Нүүр » Бусад хичээлүүд » Форекс » Практик зөвөлгөө

Практик зөвөлгөө

Forex захын тоглогчдын дунд бичигдээгүй дүрмүүд байдаг. Үүнд

Зах зээлийн эсрэг бүү тогло. (Trend is your friend)

Зах зээл дандаа хөдөлгөөний тодорхой чиглэлтэй байдаг. Зах зээлийн сэтгэл зүйг ойлгох нь чухал ба ихэнх позицийг трендийн чиглэлд нээж байгаараа. Зах дээр танд трендээс өөр нөхөр байхгүй гэдгийг санаарай.

Пик барих хэрэггүй - Стартегийг барь. (Buy dips - sell the rallies)

Пик барих хэрэггүй гэдэг нь хөгжөөнтэй хэлбэрийн аксиом. Зах зээлийн үндсэн утга нь ханш унахад худалдаж авах харин өсөхөд зарахад оршиж байдаг. Авах, зарах үеийг зөв тодорхойлон зах зээлд орох нь илүү чухал. Эхлэн суралцагчид дээшээ эсвэл доошоо хөдөлгөөнөөс өмнө тухайн үеийн зах зээлийн чиглэлийг (тренд) тодорхойлж сурахыг хичээх хэрэгтэй. Зах зээлд ноёрхож байгаа сэтгэл зүйг зөв ойлгон үүн дээрээ суурилан өөрийн тоглолтыг бий болгох юм. Форекс зах зээлийн амжилттай тоглолт нь тухайн цаг хугацааны агшинд захад оролцогчдын хүлээлтийг зөв тооцох болохоос биш захын хөдөлгөөний прогнозыг техникийн талаас маш нарийн зөв тооцоог гаргах явдал биш юм.

Сахилга баттай бай

Арилжааны чухал хэсэг бол худалдаанд хэзээ орох, хэзээ гарахаа тодорхойлох явдал юм. Зах зээлд үүссэн савалгаа нь таны хүлээж байсан ямар ч тохиолдолд байхгүй эсвэл тодорхой бус нөхцөлд зах зээлд орохоо азнахын дээр өмнө нь нээгдсэн позицуудад боломжоороо анхаарал (хаах, хамгаалалтын ордер тавих гэх мэт) тавих хэрэгтэй. Учир нь эмх замбараагүй хөдөлгөөний үед алдагдал хүлээх эрсдэл ихтэй байдаг. Эхлэн суралцагчид компьютерын ард суунгуутаа арилжаа нээж болох ямар нэгэн чиглэл, хэрэгслийг шууд л хайж эхлэх нь муу зуршил юм. Позици нээхээсээ өмнө худалдааг эхлэж болох боломжит түвшинг өөрөө урьдчилан тогтоогоод трендийн хөгжлийг ажиглаж байгаад таны таамагтай тренд тохирсон үед зах зээлд орох хэрэгтэй. Заримдаа энэ нь нэг бус өдрийн ажил болдог. Бас нэг зүйл гэвэл өөрийн ажиллагааны төлөвлөгөөг зохиогоод захиалгаа хийсний дараа энэхүү шийдвэр дээрээ позицийг хаах хүртэл зогсох нь чухал. Зах зээлд эртэдсэн эсвэл хоцорсон оролт, ямар нэгэн шалтгаангүйгээр захиалгыг өөрчлөх нь зүй бус алдагдалд ихэнхдээ хүргэдэг.

