Энэ хичээлээр бид фотошопын филтерүүдийг ашиглан текстэд эффект оруулах энгийн аргыг авч үзэх болно. Хичээлээр бид текстэнд доорх зураг дээрх эффектийг хэрхэн үүсгэхийг сурах юм.
1-р алхам. File → New гэж ороод шинэ хуудас үүсгэнэ. Хэмжээг өөрсдөө сонгон аваараай.Харин Color mode нь Grayscale байх хэрэгтэй. Цагаан дэвсгэр дээр хараар доорх текстээ (Horizontal Type) бичээрэй. Текстийг бичихдээ томхон фонтыг ашиглаарай.
2-р алхам. Текстээ бичсэний дараа хэв болон хэмжээг Ctrl+T даран өөрчилж болно. Манай текст ба дэвсгэр (фон) хоёр тус тусдаа үе дээр байгаа учраас эдгээрийн Ctrl+E даран нийлүүлье.
3-р алхам. Filter → Pixelate → Crystallize гэж ороод Cell Size хэмжээг 3-5 хооронд өгөөд Ok дарна. Галаас гарч байгаа дулааныг бодьтой болгох үүднээс Filter → Blur → Gaussian Blur филтерийг 1 pixel радиустай ашиглана. Одоо таны зураг доорх хэлбэртэй болсон байх ёстой.
4-р алхам. Зургийн өнгийг эсрэгээр нь сольё. Үүний тулд Image → Adjustments → Inverse гэж орно.
5-р алхам. Галын дөлийг үүсгэхийн тулд зургаа цагийн зүүний дагуу 90 градусаар (Image → Rotate canvas → 90 CW ) эргүүлье. Галын дөлийг бид Wind ( Filter → Stylize → Wind ) филтерийг From the Left параметртэй ашиглан хийнэ.
6-р алхам. Галын дөл бага байгаа санагдвал Ctrl+F даран филтерийг дахин хэрэглэж болно.
7-р алхам. Галын дөлөө бага зэрэг долгионтой болгож өгье. Ингэхдээ Ripple ( Filter → Distort → Ripple ) филтерийг Size → Medium , Amount → 50% параметртэйгээр хэрэглэе.
8-р алхам. Одоо зургаа буцаагаад анхны байрлалд нь (Image → Rotate canvas → 90 CCW ) оруулна. Галтай төстэй болсон байгаа биз.
9-р алхам. Ripple ( Filter → Distort → Ripple ) филтерийг Size → Large ( эсвэл High) , Amount → 30% параметртэйгээр дахин хэрэглэе. Одоо галаа будах л үлдлээ. Үүний тулд зургийн горимыг Image → Mode → Indexed Color гэж орон өөрчилнө.
10-р алхам. Зургаа өнгөтэй болгохын тулд Image → Mode → Color Table гэхэд өнгөний тохиргоо хийх хүснэгт гарч ирнэ. Одоо Table талбарт Black Body - г сонгоход галт текст үүснэ.
Параметрүүдийн утгуудыг өөрийн хүссэн байдлаар өөрчлөн хэрэглэн туршин үзэх хэрэгтэй. Гол нь ашиглагдаж байгаа филтерүүд хэрхэн ажилладаг болохыг ойлгон авахыг хичээгээрэй.
- Quick Selection Tool (W) (Хурдан сонголт) зургийн хэсгийг чөлөөт хэлбэрээр сонгох ажиллагааг хөнгөвчлөн өгнө. Хэмжээг тохируулан удирдаж болдог дугуй бийрээр гараараа сонголтын хэсгийг хурдан үүсгэх боломжтой. Хэсгийг үүсгэж байх явцад сонголтын хэсэг өргөжнө. Сонголтыг зургийн аль ч хэсэгт хийж болох бөгөөд эдгээр хэсгүүд нэгдэн сонголтыг үүсгэнэ. Сонгосон хэсгээ багасгах эсвэл өөрчлөх хэрэгтэй бол Alt товчийг дарж байгаад хийнэ. Хэрэгслийн тохиргооны самбарт хурдан сонголт хийх горимыг тохирох товчнуудыг ашиглан тохируулж болдог. Хэрэгслийн тохиргооны самбарыг авч үзвэл.