Хэрвээ та ямар нэгэн зургийн программ дээр ажиллаж чаддаг бол энэ ойлголтыг та мэдэх байх. Бусад хүмүүст тайлбарлая. Ямар нэгэн юм бичсэн эсвэл зурсан олон тооны цаасан хуудас байна гээд бодъё. Бид зөвхөн эхний хуудас дээрх агуулгыг л харах болно. Хэрвээ эхний хуудсыг авчихвал дараагийн хуудсны агуулгыг харна гэх мэтээр. Үүний адилаар CSS -д бид хэд хэдэн үе үүсгээд үе бүрдээ хэрэгтэй элементүүдээ байршуулаад тэдгээрийг z-index шинжийн тусламжтайгаар дугаарлан өгч болдог. Үеийн дугаар их байх тусам тухайн үе давхрагад дээгүүр байрлана. Жишээ нь бид 6 үе хийсэн байхад хэрэглэгч эхлээд z-index:6 үеийг харах юм. Үеийг дэлгэгдэх цэсийг хийхэд ихэнхдээ ашигладаг.

Энэ хичээлээр бид сайтын CSS кодчлолыг дуусгах болно. Манай сайтын дизайн бараг дуусч байгаа ба бид одоо сайтын хөл хэсгийн хэлбэржүүлэлтийг хийх үлдсэн. Хөл хэсэг зураг болон текстийн хоёр хэсгээс бүрдэнэ. Зургийг гаргахын тулд Footer -> Image бүлэгт ороод background, image үеүүдийг нэгтгээд хуулаад шинэ файлд оруулаад footer-image.jpg нэрээр хадгална. Зургийн хувьд PNG форматаар том хэмжээтэй гарах тул jpg -г сонгоорой. Толгой хэсгийн зургийг гаргасантай адил тул нарийн тайлбар хийхгүй.

CSS -д фонтын параметрүүдийг өгөхдөө font шинжийг ашигладаг.

Font-family

Шинж нь фонтын багцуудыг өгдөг. Бүх фонтуудыг ерөнхийд нь хэдэн бүлэгт хувааж болдог:

• Serif - үсгүүдийн төгсгөлд жижигхэн элемент (зураас) оруулсан фонтууд, жишээ нь, Times New Roman.
• Sans-serif - үсгүүдийн төгсгөлд жижигхэн элемент (зураас) оруулаагүй фонтууд, жишээ нь, Arial.
• Monospace - бүх тэмдэгтүүд нь ижилхэн өргөнтэй фонтууд, жишээ нь, Courier New.
• Cursive - гар бичмэл хэлбэрийн фонтууд, жишээ нь, Calisto MT.
• Fantasy - гоёлын фонтууд, жишээ нь, Torhok.

Фонтуудын бүлгүүдийн жишээ:

Магадгүй та CSS-ийн тухай сонссон хэдий ч чухам юу гэдэг талаар мэдэхгүй байж болно. Тэгвэл энэ хичээлээр CSS гэж юу болох, юуг хийж чадах талаар үзэх болно. CSS гэдэг нь Cascading Style Sheets үгний товчлол. Та HTML хэлний хичээлүүдээс энэ нь веб хуудсыг хэлбэржүүлэх хэл гэдгийг мэдсэн. Хэлийг зохиогчид сайт үүсгэх ажиллагааг сайжруулахын тулд HTML хэлэнд сайтын гадаад төрхийг хэлбэржүүлэх <font>, <b>, <i>, <bgcolor> гэх мэтийн олон төрлийн элементүүд болон параметрүүдийг нэмсээр ирсэн. Гэтэл энэ нь тодорхой хугацааны дараа сайтын кодыг уншигдах болон хэмжээний талаасаа хэтэрхий нүсэр болгосон нь энэ замаар хол явахгүй гэдгийг ойлгомжтой болгосон. Ингээд хуудасны бүтцийг (HTML) түүний харагдах хэлбэрийг тодорхойлогчоос (CSS) салгах шийдэлд хүрсэн байна. HTML ба CSS -ын хослол гайхамшгийг бүтээдэг гэдэгтэй бид удахгүй танилцах болно.