Магадгүй та CSS-ийн тухай сонссон хэдий ч чухам юу гэдэг талаар мэдэхгүй байж болно. Тэгвэл энэ хичээлээр CSS гэж юу болох, юуг хийж чадах талаар үзэх болно. CSS гэдэг нь Cascading Style Sheets үгний товчлол. Та HTML хэлний хичээлүүдээс энэ нь веб хуудсыг хэлбэржүүлэх хэл гэдгийг мэдсэн. Хэлийг зохиогчид сайт үүсгэх ажиллагааг сайжруулахын тулд HTML хэлэнд сайтын гадаад төрхийг хэлбэржүүлэх <font>, <b>, <i>, <bgcolor> гэх мэтийн олон төрлийн элементүүд болон параметрүүдийг нэмсээр ирсэн. Гэтэл энэ нь тодорхой хугацааны дараа сайтын кодыг уншигдах болон хэмжээний талаасаа хэтэрхий нүсэр болгосон нь энэ замаар хол явахгүй гэдгийг ойлгомжтой болгосон. Ингээд хуудасны бүтцийг (HTML) түүний харагдах хэлбэрийг тодорхойлогчоос (CSS) салгах шийдэлд хүрсэн байна. HTML ба CSS -ын хослол гайхамшгийг бүтээдэг гэдэгтэй бид удахгүй танилцах болно.
CSS гэж юу вэ?
Cascading Style Sheets (CSS) буюу монголчилбол хэвүүдийн үелсэн хүснэгт нь таны веб сайтын харагдах байдлыг сайжруулах гайхалтай хэрэгсэл юм. Хэв (style) бол обьектын гадаад төрхийг тодорхойлогч параметрүүдийн багц юм. жишээ нь бид 1-р түвшингийн бүх гарчигуудыг (<h1> тег) нэг хуудсанд улаан өнгөтэй, фонтын хэмжээ нь 24, налуу байдлаар харин өөр нэг хуудсанд хөх өнгөтэй, 12 хэмжээтэй байлгахыг хүслээ гэж бодъё. Энд гарчиг бол обьект, өнгө, хэмжээ, бичигдэх байдал бол параметрүүд. Манай обьектын параметрүүд нь өөр өөр хуудсанд өөр өөр байх юм. Өөрөөр хэлбэл хэв нь ялгаатай гэсэн үг.
Хуудас дээрх догол мөр, гарчиг, текст, шугам гээд элемент бүр нь өөрийн стилтэй байж болдог. Бүх элементүүдийн хэвүүдийн багцыг хэвүүдийн хүснэгт гэж нэрлэдэг.
Хэрвээ нэг элементэд хэд хэдэн хэв тодорхойлогдсон (жишээ нь гарчигт) байвал тэдгээр хэвүүдийн дарааллыг тодорхойлох зорилгоор үеийг (cascading) хэрэглэдэг.
CSS -ийн давуу талууд
- CSS кодын хэмжээг ихээхэн багасган түүний уншигдах байдлыг сайжруулдаг.
- CSS-ээр HTML хэлээр өгөх боломжгүй параметрүүдийг тодорхойлох боломжтой
- CSS нь хуудасны гадаад төрхийг маш амархан өөрчлөх боломжийг олгодог. Та бүх гарчигууд нь хөх өнгөтэй 50 хуудас бүхий сайт хийлээ гэж бодъё. Хэсэг хугацааны дараа хөх өнгийн гарчгийг ногооноор солихыг хүсвэл та бүх 50 хуудасны зохих өнгөний атрибутын өөрчлөн өгөх хэрэгтэй болно. Харин CSS -ын хувьд бол та үүнийг хэвүүдийн хүснэгт дээр нэг л удаа хийх жишээтэй.
- CSS нь блок бүтэцтэй сайтын боловсруулалттай хамааралтай байдаг.
Ерөнхий ойлголтын талаарх хичээлээ дуусгаад дараагийн хичээлээс практикт ажилдаа орох болно.
бол 
утганд призмд түүний бүх талыг шүргэх шаарыг багтааж болно.
тоонд хуваахад гарах тооны аравтын бичлэгт "0" цифр хэдэн удаа орох вэ?