Photoshop CS4 -өөс эхлэн программ файлын жагсаалттай ажиллах өөрийн хөтөч дэд программтай болсон. Ингэснээр хэрэглэгч зургууд байршсан хавтсуудаас хэрэгтэй файлуудыг жижигхэн дүрсээр харан тэдгээрийн шинжүүдийг үзэх боломжтой болсноор зургийн файлуудтай ажиллахад их хөнгөн болгосон. Зургийн жижигрүүлсэн дүрс дээр баруун даралт хийхэд гаран ирэх цэсээс зургийг эргүүлэх, нэрийг өөрчлөх, нээх, устгах, хувилах гэх мэтийн олон командыг сонгох боломжтой. Бүр шинээр хавтас ч үүсгэх боломжтой. Файлыг Adobe Photoshop дээр нээхийн тулд жижигрүүлсэн зураг дээр хоёр даралт хийх эсвэл зургийг файлын хөтөчөөс Adobe Photoshop -ийн ажлын цонх руу чирэхэд л хангалттай. Adobe Bridge -ийг хэдэн янзын аргаар дуудаж болдог.
- File -> Browse in Bridge командыг өгөх
- Удирдлагын самбараас
товчийг даран дуудах - File -> Close and Go to Bridge командыг өгөх (CSS6 -д бий болсон)
Adobe Bridge -ийн цонхны доод мөрөнд байрлах тохиргоонуудыг ашиглан зургийн жижигрүүлсэн дүрсийн хэмжээ, харагдах хэлбэр зэргийг удирдаж болно. Metadata хэсэгт графикийн файлын нэр, формат, хэмжээ, үүсгэсэн болон өөрчилсөн огноо гэх мэтийн мэдээллүүдийг үзүүлнэ. Keywords хэсэгт цаашид сонголт хийхэд амархан болгохын тулд түлхүүр үгнүүдийг оруулан өгч болно. Photoshop CS6 -д Adobe Bridge нь график засварлагчийг ачааллахгүйгээр ашиглаж болох бие даасан программ болсон. Photoshop CS5 Extended -д Mini Bridge гэсэн тусгай самбарыг ажлын дэлгэц дээр гарган ирэх боломжтой.
тэгшитгэлийн язгуурууд x1 , x2 , x3 бол 