Магадгүй та CSS-ийн тухай сонссон хэдий ч чухам юу гэдэг талаар мэдэхгүй байж болно. Тэгвэл энэ хичээлээр CSS гэж юу болох, юуг хийж чадах талаар үзэх болно. CSS гэдэг нь Cascading Style Sheets үгний товчлол. Та HTML хэлний хичээлүүдээс энэ нь веб хуудсыг хэлбэржүүлэх хэл гэдгийг мэдсэн. Хэлийг зохиогчид сайт үүсгэх ажиллагааг сайжруулахын тулд HTML хэлэнд сайтын гадаад төрхийг хэлбэржүүлэх <font>, <b>, <i>, <bgcolor> гэх мэтийн олон төрлийн элементүүд болон параметрүүдийг нэмсээр ирсэн. Гэтэл энэ нь тодорхой хугацааны дараа сайтын кодыг уншигдах болон хэмжээний талаасаа хэтэрхий нүсэр болгосон нь энэ замаар хол явахгүй гэдгийг ойлгомжтой болгосон. Ингээд хуудасны бүтцийг (HTML) түүний харагдах хэлбэрийг тодорхойлогчоос (CSS) салгах шийдэлд хүрсэн байна. HTML ба CSS -ын хослол гайхамшгийг бүтээдэг гэдэгтэй бид удахгүй танилцах болно.

Бид өмнөх хичээлээр сайтын дээд хэсэгт хэрэгтэй зургуудыг PSD макетаас үүсгэн авсан болохоор дээд хэсгийн CSS кодчлолыг эхлэх цаг нь болсон. Өмнөх хичээл танд фотошоп программыг ашиглах дадлагын сайн хичээл болсон гэдэгт найдаж байна. За ингээд хичээлдээ орцгооё.

Дээд хэсгийг кодчлол

Сануулахад сайтын дээд хэсгийн html код

<div id="status-bar">
    <div id="status-bar-content">
        <form action="#search" method="post" id="search-form">
            <p>
            <input type="text" name="query" value="Хайлт" />
            <input type="submit" name="submit" value="Хайлт!" />
            </p>
        </form>
        <div id="status-bar-commands">
            <p id="welcome">Тавтай морил, Зочин</p>
            <p id="action-bar">
                <a href="#login" title="Login">Нэвтрэх</a>
                <a href="#sitemap" title="Sitemap">Сайтын карт</a>
                <a href="#license" title="License">Лиценз</a>
            </p>
        </div>
    </div>
</div>

Хэвийн үндсэн хүснэгт

Бид reset.css файлыг зохиох үед түүнийг html файлд холбоос ашиглан шууд оруулахгүй сайтын хэвийн үндсэн хүснэгтээс түүнийг дуудах талаар дурдсан. Мэдээжээр та хүсвэл бүх CSS файлуудыг HTML кодоос холбоос үүсгэн оруулан ирж болно. Гэхдээ би кодын дээд хэсгийг цэвэрхэн байлгах үүднээс үүнийг хийхгүйгээр шийдсэн байгаа.
Одоо бид хэвийн үндсэн хүснэгтээ үүсгэх хэрэгтэй. Би голдуу үндсэн хүснэгтийг style.css гэж нэрлэдэг. Харин та түүнийг main.css, master.css, screen.css гэх мэтээр яаж ч нэрлэж болно. Хэвийн үндсэн хүснэгтэнд бид манай reset болон тесктийг хэлбэржүүлэх typography файлуудыг оруулан ирнэ. Үүнийг бид @import дүрмийг ашиглан оруулах юм.

HTML -ийн бүх элементүүдийг блокийн ба мөрийн гэсэн хоёр төрөлд хувааж болно.
Блокийн элементүүд нь бие даасан өөрийн бүтэц блокийг үүсгэдэг. Эдгээрт H1-H6, P, DIV гэх мэтийн элементүүдийг оруулж болно. Ийм төрлийн элементүүд нь бусад хэсгүүдээс зайгаар тусгаарлагдсан байдаг.
Мөрийн элементүүд нь мөр хэлбэрээр харагдана. Эдгээрт I, B, U, S гэх мэтийн элементүүдийг оруулж болно.
CSS загварт хуудас бол блокуудаас бүтдэг. Хуудасны элементийн модны хэсэг бүр нь бие даасан блокууд байдаг. Ингэхдээ бусдаасаа тусдаа бүтэц бүхий блокууд байж болохоос гадна бусад блокт орших мөрийн блокууд ч байж болдог. Блок нь тэгш өнцөгт хэлбэртэй байна.