Энэхүү стратегийг би нэгэн Форекс сайтаас олж үзсэн юм. Стратегийг хэрэглэх алгоритм энгийн ойлгомжтой тул та бүхэнд хэрэг болох байх гэсэн үүднээс түүнийг толилуулж байна. Арилжаандаа туршин үзээд параметрүүдийг тохируулан хэрэглээд үзээрэй. Олон стратегэд эдгээр техникийн индикаторуудыг ихээр ашигласан байдаг тул ажиллах зарчмыг сайтар ойлгохыг хичээгээрэй.

Форекс арилжааны энгийн стратегүүдийн адилаар "Гурван EMA, MACD" стратегийн бүх дүрмийг чанд сахисан үед л худалдаачинд ашиг авчрах болно. Энэ системээр зах зээлийн ханш огцом савласан жишээ нь чухал мэдээнүүд гарах үеэр ажиллахгүй байх нь дээр. "Гурван EMA, MACD" стратегийг M15 эсхүл H1 таймфреймд ашиглахыг зөвлөмөөр байна. Арилжааны хэрэгслүүдийн хувьд стратегийг GBP/JPY, USD/JPY, GBP/USD хосууд дээр туршин үзсэн хэдий ч зарчмын хувьд бусад валютын хосуудад ч ажиллах ёстой.

"Гурван EMA, MACD" стратегийн алгоритм

Арилжаанд орохын өмнө зарим нэгэн тохиргоог хийх хэрэгтэй. Эхний ээлжинд ханшийн график дээр гурван экспоненциал шилжсэн дундаж болон MACD -г байрлуулах хэрэгтэй. Терминалд индикатор оруулах тухай эндээс үзээрэй.

• 50 үетэй EMA - хөх өнгөөр
• 100 үетэй EMA - улаан
• 200 үетэй EMA - ногоон
• MACD (12, 26, 9)

Индикаторуудыг байрлуулсан бол судалгаандаа орно. Зах зээл өсөх трендтэй байвал ханш ЕМА (50) -г дайран, ЕМА (100) гээд цааш ЕМА (200) руу дээшлэхийг бид ажиглаж болно. Үнэ өөрийн дундаж хэмжээ рүү байнга хөдлөн түүнд хүрээд ихэнх тохиолдолд буцдаг гэдгийг санаж байх хэрэгтэй. "Гурван EMA, MACD" стратегийн туршилтын үед ханш ЕМА -г нэвтрэн гарсан бол цааш өөр ЕМА руу явдаг гэдэг нь ажиглагдсан болно. Энэ бол 40-60 пунктын боломжийн зай шүү. Гэхдээ ганц шилжсэн дундажаар арилжаа хийх нь тийм сайн санаа биш учраас бид Фибоначчи болон MACD ашиглах болно.

Арилжаа хийх дүрэм

• Эхлээд зах зээлд дээд болон доод ханш бүрэн гарч ирэхийг хүлээнэ.
• Үүний дараа дээд доод үнүүдээр Фибоначчийн түвшинг байгуулна.
• Хэрвээ Фибо түвшин, ЕМА давхцаж байвал ханш буцах үед зах зээлийн ханшаар эсхүл хойшлогдсон лимит ордероор арилжаанд орж болно.
• Энэ үед MACD индикатораар дивергенц ажиглагдаж байвал арилжаанд эерэг үр дүн гарах их боломжтой.
• Ашгаа алдахгүйн тулд трейлинг-стопыг ашиглаж болно.
• Стоп лосс -г заавал ашиглаарай. Стоп лоссыг худалдаж байгаа бол дараагийн шилжсэн дундаж эсвэл Фибо түвшингээс бага зэрэг дээгүүр харин худалдан авч байгаа бол дараагийн шилжсэн дундаж эсхүл Фибо түвшингээс бага зэрэг доогуур тавих хэрэгтэй.
• Ашгаа дээд эсхүл доод цэг дээр авах болно.

"Гурван EMA, MACD" стратегиар арилжаа хийх жишээ

"Гурван EMA, MACD" стратегийн нэмэлт

• Фибоначчийн түвшинтэй холбоотой хэдэн сануулга хийх хэрэгтэй. Хамгийн дээд болон доод ханш бий болсон үеэс хойш хичнээн хугацаа өнгөрсөн нь энэхүү энгийн стратегид хамааралгүй. Хэдхэн минутаас хэдэн өдөр өнгөрч болох ч ямарч тохиолдолд ханш Фибогийн түвшингээс эдгээр дундаж руу буцах л болдог.  
• Ханш ЕМА -г амархан цөмрөөд лаа дундажаас дээр хаагдсан (хөдөлгөөний үед) тохиолдолд маш болгоомжтой байх хэрэгтэй. Учир нь ийм тохиолдолд буцах уу эсхүл цөмрөх үү гэсэн тогтсон зааварчилгаа байхгүй. Ийм үед ханш шилжсэн дундажийг цөмрөөд дараагийнх руу явж ч мэднэ эсхүл түүнээс буцаж ч болох талтай.
  
• ЕМА (50) шугам ЕМА (100), ЕМА (200) -г дайран өнгөрөх нь ханш дайран өнгөрсөн чигтээ цааш явна гэдгийн маш сайн баталгаа болдог. Энэхүү огтлолыг "үхлийн огтлол" гэж нэрлэдэг бөгөөд форексын олон стратегид ашигладаг.

Стратегийг туршихгүйгээр шууд арилжаанд ашиглахгүй байхыг сануулъя.