэсэн шинэ тоог оллоо. Өөрөөр хэлбэл өгөгдсөн тоонуудад арифметикийн үйлдлийг хийлээ гэсэн үг.
Арифметикт
- Нэмэх
- Хасах
- Үржих
- Хуваах
гэсэн дөрвөн үйлдэлтэй.
Зэрэг дэвшүүлэх болон язгаар авах нь элементар /энгийн/ алгебрийн үйлдэлд тооцогдоно.
Арифметик үйлдэл бүр тооцоололыг хураангуйлахад хэрэгтэй өөрийн чанаруудтай.
Бичилт, тэмдэг, үр дүн
Арифметикийн үйлдэл бүр хоёр болон түүнээс дээш тоонуудын харилцан үйлчлэл байдаг. Тоонуудыг бие биеийн араас бичээд дунд нь тэдгээрт хийгдэх арифметик үйлдлийг заах тэмдгийг тавьдаг. Арифметик үйлдлийн тэмдгүүд
- Нэмэх: "+". Жишээ нь 4+3, 2+3+4, 5+2 гэх мэтээр
- Хасах: "-". Жишээ нь 4-3, 8-3-2, 7-2 гэх мэтээр
- Үржих: "*", "·" эсхүл "х". Жишээ нь 4*3, 2·3, 5х2 гэх мэтээр
- Хуваах: ":" эсхүл "/". Жишээ нь 4:2, 8/4 гэх мэтээр
Арифметикийн үйлдэл бүрийн гүйцэтгэлээр ямар нэгэн үр дүн авна гэж ойлгоно. Арифметикийн үйлдэл бүрийн үр дүн өөрийн гэсэн нэртэй. Тооцоололын үр дүнг үйлдлийн илэрхийллийн ард тавигдах "=" тэмдэгийн араас бичдэг.
Зөвлөмж: Үйлдэлд орж буй тоонууд болон үр дүнгүүд бүгд нэртэй байдаг бөгөөд бодлогын нөхцөлд энэхүү тогтсон нэрүүдээр орж ирдэг тул нэрүүдийг цээжлэн тогтоон аваарай.
тэгшитгэлийг бод.
бол 
илэрхийллийн утгыг ол.