Үнэ дээшээ цөмөрч чадахгүй байгаа шугамыг эсэргүүцлийн шугам (Resistance) гэх ба харин доошоо цөмөрч чадахгүй шугамыг дэмжих шугам (Support) гэдэг.
Валютын ханшийн эсэргүүцлийн шугам (resistance line) гэдэг нь ихэнх трейдерүүд валютыг зарахад ашигтай гэж үзэж буй сэтгэл зүйн түвшин юм. Олон хүмүүст бий болсон ийм нэгдсэн санаа нь үнэ ямар нэгэн шугам эсвэл эсэргүүцлийн түвшинд дөхөн ирэхэд зах зээлийн олон тооны оролцогчид дилерт урьдчилан өгсөн хойшлогдсон захиалагын тусламжаар эсвэл зах зээлийн ханшаар валютыг худалдаж эхлэх явцад хүргэнэ.
Их хэмжээний хойшлогдсон захиалга, олныг хамсарсан худалдалтын үр дүнд валютын ханш харагдахгүй шугамд доороос тулаад буцан бууж эхэлнэ.

Forex нь юуны өмнө сэтгэл зүйн тогтвортой, боловсролтой хүмүүсийн ажил. Энэхүү ажил нь эрсдэлтэй хэдий ч таны санхүүгийн амжилтыг хязгаарладаггүй. Хэрвээ та интернет ажлын тусламжаар санхүүгийн эрх чөлөөг олъё гэж хүсэж байгаа бол Forex-ын зах нь яг тохирно. Гэхдээ энэ бүхэн сайхан хэдий ч энэ ажил танд тохирох эсэхээ сайн ойлгох хэрэгтэй.

Forex -ын бүх үнэн юунд оршдог вэ?

Форексын бодит үнэн гэвэл дандаа стратеги биш. Таны стратеги ашигтай хэдий байсан ч гэсэн таныг хожигдолд хүргэж болно. Өөрөөр хэлбэл та зах зээлийн прогноз хийж чадаж байгаа нь таныг форекст хэрхэн ажиллахыг мэднэ гэдгийг илэрхийлэхгүй. Форекс ажилд сэтгэл зүй чухал үүрэгтэй. Форекс ажил нь интернет ажил учраас та гэртээ зөөлөн буйдан дээр суугаад, гэрийн хувцастайгаа, аяга кофе тавьсан шигээ мөнгө хийх нь хүнийг хүчтэй сулруулдаг. Биеийн тамирын зааланд дасгал сургууль хийх нь гэртээ хийснээс хамаагүй илүү үр дүнтэй байдгийг та мэдэх байх. Учир нь өөртөө тавих хяналтанд байгаа юм. Интернет арилжаа мэтийн ганцаарчилсан бизнест та өөрөө өөрийгөө удирдах хэрэгтэй болдог нь их аятайхан хэдий ч бусдын удирдлагад ажиллахаас нилээд нарийн асуудал. Форекст ажиллах ажлын горим, сэтгэл хөдлөл, ажлын ачааллыг тодорхойлох гээд бүгдийг өөрөө удирдан зохицуулах нь ихээхэн төвөгтэй нарийн гэдгийг ойлгоорой.

Шилжсэн дундаж (Moving Average) бол техникийн анализын хамгийн өргөн дэлгэрсэн, энгийн индикаторуудын нэг юм. Шилжсэн дундаж нь трендийг судлах индикаторуудын ангилалд орох бөгөөд шинэ чиг хандлагын эхлэл ба түүний төгсгөлийг тодорхойлоход ашиглана. Түүний налсан өнцөгөөр трендийн (хөдөлгөөний хурд) хүчийг тодорхойлж болохоос гадна индикаторыг бусад олон тооны техникийн индикаторын суурь болгон ашигладаг. Заримдаа шилжсэн дундажийг трендийн шугам ч гэж нэрлэдэг.
Энгийн шилжсэн дундажийг доорх томьёогоор тооцно.

Одоогийн байдлаар форекст ашигладаг ихэнх стратегүүдийн үндэс нь трендээр арилжаанд оролцох явдал. Иймээс сонгон авсан хугацааны үеүүдэд трендийг тодорхойлох өөрөөр хэлбэл ханшийн өөрчлөлтийн чиглэлийг зөв тогтоох нь хамгийн хүндхэн асуудлуудын нэг болдог. Энэхүү асуудлыг илүү нарийн ойлгохын тулд тренд гэж юу болох, түүний чиглэл юунаас хамаарах, хөдөлгөөний чиглэлийг тодорхойлох онцлогуудыг талаар тодорхой мэдлэгтэй байх хэрэгтэй.