Төв блок.

Сайтын цэс, үе хийхээсээ өмнө бид эхлээд төвийн блокийг хийж эхлэе. Дизайныг арай чөлөөтэй байлгах үүднээс цэсний үе болон толгой хэсгийн хооронд 50 px зайг үлдээе. Цэсийг агуулах үеийн өндөр 35 px байх тул төвийн блок сайтын дээд хязгаараас 385 px зайнаас эхлэнэ. Иймд 350 ба 385 px дээр хоёр хэвтээ чиглүүлэгчийг нэмэн байрлуулъя. Төвийн блок 365 px өндөртэй байх учраас бид 650 px түвшинд бас нэгэн чиглүүлэгчийг байршуулна. Чиглүүлэгчдийг үүсгэе. Үүний тулд Move Tool (V) хэрэгслийг аваад ажлын хэсгийг дээр байрлах чиглүүлэгчийн шугамаас чирэлт хийн зохих түвшинд шугамыг байрлуулж өгнө.

Шидэт саваа (Magic Wand) нь Photoshop -ын хамгийн хуучин хэрэгслүүдийн нэг. Зургаас цэгүүдийг сонгохдоо дүрс эсвэл обьектын хүрээг үндэслэдэг хэрэгслүүдээс Magic Wand нь өнгө болон өнгөний уусалтаар сонголт хийдгээрээ ялгаатай. Зарим үед энэ хэрэгслийг ашиглан яг ямар цэгүүдийг сонгож байгааг хянахад хэцүү байдгаас үүдэн олон хэрэглэгчид түүнийг "аймшигт саваа" гэж нэрлэгдэг ч тал бий. Бид хичээлээр энэхүү хэрэгслийн шидэт боломжууд болон түүнийг хэрхэн ашиглах талаар авч үзнэ. Хэрэгслийг хаанаас хэрхэн сонгох талаар Хурдан сонгох хэрэгслүүд хичээлээс үзээрэй.

Хэрэгсэл хэрхэн ажилладагийг бодит жишээн дээр авч үзье. Та дунд хэсгээрээ улаан өнгийн зурвасаар таслагдсан хөх-цагаан шилжилт (градиент) бүхий зургийг харж байна.

Adobe Photoshop CS бол график дүрсүүдийг засварлах мэрэгжлийн засварлагч. Веб хуудасны дизайн, хэвлэлийн эхэд зориулагдсан растер график дүрсүүдийг үүсгэх, засварлахад зориулагдсан программ юм. Өнөөдөр растер график файлуудыг боловсруулахад хамгийн өргөн ашиглагддаг хэрэгслүүдийн тоонд Photoshop зүй ёсоор ордог. Программын 13.0 буюу CS6 хувилбарт растер графиктай ажиллахаас гадна вектор графикийг оруулан ирэх, хөдөлгөөнт файлууд үүсгэх, видео хэсгүүдийг засварлах, гурван хэмжээст дүрсийг үүсгэх нэмэлт боломжууд бий болсон. Үүнээс гадна тоон фотог боловсруулах олон төрлийн шинэ функцууд нэмэгдсэн.  

Хичээлүүдэд ашиглах зарим хэллэгийг эхлээд ойлгох хэрэгтэй.
Эдгээр хэллэг нь хулганаар хийх үйлдлүүдийг хураангуйлсан болно. Windows -ийн программуудыг ашиглах гол хэрэгсэл хулгана байдаг болохоор эдгээр хэллэгийг сайн тогтоогоод аваарай.

Photoshop CS4 -өөс эхлэн программ файлын жагсаалттай ажиллах өөрийн хөтөч дэд программтай болсон. Ингэснээр хэрэглэгч зургууд байршсан хавтсуудаас хэрэгтэй файлуудыг жижигхэн дүрсээр харан тэдгээрийн шинжүүдийг үзэх боломжтой болсноор зургийн файлуудтай ажиллахад их хөнгөн болгосон. Зургийн жижигрүүлсэн дүрс дээр баруун даралт хийхэд гаран ирэх цэсээс зургийг эргүүлэх, нэрийг өөрчлөх, нээх, устгах, хувилах гэх мэтийн олон командыг сонгох боломжтой. Бүр шинээр хавтас ч үүсгэх боломжтой. Файлыг Adobe Photoshop дээр нээхийн тулд жижигрүүлсэн зураг дээр хоёр даралт хийх эсвэл зургийг файлын хөтөчөөс Adobe Photoshop -ийн ажлын цонх руу чирэхэд л хангалттай. Adobe Bridge -ийг  хэдэн янзын аргаар дуудаж болдог.