SQL хэл нь өгөгдлийн сангийн мэдээллүүдийг удирдаад зогсохгүй өгөгдлийн сан болон хүснэгтүүдтэй хамааралтай үйлдлүүдийг гүйцэтгэх боломжтой байдаг. Хүснэгтийг үүсгэх хоёр янзын арга байдаг.

1. Ихэнх ӨСУС нь өгөгдлийн санд хүснэгт үүсгэх, тэдгээрийг удирдах интерактив администраторын хэрэгсэлтэй байдаг.
2. Хүснэгтүүдийг SQL хэлний операторуудын тусламжтайгаар удирдаж болно

Хүснэгтийг програмын аргаар үүсгэхдээ SQL хэлний CREATE TABLE операторыг ашиглана. Та интерактив хэрэгсэл ашиглан хүснэгтийг удирдах бүх ажиллагаа нь танд мэдэгдэхгүй боловч үнэндээ SQL хэлний операторуудыг ашиглан хийгддэг гэдгийг хэлэх нь зүйтэй.
Хүснэгтийг үүсгэх операторын бүхий л боломжийг үзэх нь манай хичээлийн зорилго биш. Бид зөвхөн үндсэн ойлголтыг үзэх болно. Таны ӨСУС-ийн онцлогоос хамаарсан нэмэлт боломжуудын тухай мэдэхийг хүсвэл ӨСУС-ийн бичиг баримтыг сайтар үзээрэй.

Өгөгдлийн сангийн хүснэгтүүдэд хадгалагдаж байгаа мэдээллүүд нь таны програмд яг хэрэгттэй байдлаараа байхгүй байх нь элбэг тохиолдоно. Жишээлбэл

• Танд компаний нэрийг хаягтай нь цуг үзүүлэх хэрэгтэй байтал эдгээр нь хүснэгтийн өөр өөр баганад байх
• Баганы өгөгдлүүд том, жижиг үсгээр байхад та тайланд бүгдийг жижиг үсгээр гаргах хэрэгтэй болох
• Хүснэгтэд худалдан авсан барааны тоо хэмжээ, үнийн мэдээлэл байхад тайланд бараа бүрээр худалдан авалтын нийт үнийн дүнг гаргах
• Хүснэгтүүдэд байгаа өгөгдлүүдээс дундажийг олох, нийт дүнг гаргах г.м ажиллагаа хийх болсон

Дээрх жишээнүүдэд шаардлагатай мэдээллүүд яг танд хэрэгтэй байдлаараа хүснэгтүүдэд хадгалагдаагүй байдаг.

SQL хэлний SELECT операторыг ашиглан хийж болох хамгийн хүчтэй үйлдэл нь хүснэгтүүдийг нэгтгэх болно. Иймээс нэгтгэл түүний бичлэгийн дүрмийг нарийн судлах нь SQL хэлийг эзэмших үйл явцын хамгийн чухал хэсэг байдаг.
Юуны өмнө нэгтгэлийг үр дүнтэй эзэмшихийн тулд холбоост /relation/ өгөгдлийн санг байгуулах үндэс, холбоост хүснэгтүүд гэдэг ойлголтын талаар тайлбарлах хэрэгтэй. Хичээлээр энэ ойлголтын тухай бүрэн хэмжээнд авч үзэхгүй хэдий ч хичээлийн материал танд хангалттай ойлголтыг өгч чадна.

Үзүүлбэр /view/ - энэ бол виртуал хүснэгт. Хүснэгт өгөгдөл хадгалж байхад үзүүлбэр шаардлагууд хадгалж өгөгдлүүдийг хэрэгцээтэй үед татаж байдагт эдгээрийн гол ялгаа оршино. Үзүүлбэр /view/-г илүү ойлгохын тулд тодорхой жишээ авч үзье. Хүснэгтүүдийн нэгтгэл хичээлд үзсэн жишээг харъя. Энд бид 3 хүснэгтээс SELECT оператораар өгөгдөл татсан.
Жич: Үзүүлбэр гэдэг орчуулга нь нэг их оновчтой болоогүй байж болох талтай. Иймд орчуулгын оронд view гэдэг хэллэгээр нь шууд сурах нь дөхөмтэй байж болно.