Алдагдал ба ашгийг тэнцвэржүүлж бай

Энэ зарчим нь форексын зах дээр ажиллахдаа эрсдэлийг удирдах гэсэн маш чухал асуудалтай хамаатай. Эхэлж буй трейдерүүд позицийг багахан хэмжээний ашигтай болонгуут тэр дор нь хаан ашгаа авдаг мөртлөө ханш өөрт нь ашигтай тал руу эргэх байх гэсэн горьдлогод хөтлөгдөн алдагдалтай позицийг хаах эсэхээ шийдэж чадахгүй байдал ихээр гаргадаг. Яг энэ байдал нь эхний үед алдагдал хүлээх үндсэн шалтгаан болдог. Хааж байгаа ашиг болон алдагдлын хэмжээг ойролцоо байлгах тооцоог хийх нь чухал. Үүнээс гадна Stop захиалгыг байрлуулж байх хэрэгтэй. Ингэхгүй бол ашгаас алдагдалаа байнга давуулах нь эцэстээ хүсээгүй үр дүнд хүргэдэг. Ашигтай позицийг аль болохоор барих харин ханшийн хөдөлгөөн таны бодсоноос багахан зөрж эхэлбэл боломжит алдагдалтайгаар позицийг хааж байх хэрэгтэй.

Мэдээллийн хэмжээг хязгаарлаж бай

Их унших биш хэрэгтэйгээ унш.
Трейдер арилжаа хийхдээ ашиглах мэдээллийн эх сурвалжаа сонгох нь маш чухал зарчимуудын нэг юм. Зах зээлд мэдээлэл маш их тэднээс арилжаа хийхэд хэрэг болох мэдээллийн эх сурвалжаа тодорхойлох нь зайлшгүй хэрэгтэй. Ямар ч хамаагүй мэдээлэлийн эрэлд давхилгүй зах зээлийг ойлгохын тулд юуг унших, юуг ашиглах зэргээ тодорхойлох нь чухал. Ямар нэгэн хэрэгсэл, мэдээллийн эх сурвалжуудын дүгнэлт бүр баталгаатай биш байдаг. Өөрийн үр дүнтэй арилжааны системийг зохион түүнийхээ сигнал (дохиог) дагах шаардлагатай.

Тайван тэвчээртэй бай

Зах зээл хэзээ ч дуусдаггүй тул арилжаа хийх гэж бүү яар.
Дандаа биеэ барьж өөртөө хяналттай байх хэрэгтэй. Асар их хэмжээний алдагдалын шалтгаан нь өөртөө тавих хяналт алдагдсанаас болдог. Ашигтай позицитой байх эсвэл дансны нийт ашиг нь алдагдал хүлээсэн үеийн сэтгэл санааны дарамтаас ч илүү аюултай байж болно. Өнөөдөр та хожигдож болно гэхдээ танд хожих боломж дандаа байгаа шүү. Алдагдал хүлээх эсвэл сайн ашгийг авангуутаа илүүг олохоор эсвэл алдагдалаа (шархаа) нөхөхөөр зах зээлд тэр дороо орохыг эрмэлзэх хэрэггүй. Үр дүнгээ ойлгон тайвширсаны дараа л тайван байдлаар зах зээлд дахин орох хэрэгтэй.

 

Мэдээлэл таалагдсан бол найзуудтайгаа хуваалцаарай.

Metatrader-тай танилцах

Арилжааны терминалаа суулгасан бол одоо программын ерөнхий интерфейстэй танилцах болно. Зах зээлийн худалдаанд оролцохын тулд та программаа эзэмшсэн байх хэрэгтэй.…

Нээгдсэн тоо : 831

Суваг (Channel)

Валютын ханшийн хэлбэлзэл тодорхой сувгаар явагдах нь элбэг тохиолдоно. Энэ тохиолдолд сувгийн доод хил нь дэмжих түвшинг (support line) харин…

Нээгдсэн тоо : 1009

Форексийн хөдөлгөгч хүч

Форексийн хөдөлгөгч хүч Валют арилжааны ханшинд нөлөөлөх үндсэн хүчин зүйлсүүдэд: Улс хоорондын хөрөнгийн шилжилт Хоорондын тооцоог тэнцвэржүүлэх Улсуудын эдийн засгийн…

Нээгдсэн тоо : 1600

Далбаа

Чиг хандлага үргэлжлэх дүрс - ДалбааХэдийгээр тогтворгүй үед байгаа хэдий ч зах зээлийн эрэлт үнийн тодорхой диапазонд нийлүүлэлттэй бараг ижилхэн…

Нээгдсэн тоо : 814