Югославийн их мастер В. Пирц ЗХУ-ын мастер А. Уфимцев нарын боловсруулсан хөлөлгөөний энэ системийг харын эхний нүүдлээс үндэслэн хагас нээлттэй гараанд оруулдаг бөгөөд гараанд үүсэх олон байрлалууд стратегийн талаасаа хуучин энэтхэг хамгаалалтынхтай төстэй. Харын хамгаалалтын үндсэн санаа нь боднуудын дийлэнхийг 7, 8 -р хэвтээд хөллөн цаашид цагааны төвийн эсрэг сөрөг тоглолт хийх. Хараар тоглогч бага судлагдсан нарийн байрлалаар тоглохыг хүсвэл тоглолтын ийм стратеги тохиромжтой. Дээд түвшинд энэхүү хамгаалалтыг В. Иванчук, Я. Непомнящий, Ш. Мамедъяров, М. Вашье-Лаграв нар хэрэглэж байсан.
Энэ гараагаар хагас нээлттэй гарааны хичээлүүд дуусч байгаа. Та шатар сонирхдог бол Нээлттэй гараанууд , Хагас нээлттэй гараанууд багц хичээлүүдийг үзэн өөрийн шатар тоглох ур чадвараа дээшлүүлээрэй. Цаашид сайтад хаалттай ба хагас хаалттай, жигүүрийн гараануудын талаар хичээлүүдийг оруулах болно.

Энэ удаагийн хичээлээр бид ноёны гамбитын Кизерицийн хувилбарын өөр нэгэн тохиолдлыг авч үзэх болно. Ингээд эхний нүүдлүүд бол хамгийн өргөн дэлгэрсэн хувилбар бөгөөд 1. e4 e5 2. f4 exf4 3. Мf3 g5 4. h4 g4 5. Мe5 Мf6 6. Тc4 d5 7. exd5 Тd6 8. d4 O-O 9. Тxf4 Мh5 10. g3 f6 11. Мxg4 Бe8+ гээд бидний үзсэн Ноёны гамбитын Кизерицийн хувилбар 1 хичээлийн байрлал үүснэ. Зургийг хар.

Шатрын тоглоомын төгсгөл хэсэг буюу эндшпилд тоглож сурах нь маш чухал зүйл. А. Нимцович өөрийн "Миний систем" номондоо энэ талаар дэлгэрэнгүй тайлбарлан бичсэн байдагийг танд орчуулгаар хүргэж байна. Ихэнх хүмүүс төгсгөлд хүрэхгүйгээр тоглоомыг дуусгаад байдаг болохоор өргийн төгсгөлийг хийх тал дээр нилээд сул байдаг.

Англи гарааны 5-р хэсгийн хичээлийн өмнө өөрөө буюу бие даан суралцах талаар хэдэн зүйлийг дурдая. Ямарч зүйлийг сурахад хүнээс нилээд хүчин чармайлтыг шаарддаг. Үүнд

• Зорилгоо зөв тодорхойлох
• Зорилгодоо хүрэх замаасаа хазайхгүй байх
• Өөрийгөө удирдах
• Цагаа зөв төлөвлөх
• Хуваарийн дагуу тогтмол судлах

гээд дурдаад байвал нилээд олон зүйлүүд бий. Энд хамгийн эхний ээлжийнх гэж үзсэн хэсгийг орууллаа. Та ямарч хэлбэрээр суралцаж байсан эдгээр зүйлийг заавал даган биелүүлэх хэрэгтэй. Аль нэгийг буруу хийх эсхүл орхивол сурна гэхэд тун эргэлзээтэй. Одоо тун удахгүй сургалт онлайн хэлбэрт бүрэн шилжих болов уу гэж бодож байгаа. Иймээс одооноос бие даан суралцах өөрийн аргатай болохыг бодох цаг болсон. Жишээ болгоод Зорилгоо зөв тодорхойлохыг аваад үзье. Ямар мэрэгжил эзэмшин ямар амжилтанд хүрэхээ тодорхойлоогүй байж сургуульд орсон бол хий дэмий цаг, мөнгөө үрсэн л ажил болохыг бүгд мэдэх байх. Бусад хүчин зүйлсийг бодоод үзээрэй. Суралцах өөрийн аргатай болоход шатар маш тохиромжтой гэж бодож байна. Шатар сурахад хүнд биш, сонирхолтой, хувилбар олонтой, сэтгэн бодох, юмыг эргэцүүлэн бодож сурах гээд олон зүйлийг өгнө. Иймээс хүмүүс хүүхдүүдээ хамгийн эхлээд шатарт сургах хүсэлтэй байдаг байх. Өөрөө мэдэхгүй байж хүүхдийг ямар нэгэн курс дамжаанд өгөөд, зэрэг дэв хайн энд тэндийнх тэмцээн хэсүүлээд байх нь ердөө сайн ажил биш байх. Бүх хүүхдүүд шатарчин болох албагүй харин шатар гайгуй тоглодог байх нь чухал гэдгийг бодоорой.