Ирээдүйн үнийн өөрчлөлтийг урьдчилан тооцохын тулд үнэ эсвэл санхүүгийн хэрэгслүүдийн хэмжээг математик хувиргалтад оруулсныг техникийн индикатор гэдэг. Техникийн индикаторуудын өгөх дохиог үндэслэн позицийг хэзээ нээх, хаах гэх мэтийн шийдвэрүүдийг гаргадаг. Индикаторуудыг функционал шинж чанараар нь хандлагын болон осцилятор буюу давталтын гэсэн хоёр бүлэгт хуваадаг. Хандлагаын индикаторууд нэг чиглэл бүхий хөдөлгөөнийг тодруулах, хандлага эргэх үеийг хожимдолтой эсхүл нэгэн цагт тодорхойлоход тусалдаг бол осциляторууд давтагдсан үеүүдийг түрүүлэх эсхүл нэгэн цагт тогтоох боломжийг олгодог. Ханшийн хөдөлгөөнийг судлах индикаторууд маш ихээр байдаг бөгөөд арилжааны терминалтай хамт олон тооны индикаторууд таны машинд суугдана. Эдгээрийг ашиглаж сурах нь валютын арилжаа хийх анхны алхамуудын нэг гарцаагүй мөн. Энэ нийтлэлээр Метатрейдер терминалд индикаторуудыг хэрхэн ханшийн графикт оруулан тохиргоо хийхийг авч үзэцгээе.

Forex захын тоглогчдын дунд бичигдээгүй дүрмүүд байдаг. Үүнд

Зах зээлийн эсрэг бүү тогло. (Trend is your friend)

Зах зээл дандаа хөдөлгөөний тодорхой чиглэлтэй байдаг. Зах зээлийн сэтгэл зүйг ойлгох нь чухал ба ихэнх позицийг трендийн чиглэлд нээж байгаараа. Зах дээр танд трендээс өөр нөхөр байхгүй гэдгийг санаарай.

Пик барих хэрэггүй - Стартегийг барь. (Buy dips - sell the rallies)

Пик барих хэрэггүй гэдэг нь хөгжөөнтэй хэлбэрийн аксиом. Зах зээлийн үндсэн утга нь ханш унахад худалдаж авах харин өсөхөд зарахад оршиж байдаг. Авах, зарах үеийг зөв тодорхойлон зах зээлд орох нь илүү чухал. Эхлэн суралцагчид дээшээ эсвэл доошоо хөдөлгөөнөөс өмнө тухайн үеийн зах зээлийн чиглэлийг (тренд) тодорхойлж сурахыг хичээх хэрэгтэй. Зах зээлд ноёрхож байгаа сэтгэл зүйг зөв ойлгон үүн дээрээ суурилан өөрийн тоглолтыг бий болгох юм. Форекс зах зээлийн амжилттай тоглолт нь тухайн цаг хугацааны агшинд захад оролцогчдын хүлээлтийг зөв тооцох болохоос биш захын хөдөлгөөний прогнозыг техникийн талаас маш нарийн зөв тооцоог гаргах явдал биш юм.

Үндсэн валютууд

FOREX -т арилжааг лот гэж нэрлэгдэх тогтсон хэмжээгээр хийдэг. Нэг лот нь гэрээнд тусгагдсан суурь валютын тодорхой дүнтэй тэнцүү байдаг. Үндсэн валютуудын нэг лотын хэмжээг үзүүлбэл

• USD (Америк доллар) – 100.000 доллар.
• EUR (Европын нэгдсэн валют - евро) – 100.000 евро.
• GBP (Английн фунт) – 100.000 фунт.
• CAD (Канад доллар) - 100.000 канад доллар.
• CHF (Швейцар франк) - 100.000 швейцар франк.
• AUD (Австрал доллар) - 100.000 австрал доллар.

Жишээ нь USD/JPY хосын хувьд нэг лот нь (суурь валют нь доллар тул) 100000 доллартай тэнцүү. Хоёр лот нь 100000 x 2 лот = 200000 доллар байна.
Түүнчлэн мини лот гэж байдаг. Ихэнхдээ мини лотын хэмжээ нь ердийнхөөс 10 дахин бага байдаг.

Арилжаанд оролцох зав муутай ч арилжаа хийхийг хүссэн хүмүүст "Өдөрт 15 минут" стратег нэн тохиромжтой. Стратегийн хувьд их нарийн зүйл ердөө байхгүй тул та хэдхэн минутын дотор л ойлгох болно. Гэхдээ стратегийн энгийн байдал нь түүнийг ямарч үр дүнгүй гэсэн үг биш шүү. Миний бодлоор энэхүү сратегийн гол давуу тал нь индикаторууд ашигладаггүйд оршино.