Шатар тоглож сурч байгаа, шатар тоглогдог хүмүүс мэдэж байхад илүүдэхгүй гарааны зангын талаар энэ хичээлд үзнэ. Гарааны зангыг мэддэг байснаар нэгд өөрөө тэдгээрт орохгүй байх хоёрт өрсөлдөгч зангыг мэдэхгүй эсхүл сулхан гэж үзвэл зангыг түүнд хэрэглэхэд хэрэгтэй. Бидний үзэх зангууд бол гараанд шууд хэрэглэж болох суралцахад хүндрэлгүй, энгийн.
Бид хичээлд өрсөлдөгчийн алдаанд найдсан зангуудыг үзэхгүй. Өрсөлдөгчийн алдаанд найдсан зангууд тийм сайн байдаггүй. Хэрвээ өрсөлдөгч зангыг мэдвэл энэ нь эргээд танд асуудал авчирдаг. Иймээс хичээлд бид өрсөлдөгч ороогүй ч танд онцын хүндрэл авчрахгүй зангуудыг авч үзэх юм.

Дэлхийн шатрын дөрөв дэх аварга Александр Александрович Алехин нь Оросын хаант улсын нэрийн өмнөөс тоглож байсан. Дэлхийн нэгдүгээр дайны өмнөх хүчтэй шатарчдын нэгд тооцогдож байлаа. 1920 онд ЗХУ-ын анхны аварга болсон бөгөөд 1921 онд Оросоос Францад шилжин суурьшсан 1925 онд Францын иргэншил авсан. 1927 онд ялагдашгүй Хосе Рауля Капабланкийг дэлхийн аваргын төлөөх тэмцээнд хожин дараачаар нь хэдэн жилийн туршид өөрийн цаг үеийн томоохон тэмцээнүүдэд тогтмол сайн тоглож байсан.
Алехин гүнзгий тооцсон комбинацаар үр дүнтэй дайралт хийн тоглодог дайрах хэв шинжээр тоглодог шатарчин байсан. Үүнээс гадна тэрээр гарааны онолын олон тооны боловсруулалтыг хийсний зэрэгцээ төгсгөл буюу эндшпилийн өндөр техниктэй тоглогч байсан.
Энэхүү хамгаалалтыг А. Алехин 1921 онд Будапешт Л.Штейнертэй хийсэн өрөгт хэрэглэн практикт оруулан ирсэн. Алехиний хамгаалалтын санаа нь цагааны хүүний төвийг сөрөг довтлох, боднуудын тоглолт юм. Хэдийгээр өөрөө санаачилсан ч гарааг хангалттай зөв биш үздэг байснаас өөрийн тоглолтонд бага хэрэглэдэг байсан.
Өнөө цагт гарааны онолын компьютерийн судалгаа хөгжсөнөөр Алехиний гараа өндөр зэрэглэлийн тоглолтод бараг тохиолдохоо больсон. Төвийг сайн дураар өгөн хэдэн темп алдсанаар ихэнх хувилбарт цагаанд тогтвортой, байрлалын давууг өгдөг.

Хаалттай гараа багц хичээлийн сүүлийн гараа Чигориний хамгаалалттай таницахыг урья. Хүмүүсийн дунд шатрыг их тоглох тусам сайжирдаг гэсэн ойлголт их түгээмэл байдаг ч онолын үндсийг судлахгүйгээр дан ганц практикаар ямарч чиглэлд төдийлөн сайн амжилтад хүрэхгүй. Хэрвээ та гарааны эхний 5-8 нүүдэлд өргийн хувь заяаг шийдэх алдаа хийж байвал гарааны онолыг заавал судлах хэрэгтэй. Ийм зүйл эхлэн суралцагсад, сонирхогчдын дунд маш түгээмэл тархсан байдаг ч хүмүүс онолыг багшгүйгээр сурах боломжгүй гэсэн шалтгаанаар хойш тавьдаг нь буруу. Сайтад тавигдсан гарааны талаарх багц хичээлүүдийг системтэйгээр үзэн судалснаар та сонирхогчдын дундаа гарааны онолыын тодорхой мэдлэгтэй нэгэн болно гэдгийг батлан хэлье.

Санамж: Мэрэгжлийн шатарчдын хувьд бол тусдаа багш, дасгалжуулагч, сэтгэл зүйч гээд бүтэн багтай байж амжилтанд хүрдэг.

Шатар сурах энгийн хэдий ч муугүй тоглож сурахад онолын мэдлэг зайлшгүй хэрэгтэй. Тэр дундаа гарааны онолыг сайтар ойлгож судлан өргийг тодорхой гараагаар эхлүүлэхгүй бол эхний хэдхэн нүүдэлд алдаа гарган өргийн хувь заяаг шийдэх нь бишгүй тохиолддог. Та сайтад нийтлэгдсэн шатрын гараануудыг судлан өөрийн тоглолтод хэрэглэвэл тоглолтын ур чадвар эрс нэмэгдэнэ гэдэгт итгэлтэй байж болно.